D'Walen e Sonnde suergen an der neier Proporzgemeng Bettenduerf fir Tensiounen. Den Éischtgewielten an aktuell éischte Schäffe José Vaz Do Rio kritt kee Posten. An dat obwuel hie souwuel 2017, wéi och dës Gemengewalen, déi meeschte Stëmme kritt huet.
"J'ai aussi demandé premier échevin. Et j'ai eu le plus de voix. Et je trouve en plus qu'ils ont pas respecté le choix du peuple."
D'Biergerlëscht "Eng Ekipp fir Iech", mat der hien an d'Wale gaangen ass, mécht eng Koalitioun mat der Lëscht "Meng Gemeng - Mäin Doheem" - an de José Vaz Do Rio kënnt net an de Schäfferot. Senger Meenung no gëtt et ee bestëmmte Grond dofir.
"Leur explication, c'était que je ne sais pas vraiment parler ou écrire le Luxembourgeois. Mais j'étais là aussi cinq ans et demi. Alors là, cela ne dérangeait pas que je parlais pas assez luxembourgeois. En plus je comprends un peu mieux."
Keng Äusserung vum neie Buergermeeschter
2017 hat hien op de Buergermeeschterposte verzicht, wëll hie seng Erfarung an der Gemengepolitik a seng Lëtzebuergesch-Kenntnisser nach verdéiwe wollt.
"Mais il y a d'autres explications, mais je veux pas raconter, cela ne vaut pas la peine."
Op d' Nofro hin beim Patrick Mergen, dem designéierte Buergermeeschter, heescht et, et wéilt ee sech dozou net äusseren. Et wéilt ee virun allem keen Ueleg an d'Feier schëdden. D'Verhandlungen tëscht deenen zwou Biergerlëschte wiere propper ofgelaf an et hätt ee sech bei der Posteverdeelung unanime kënnen eenegen.
D'Suzette Serres, déi e Sonndeg eenzeg Gewielten op der drëtter Lëscht war, hätt un dëse Verhandlungen ëm de Schäfferot an der Gemeng Bettenduerf net deelgeholl. Si wier duerno informéiert ginn.