Aviatioun Sektoriell Tripartite d'nächst Woch
Den nächsten Dënschden ass eng sektoriell Tripartite fir den Aviatiounssecteur, huet den Aarbechtsminister Dan Kersch annoncéiert. D'Cargolux, Luxairport an d'Luxair sinn als Betriber dobäi.
D'Luxair hätt am Comité de conjoncture eng Demande gemaach, well se net dermat eens ginn, fir maximal 25 Prozent vum Personal Chômage partiel ze ginn, esou den Dan Kersch. D'Regierung wier der Meenung, datt d'Luxair "souwisou" zur Tourismusbranche géif gehéieren an doduerch iwwer déi 25 Prozent kéint erausgoen.
Dës Propos wier vun de Gewerkschaften awer net ugeholl ginn, seet den Aarbechtsminister. D'Luxair hätt sech dunn engagéiert fir keng Licenciementer virzehuelen an de Plan de maintien dans l'emploi matzeliwweren, bis déi sektoriell Tripartite wier, "an déi soll nach virun der Vakanz sinn", esou den Dan Kersch.
Enn Mee hat de fir de Secteur zoustännege Minister François Bausch de Gewerkschaften des Tripartite fir spéitstens den Hierscht versprach. Elo soll se den nächsten Dënschdeg sinn.
Méi zum Thema
Éischt Mesurë geplangt
Bei der nationaler Tripartite goufen eng Rei Pisten als "direkt Äntwert" op de Chômage zeréckbehalen. Dat sot de Premier Xavier Bettel no Gespréicher vu ronn fënnef Stonne mat Gewerkschaften a Patronat.
Tripartite ass Ufank Juli
"Ech sinn der Meenung, datt eng Tripartite schonn néideg wier", esou de Xavier Bettel haut no senge Gespréicher mat de Sozialpartner am Schlass zu Senneng. Et wier wichteg fir d'Land ze stäerken an de Chômage niddreg ze halen.
