#ChamberLeak Sécherheetslacunen op chamber.lu

Um Internetsite vun der Chamber ware bis e Mëttwoch den Owend eng ganz Partie intern a sensibel Dokumenter net adequat geséchert. Duerch d'Editéiere vu Weblinken konnten déi vertraulech Informatioune mat engem normale Webbrowser ofgeruff ginn. Dat weise Recherchë vum radio 100,7.

Jean-Claude Franck / Claude Biver / ckl

Exklusiv Chamberleaks3.
#ChamberLeak

Et ass duer gaangen, einfach Weblinken op de Chambersite no engem bestëmmte System z'editéieren, fir op eng ganz Rei Chamber-Dokumenter ze stoussen, déi zum Deel net fir d'Ëffentlechkeet geduecht sinn. Recherchë vum radio 100,7 no waren iwwert dee Wee Dausende vun Dokumenter accessibel. Vun deenen déi de radio 100,7 um Chambersite consultéiere konnt, sinn ënnert anerem provisoresch Rapporte vun der Geheimdéngschtkontrollkommissioun, Autorisatioune fir budgetär Augmentatioune vum SREL oder intern Notte fir d'Visitte vun auslännesche Gäscht ze preparéieren.

A verschiddene Fäll gouf doduerch d'Privatsphär vu Bierger oder déi vu Chamber-Mataarbechter net respektéiert.

Cybersécherheet engem Rapport no Thema

Et waren och Personalugeleeënheeten ënnert den Dokumenter. Et konnt een dora liesen, datt verschidden Deputéiert net woussten, datt fir hir Indemnitéite vum Congé politique musse Sozialcotisatioune bezuelt ginn, oder wéi eng Leit rezent an der Chamber fir fräi Poste kandidéiert hunn. Et waren och Fäll vu Bierger drënner, déi sech mat perséinlechen Ugeleeënheeten un d'Chamber adresséiert hunn.

Aus engem interne Rapport ass och ervirgaangen, datt d'Membere vum Chamberbureau Enn 2017 iwwer d'Sécherheet vum informatesche System vun der Chamber diskutéiert hunn. En Deputéierten huet déi Responsabel vum zoustännegen Zerwiss gefrot, wéi d'Chamber am Fall vun enger Hackerattack reagéiere géif. An deem Fall géif et eng immédiat Reaktioun ginn, esou d'Äntwert am Rapport, deen eis virläit. D'Chamber géif och mam staatlechen Zerwiss Govcert a mat private Firmen zesummeschaffen, fir d'Sécherheet ze garantéieren. Donieft géife regelméisseg Kontrolle gemaach ginn.

Chamberpresident iwwerrascht a besuergt

D'Gefor koum an dësem Fall awer net vu baussen, mä vu bannen. Fir un déi vertraulech an intern Rapporten ze kommen, huet een d'Chamber net missten hacken, mä just d'Linken am Webbrowser editéieren. An dat konnt bis e Mëttwoch den Owend jiddereen, ouni technesch Hëllefsmëttel. Den Zougank vu baussen op déi intern Dokumenter war deemno net blockéiert.

De Chamberspresident sot am 100,7-Interview, datt sou Pannen net ze toleréiere wieren a mat alle Konsequenzen opgekläert géife ginn, grad wéi Mëssbräich. De Mars Di Bartolomeo hätt ausserdeem d'Fraktiounscheffe kontaktéiert, fir si opzeklären. Et géif een elo alles dru setzen, fir déi Pann ze behiewen.

Den Accès zu all den Dokumenter op Chamber.lu gouf vun de Mëttwoch den Owend vun den zoustännegen Zerwisser blockéiert. Och déi ëffentlech Dokumenter, wéi zum Beispill Gesetzesprojeten, si bis op Weideres net méi accessibel.


Lauschteren

Reaktioun Mars Di Bartolomeo

Programm

  • Notturno

  • On air

    Virum Dag

  • Moies-Magazin

  • Iwwer Mëtteg

  • Resonanzen

Dossieren

  • Leipziger Buchmesse 2019

    D'Valerija Berdi an de Michel Delage waren dëst Joer fir de radio 100,7 op der Leipziger Buchmesse. All hier Artikelen a Bäitrag zum Thema fannt Dir hei.

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • Offre d'emploi: 1 journaliste (m/f)

    L'Établissement de Radiodiffusion Socioculturelle, opérateur de la radio de service public radio 100,7, recherche pour ses rédactions un(e) journaliste

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen