International Etüd Restriktioune fir privat Versammlunge si mat am effikassten

D'Annulatioun vun ëffentlechen Evenementer, imposéiert Restriktioune fir privat Versammlungen an d'Zoumaache vun de Schoulen, hu quantitativ dee gréissten Effekt op d'Beschränkung vun der Covid-19-Pandemie. Ënner anerem dat geet aus enger Etüd vum Center for Economic Policy ervir, un där och de Liser matgeschafft huet.

Maxi Pesch / cz

Coronavirus
Foto: Bigstock / galinadvorak

De Bäitrag vum Maxi Pesch lauschteren


Och wann d'Etüd nach net ganz ofgeschloss wier, wier et elo scho kloer, datt dës dräi Mesuren dee gréissten Impakt op d'Aschränkung vun der Covid-19-Pandemie hätt, erkläert de Bertrand Verheyden, ee vun den Auteuren a Chercheur beim LISER. Déi Plazen, wou vill Leit beienee kommen, wieren d'Haapttransmissiounskanäl.

Och d'Zoumaache vun der Aarbechtsplaz an d'Bleif-doheem-Strategie géif d'Verbreede vum Coronavirus limitéieren. Wann och net grad esou staark. Och Restriktiounen op der Aarbechtsplaz an an der Schoul géifen hëllefen, mee wiere manner effikass, esou de Fuerscher.

Keen Impakt hätten d'Chercheure fonnt, wat déi international Reeskontrollen, d'Zoumaache vum ëffentlechen Transport an d'Restriktiounen vun der Beweegungsfräiheet tëschent de Stied an de Regiounen ugeet.

Fir d'Etüd ze realiséieren hätten d'Chercheuren e Modell fir multipel Evenementer entwéckelt. Dëse Modell wier op 135 verschidde Länner mat hiren Differenzen ugewant ginn, heescht et an der Etüd, mam Zil, d'Mesurë géint d'Covid-19-Pandemie ze moossen.

D'Chercheuren hätten der Politik hir Etüd nach net presentéiert, esou de Bertrand Verheyden.

Méi zum Thema

François Bausch
Corona-Kris

Well d'Zuel vun den Neiinfektiounen an de leschten Deeg geklommen ass, misst een d'Covid-Gesetzer vläicht verschäerfen, seet de François Bausch. Op private Partye géif et eng héich Ustiechungsgefor ginn.

Jean-Claude Schmit
Corona-Pandemie

D'Santé wier "e bëssen iwwerrascht" iwwer d'Rapiditéit, mat där d'Corona-Infektiounen nees geklomme sinn, esou de Jean-Claude Schmit. Pro Dag kéint een d'Kontakter vun enge 60 Leit retracéieren.

Ulf Nehrbass
Corona-Pandemie

Et wier méiglech, datt Lëtzebuerg um Ufank vun enger zweeter Well steet, seet den Ulf Nehrbass. Dofir wier et wichteg, datt d'Massentester gemaach ginn, fir esou d'Infektiounsketten ze ënnerbriechen.

Programm

  • Notturno

  • On air

    Noriichten

  • Moies-Magazin

  • Iwwer Mëtteg

  • Resonanzen

Net verpassen

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen