Wirtschaft Sistema: Etienne Schneider fir Verwaltungsrot nominéiert
De fréiere Wirtschafts- a Verteidegungsminister Etienne Schneider (LSAP) kéint an de Verwaltungsrot vun der russescher Holding Sistema kommen. Sistema huet haut matgedeelt, datt de Verwaltungsrot den Etienne Schneider nominéiert hätt. D'Assemblée générale géif de 27. Juni doriwwer ofstëmmen.
Den Etienne Schneider géif dann an deem Conseil gewëssermoossen d'Plaz vum Jeannot Krecké iwwerhuelen, sou wéi en et schonn 2012 an der Lëtzebuerger Regierung gemaach hat (wou den Etienne Schneider de Ressort vu sengem deemolege Parteikolleeg a Wirtschaftsminister iwwerholl hat). Den Etienne Schneider hat virun dräi Méint aus der blo-rout-grénger Regierung demissionéiert.
Méi zum Thema
Etienne Schneider: "Ech wëll mäi Liewen zeréck"
Hie wéisst nach net, wat hien no senger Zäit als Minister wäert maachen. Dat sot den Etienne Schneider haut bei enger Pressekonferenz, bei där hie säi Récktrëtt aus der Regierung op de 4. Februar erkläert huet.
"D'Spillreegele bleiwen ouni Etienne Schneider déi selwecht"
D'Patronat an d'Gewerkschafte wäerten och an Zukunft zesumme mat der Regierung iwwer Ännerungen um Aarbechtsgesetz diskutéieren, seet den Dan Kersch. "Mir sollten eis dem Inhalt widmen", seet de Minister.
