Chamberwahlen 2018 Serie: "Een Dag am Wahlkampf"

An eiser Serie "Een Dag am Wahlkampf" begleede mir d'Spëtzekandidate fir d'Chamberwahlen een Dag an hirem perséinleche Wahlkampf. An dësem Artikel fannt Dir all Episod op ee Bléck.

Visuel een Dag am Wahlkampf

A knapp engem Mount si Chamberwahlen. Eng Partei, déi dës Kéier fir d'éischt dobäi ass, sinn déi Konservativ. Mat just enger Lëscht am Süden wëllt hire Spëtzekandidat Joe Thein, dee virdrun an der ADR war, et an d'Chamber packen. Mir hunn de Joe Thein e ganzen Dag begleet, fir méi iwwer hie gewuer ze ginn.

Een Dag mam Joe Thein


Nom Fiasko mat de Kandidatelëschte mécht déi nei Biergerinitiativ Demokratie elo awer bei de Wahle mat. Mir hunn d'Sonja Holper, Spëtzekandidatin vun Demokratie am Zentrum, een Dag laang begleet. E Portrait vum Pierre Reyland.

Een Dag mat der Sonja Holper


Dem Xavier Bettel seng Wahlcampagne leeft op Héichtouren. Nieft Interviewen a Pressekonferenzen geet hien och senger 'normaler' Aarbecht als Regierungschef no. De Pierre Reyland huet hien op esou engem Dag begleet.

Een Dag mam Xavier Bettel


Mat 29 Joer huet de Sven Clement eng Partei an dräi Entreprisë gegrënnt. Hie geet selbstbewosst a gutt gelaunt an d'Wahlen. D'Fanny Kinsch war een Dag mam Spëtzekandidat, President a Matgrënner vun der Piratepartei ënnerwee.

Een Dag mam Sven Clement


Etienne Schneider: 47 Joer al, Vize-Premier, Spëtzekandidat vun der LSAP mat der Ambitioun Premier ze ginn. Trotz ongënschtege Sondagë fir seng Partei, gëtt hie sech zouversiichtlech a kämpferesch.

Een Dag mam Etienne Schneider


"Ech si kee Politiker", seet den David Wagner iwwer sech selwer, mee e Militant. Hie wier bereet, politesch Mandater unzehuelen, d'Politik wier fir hien awer keng berufflech Carrière.

Een Dag mam David Wagner


Den CSV-Fraktiounschef, fréiere Minister a fréiere Schäffe Claude Wiseler wëll de Xavier Bettel als Premier ofléisen. De Serge Kesseler huet den CSV-Spëtzekandidat een Dag am Wahlkampf begleet.

Een Dag mam Claude Wiseler


Impulser ginn, Weeër opweisen a Situatiounen entschäerfen. Dat ass eegenen Aussoen no de Rôle vun der Ëmweltministesch. D'Maxi Pesch huet d'Carole Dieschbourg een Dag laang begleet. Tëschent Biergerinitiativen, Klimaschutz a Wahlkampf.

Een Dag mat der Carole Dieschbourg


De Spëtzekandidat fir d'ADR am Süden ass zanter bal 30 Joer an der Chamber. Dëst Joer wëllt hien et erëm wëssen an ass Spëtzekandidat fir d'ADR am Süden. Mir hunn een Dag laang begleet.

Een Dag mam Gast Gibéryen

Programm

  • Notturno

  • On air

    Virum Dag

    • Kultur - Theater am Tanztheater Wuppertal

  • Noriichten

  • Moies-Magazin

  • Panorama

Dossieren

  • Mënscherechter

    Den 10. Dezember 1948 sinn zu Paräis déi universell Mënscherechter deklaréiert ginn. Um 70. Joresdag vun dëser Deklaratioun steet de Programm vum radio 100,7 ganz am Zeeche vun de Mënscherechter.

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Communiqué du Conseil d’administration du 100,7

    Le Conseil a décidé de créer un comité de transition présidé par Mme Nancy Braun pour la période du 15/12/2018 jusqu'à l'entrée en fonction du nouveau Directeur (m/f). Mme Michèle Vallenthini est nommée suppléante.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen