Der Simona Frankel no géif Europa d'Aen zoumaachen a wéilt d'Realitéit net gesinn. Op d'Fro ob Israel eng Menace fir den Iran ass, war et d'Ausso vun der Ambassadrice, datt Israel mat jidderengem a Fridde wéilt liewen.
Keng Ausso zur Siidlungspolitik
Zu de 500.000 israelesche Siidler an de besate palästinensesche Gebidder an zu der Siidlungspolitik vun der israelescher Regierung, déi géint internationaalt Recht verstéisst, wollt sech d'Simona Frankel net äusseren. Op d'Fro firwat Israel mat der Kolonialisatioun virufiert, war et dës Ausso:
"Madame, si on veut arriver à la paix il faut parler. [Journaliste: "Pourquoi est-ce que les israéliens continuent à s'implanter dans les territoires?"] Il faut parler, il faut parler, il faut parler, entretemps on n'a pas avec qui parler. Les palestiniens ne veulent pas faire la paix. Ils cherchent des prétextes à droite et à gauche pour ne pas négocier, pour ne pas faire la paix. Pour ne pas reconnaître Israel comme un Etat juif, qui a le droit d'exister, avec qui on va faire la paix. [Journaliste: "Et entretemps leur territoire est morcelé, et un jour peut-être il n'y aura plus de territoire? "] Je ne sais pas. Mais il faut faire arriver à des pourparlers le plus vite possible, pour éviter tout danger pour les deux peuples."
Déi palästinensesch Autoritéit erkennt de Staat Israel un, awer net als jüddesche Staat. Déi radikal-islamesch Hamas erkennt Israel net un.
Keng Gefor fir d'Demokratie
Aktuell stinn eng Rei autoritär ausgeriichten israelesch Gesetzprojeten an der Kritik: De Pouvoir vun der Justiz soll ageschränkt ginn, de Premierminister soll d'Recht kréien, fir eleng iwwer e Krich kënnen ze entscheeden, an e Gesetzesprojet schränkt d'Rechter a vun de palästinenseschen Israeli. Dat alles wär keng Gefor fir d'Demokratie, esou d'Simona Frankel.