Lëtzebuerger Sprooch Sprooch soll integréieren, net ausschléissen

Deen neie Kommissär fir d'Lëtzebuerger Sprooch Marc Barthelemy plädéiert dofir, datt déi wichtegst Gesetzer an aner allgemeng Texter an Zukunft op Lëtzebuergesch iwwersat ginn. Fir vill Leit am Land géif Franséisch e Problem duerstellen, an dofir wier et wichteg, d'Texter op Lëtzebuergesch ze iwwersetzen, ugefaange mat der Verfassung.

Maurice Molitor / cbi

Marc Barthelemy
De Marc Barthelemy ass den éischte Kommissär fir d'Promotioun vun der Lëtzebuerger Sprooch.

Eng vu senge wichtegste Missiounen als Kommissär gesäit de Marc Barthelemy doran, derzou bäizedroen, datt méi Lëtzebuergesch-Coursen ugebuede ginn. Am Moment ginn et der net genuch: D'Demande ass méi grouss wéi d'Offer.

Bei alle Beméiunge fir d'Promotioun vum Lëtzebuergesche wier et him awer en Uleies, drop opzepassen, datt d'Sprooch eppes bleift wat integréiert an näischt gëtt, wat ausgrenzt, esou de Marc Barthelemy. D'Roll vum Kommissär ass fir de Marc Barthelemy fir Doleancë vu Bierger opzehuelen an deenen nozegoen. Als Beispill nennt hien de Sproochegebrauch an den ëffentlechen Administratiounen. Hie wier net nëmmen eng Aart Ombudsmann vun der Lëtzebuerger Sprooch, mee "vun der Villsproochegkeet", mengt de Marc Barthelemy.

Lëtzebuergesch als EU-Sprooch

De Marc Barthelemy vertrëtt d'Meenung, datt Lëtzebuergesch eng offiziell Sprooch vun der Europäescher Unioun sollt ginn. Et géife wéineg Argumenter dogéint ginn, fënnt deen neie Kommissär fir d'Lëtzebuerger Sprooch.

Lëtzebuergesch hätt den Ament guer kee Statut an der Europäescher Unioun. "Wougéint all déi aner Sproochen, déi an Europa geschwat ginn, e Statut hunn: Déi eng sinn offiziell Landessproochen, an déi aner sinn als Minoritéitesproochen unerkannt." Lëtzebuergesch wier weder dat Eent, nach dat Anert. Doduerch géifen ënner anerem Programmer, déi mat der Lëtzebuerger Sprooch ze dinn hätten, keng europäesch Sue kréien.

An der Mediathéik:

Invité vum Dag / / Maurice Molitor
Lauschteren

Méi zum Thema

Shari Schenten
Lëtzebuerger Sprooch

Et besteet vill Interessi fir d'Lëtzebuerger Sprooch ze léieren. Eleng am Institut national des langues hu sech zejoert 7.600 Persoune fir e Cours ugemellt. Et besteet iwwerdeems eng laang Waardelëscht.

Felix Braz
Tëschebilan vum Nationalitéitegesetz

De Justizminister zitt e positiven Tëschebilan vum neien Nationalitéitegesetz. Et bräicht een awer méi Abiergerungen an e Wahlrecht fir Residenten, fir den demokrateschen Defizit ze behiewen.

Claude Meisch
Sproochendebat

De Claude Meisch huet d’Iddi relancéiert, fir d’Lëtzebuergesch als offiziell Sprooch op EU-Niveau unerkennen ze loossen. Donieft wëll hien d'Sprooch iwwer aner Weeër fërderen.

Programm

Praktesch Infoen

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen