Bettel a China "Sech mat China un een Dësch setzen"

Zu Peking gëtt de Xavier Bettel um Méindeg vum chinesesche Premier LI Kequiang empfaangen. De Lëtzebuerger Premier ass nach bis e Mëttwoch op offizieller Visite a China. Seng Visite an der Volleksrepublik kéim zu engem wichtege Moment. China géif op internationalem Niveau an an de Relatioune mat der EU eng wichteg Roll spillen.

Serge Kesseler (Peking) / ys

De Xavier Bettel op Visite a China
De Xavier Bettel op offizieller Visite a China

De Prinzip fir zesummen no Léisungen ze siche gëlt och fir d'Situatioun vun de Mënscherechter a China, seet de Xavier Bettel. De Premier hofft op Fortschrëtter duerch geplangten nei Gespréicher tëscht der Europäescher Unioun a China an dësem Beräich.

"Et gëtt kee Sujet, deen däerf Tabu sinn", seet de Xavier Bettel. "Mir kréien näischt geännert wa mir hinne soen, wat si schlecht maachen. Mir kréie Saache geännert wa mir eis mat hinne ronderëm en Dësch setzen an eis Ziler ginn a gemeinsam Agendae ginn." Op internationalem Niveau géif dacks vill iwwer deen anere geschwat ginn, awer leider net dacks ee mat deem aneren.

Keng Komplexer

China ass hannert den USA déi zweet gréisst Wirtschaft op der Welt. Mat nach ëmmer enger ganz staarker Croissance. Aner Saache wieren awer wéinst der Wirtschaft net egal, seet de Xavier Bettel.

Beim Optakt vu senger offizieller Visite huet de Lëtzebuerger Premier vu gudde Relatioune mat China geschwat. De Grand-Duché géif zu Peking mat ganz vill Respekt empfaange ginn. "Et brauch een net Komplexer ze hunn. Mir si Partner mat China. Et ass net hei dee Groussen, deen Klengen ëmfänkt. Et sinn zwee Länner, déi matenee gutt schaffen, a ville Beräicher."

A Präsenz vun de béide Regierungscheffe ginn e Méindeg zu Peking eng Rei Accorden ënnerschriwwen. Dorënner dee fir déi geplangte Gemeinschafts-Cargo-Airline tëschent der Cargolux an der chinesescher Provënz Henan. Dës nei Gesellschaft soll mat dräi Fligeren ufänken ze funktionéieren, sou de Cargolux Generaldirekter Richard Forson op Nofro hin.

Op der Visite a China dobäi sinn och d'Ministere François Bausch a Pierre Gramegna.

Reportage vum S. Kesseler

Méi zum Thema

Tu-tuk Taxien zu Bangkok Meenung
Reesen

Nach ni sinn esou vill Leit duerch d'Welt gereest an haten d'Méiglechkeet, aner Kulture kennenzeléieren. Mä eng nei Kultur entdecken heescht net onbedéngt, si z'erliewen, a scho guer net, si ze verstoen.

Gao Xinjiang
Nobel-Laureat

Als onbekannte Schrëftsteller gouf de Gao Xinjiang 2000 mam Nobelpräis fir Literatur ausgezeechent. De villsäitege Kënschtler war zu Lëtzebuerg fir eng Vernissage an d’Presentatioun vun engem Film.

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Dossieren

  • 76. Filmfestival zu Venedeg

    Zu Venedeg ass déi 76. Editioun vum Filmfestival. Den Tom Dockal ass fir de radio 100,7 op der Plaz. All Dag pickt hie sech ee Film eraus, fir deen da méi genee ënner d'Lupp ze huelen.

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen