Blannenheem "Rou an den Dossier bréngen"

"Rou an den Dossier bréngen", dat ass d'Haaptmissioun vum Christian Erang, dee viru gutt zéng Deeg den Interim an der Direktioun vum Blannenheem zu Rolleng iwwerholl huet. Nodeems eng Rei Bewunner Reprochë géint den deemolegen Direkter Jean-Paul Grün formuléiert haten, huet deen d'Haus doropshi misste verloossen. Dem Christian Erang no hätt déi fréier Direktioun net transparent an offensiv genuch wärend der Kris kommunizéiert. Déi vill Rumeuren an der Press wieren awer net fondéiert.

Maxi Pesch / cz

Illustratioun Blannenheem
Foto: Bigstock / New Africa

Zil wier elo den Deconfinement virunzedreiwen an d'Bewunner, d'Famillen an d'Personal all kennenzeléieren, esou den Interimsdirekter am 100,7 Interview.

De Confinement hätt d'Schwächte vun der fréierer Direktioun verstäerkt, esou de Christian Erang. Vun enger sanitärer Kris wier et zu enger Kommunikatiounskris komm. "Ech denken datt d'Kommunikatioun an der Kris net déi optimaalst war mat de Famillen.

Och d'Zesummenaarbecht mam Jean-Paul Grün, deen e Freideg ophält, wier gutt gewiescht. Bis Enn dës Joers wëllt de Christian Erang Rou an d'Blannenheem kréien. Ugefaange mam Deconfinement.

"Fir méiglech Kollateralschied ze vermeiden sote mir, mir géifen d'Haus esou séier wéi méiglech deconfinéieren. Wat sécherlech vill Famillen a Bewunner a Personal frou gemaach huet. D. h. mir hunn zum Beispill fir Mammendag enge 40 Leit konnten erméiglechen, datt si bei hir Famill heem ginn."

Een aneren Aspekt wier de Kontakt mat de Famillen. D'nächst Woch wiere véier Renconteren am Mierscher Kulturhaus organiséiert.

Dat géif de Famillen d'Méiglechkeet ginn, datt si der Direktioun hir Doleancë kënne matdeelen. "An den Echange ass mir immens wichteg. Et brauch och vill Zäit bis ech mech am Haus a bei de Famille virgestallt hunn", esou de Christian Erang.

Nieft den Awunner an de Famille wëllt de Christian Erang sech och ëm d'Personal këmmeren, dat wärend der Kris eng gutt Aarbecht geleescht hätt an och ënner den Onrouen am Blannenheem gelidden hätt.

Méi zum Thema

Illustratioun Blannenheem
No Mësstänn

Nodeems den Direkter vum Blannenheem demissionéiert huet, fuerdert säi Virgänger eng Reform vum Verwaltungsrot. Datt de Jean-Paul Grün demissionéiert hätt géif weisen, datt seng Kritik gerechtfertegt wier, esou de Roger Hoffmann.

Illustratioun Persoun mat Blannenhond
MËSSSTÄNN AM BLANNENHEEM

Den Direkter vum Blannenheem zu Rolleng huet demissionnéiert. Dat huet de Verwaltungsrot zesumme mam Jean-Paul Grün haut decidéiert. De Christian Ehrang, fréieren Direkter vu verschiddenen Altersheemer iwwerhëlt den Interim.

Eng blann Persoun
Mëssstänn am Blannenheem

D'Mëssstänn, op déi d'Famillje vu Bewunner aus dem Blannenheem zu Rolleng opmierksam gemaach hunn, si keen Eenzelfall. De Joël Delvaux vum OGBL seet, datt et déi Problematik a villen Institutioune gëtt.

Jean Schintgen
Ticketlosen ëffentlechen Transport

Vun e Samschdeg un ass den ëffentlechen Transport fir jiddwereen hei am Land gratis. Mee si Bus an Zuch och fir jiddwereen d'selwecht accessibel? Wéi gesäit et zum Beispill fir Rollstullfuerer oder blann Leit aus?

Programm

Net verpassen

Dossieren

  • Drogen a Mënschen

    Zanterdeem et d'Mënschheet gëtt, hunn Droge si begleet. Haut hu vill Drogen e schlechte Ruff. Wisou ass dat esou a wat misst geschéien, fir besser iwwer eventuell Risike beim Konsum opzeklären?

  • Kuriositéiten aus der Lëtzebuerger Sprooch

    Si oder hatt? Zwee oder zwou? Domat oder domadder? Lëtzebuergesch ass och fir Mammesproochler net ëmmer einfach. Mir ginn der Saach op de Fong.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen