Corona-Kris Spideeler: Personalschlëssel net gekläert

D'Gesondheetskeess an d'Spideeler hunn nach net gekläert, wéi dat medezinescht Personal soll organiséiert ginn a wéi vill zousätzlecht Personal dierf rekrutéiert ginn, wann d'Zuel vun den Hospitalisatioune vu Covid-Patiente weider klëmmt.

Maxi Pesch / cbi

Personal an de Spideeler
Foto: Bigstock / venusvi

Virgesinn ass ee Stufeplang mat fënnef Phasen (vun 0 bis 5): bis ewell gëtt et een Accord fir déi éischt dräi Phasen. Hei ginn et kloer Virgaben, wéi vill Dokteren a wéi vill Fleegepersonal fir d'Covid-Filièrë mussen disponibel sinn. Am Ofkommes gouf och festgehalen, datt déi véier Spideeler bis zu 79 nei Vollzäitplaze kënne schafen.

All dës Detailer si fir d'Phas 3 net gekläert. Déi Phas soll declenchéiert ginn, wann d'Zuel vun den Hospitalisatiounen op iwwer 200 klëmmt (164 an de Soins normaux, 42 an de Soins intensifs) an aner medezinesch Aktivitéiten an de Spideeler mussen erofgeschrauft ginn. D'Spideeler sinn eegenen Aussoen no elo schonn drop an drun an d'Phas 3 ze kommen.

De Christian Kirwel, Direkter vun de Soine vun den Hopitaux Robert Schuman, hätt dat "léiwer virun zwee Méint" beschwat, seet hien am 100,7-Interview. Datt et nach kee Personalschlëssel gëtt fir déi drëtt Phas an de Spideeler, nennt d'Gesondheetsministerin d'Paulette Lenert "net ze spéit". Dat géif elo ganz kuerzfristeg decidéiert ginn.

Méi zum Thema

Spidolsbetter
Corona-Pandemie

Deemnächst wäerten d'Spideeler an d'Phas dräi vun der Cellule de crise goen. Verschidden normal Aktivitéite wäerte mussen ëmprogramméiert ginn. Déi gréisst Erausfuerderung wäert et sinn d'Personal ze fannen.

Romain Nati
Corona-Pandemie

D'Situatioun an de Spideeler wier "ugespaant", seet den Dr. Romain Nati. Et wier nach kee Katastrophen-Zenario ofzegesinn, d'Zuel vun de Covid-Patienten am CHL hätt sech awer de leschte Mount vervéierfacht.

Net verpassen

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen