Niewewierkungen an Impfeffekter Skepsis ronderëm den AstraZeneca-Vaccin

Skepsis ronderëm den Astrazeneca-Vaccin gëtt et och hei am Land. Dat weise rezent Beispiller aus den Alters- a Fleegeheemer wou eng Partie vum Personal refuséiert huet sech mam Vaccin vum britesch-schwedesche Produzent impfen ze lossen.

Maxi Pesch / cz

AstraZeneca
Foto: picture alliance / Geisler-Fotopress | Dwi Anoraganingrum/Geisler-Fotop

De Bäitrag vum Maxi Pesch lauschteren


E Freideg den Owend eréischt hätten d'Heemer vum Gesondheetsministère matgedeelt kritt, datt hir Mataarbechter vun dëser Woch un net méi mam Pfizer/Biontech Impfstoff, mee mat AstraZeneca geimpft ginn. Doropshin hätten eng ganz Partie vun de Mataarbechter decidéiert sech net méi impfen ze loossen, erkläert d'Fabienne Steffen, Generaldirektesch vum Grupp Elisabeth. Schätzungweis zéng Prozent vun de Mataarbechter wieren ofgesprongen, wéi se héieren hätten, datt se mam AstraZeneca-Impfstoff solle geimpft ginn.

Änhlech Ausfäll goufen et op Nofro hin och beim gréissten Heembedreiwer Servior. Do wier et awer vun Haus zu Haus gewiescht. Och zu Bieles am CIPA hätt een Drëttel vun de Mataarbechter decidéiert sech net impfen ze loossen.

"Ech verstinn datt wann ee sech op de Pfizer 'gefreet huet' an dann de leschte Moment kritt e gesot dir kritt awer dee Vaccin mat de meechten Niewewirkungen. An dobai kennt, dass de Spidolssekteur, an och souguer verschidden Administrateuren do, déi si mam Pfizer geimpft ginn obwuel se manner mat Geriatrie ze dinn hu wéi d'Altersheemer. Do ass natierlech e gewëssene Frust enstaanen. Verschidde vun eise Leit hu sech du gefrot, ob se net den deuxième choix hei am Land wieren."

De Secteur hätt sech méi Informatiounen am Virfeld gewënscht

Vun deenen déi sech impfe gelooss hunn, wieren der dann e puer ausgefall, erkläert de Ben Wahl, Responsabel fir d'Soinen am Cipa Bieles. Verschiddene wier et liicht schlecht gewiescht, se wiere midd gewiescht oder hätte Féiwer gehat.

An den zwee Haiser vum Group Elisabeth wieren 10 bis 20 Prozent vun de Mataarbechter wéinst der Impfreaktioun den Dag drop net schaffe komm. Deemno hätt een op Leit missten zeréck gräifen déi zum Beispill am Congé waren, erkläert d'Fabienne Steffen. Fir d'Situatioun besser ze plangen an d'Leit besser ze preparéieren, hätt d'Regierung éischter misste kommunizéieren an net réit leschte Freideg Owend. Do si sech déi dräi Acteuren eens.

D'Generaldirektesch vum Group Elisabeth hätt et och sënnvoll fonnt, wann d'Impfunge mat AstraZeneca vun de Reaktiounen net all op engem Dag gemaach gi wieren, fir datt d'Mataarbechter och net simultan géingen ausfalen. "Mee mir eleng hunn dat jo net am Grëff, dat misst da mat der ganzer Equippe mobile vum Ministère déi sech ëm d'Impfunge këmmert organiséiert ginn."

Méi zum Thema

Claude Muller
Impf-Strategie

Den Intervall tëschent der éischter AstraZeneca Impfung an der zweeter soll méi grouss ginn. Dës Woch nach wëllt de Conseil Supérieur des Maladies Infectieuses hier iwwerschaffte Recommandatioune fir den Impfstoff publizéieren.

Impfen
Eisträich

An Éisträich gouf et eng Diskussioun virun allem iwwer Lokalpolitiker, déi géint de Coronavirus geimpft goufen, obwuel si net zu de prioritäre Gruppe gehéieren. Rieds goung an deem Kontext vun "Impfneid" an "Impfdrängler".

Impfung
Froestonn

D'Impfunge géint den neie Coronavirus kommen. Vill Leit hu Bedenken, well d'Impfstoffer esou séier entwéckelt goufen. De kompletten Interview mam Thomas Dentzer a Gérard Schockmel fannt Dir elo hei.

 

Net verpassen

Programm

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen