Coronavirus Spuere vum Virus zanter Februar

De Coronavirus ass zanter Mëtt Februar zu Lëtzebuerg present: Spueren dovun hätten nodréiglech an Ofwaasser-Prouwe kënnen nogewise ginn, sot de Fuerscher Henry-Michel Cauchie. Hie leet beim LIST de Projet Coronastep.

Maurice Molitor (Interview) / Claude Biver (Web)

Henry-Michel Cauchie
De Fuerscher Henry-Michel Cauchie

Duerch d'Analys vun Echantillonen, déi bei Kläranlage geholl ginn, geléngt et senger Ekipp d'Entwécklung vun den Infektiounszuele virauszesoen.

Am Moment wier d'Konzentratioun vum Virus am Ofwaasser stabel op engem héijen Niveau.

"C'est vraiment très difficile de déterminer la tendance sur ces deux dernières semaines. Je dirais qu'en tout cas au minimum c'est stable, et on va voir dans les résultats qui vont arriver cette semaine, si une tendance à la diminution est observée ou pas."

Eng Tendenz no ënne wier bis elo nach net ze erkennen, esou den Henry-Michel Cauchie.

Geographesch Ënnerscheeder

An den Ofwaasserwäerter léisst sech och erausliesen, wéi eng Regioune vum Land besonnesch vum Virus betraff ginn. Och geographesch stëmmen d'Kurve vu Viruskonzentratioun am Ofwaasser an neie Corona-Fäll uechter d'Land iwwereneen, souguer wann d'Leit net do schaffen, wou si wunnen, esou de Fuerscher beim LIST.

"On remarque que ce phénomène - travailler à un autre endroit que l'endroit de résidence - ne brouille quand-même pas spécialement si fort les cartes que ça. L'image reste bonne. C'est-à-dire que la station d'épuration où l'on réside se corrèle bien avec les cas autour de la station d'épuration."

Kee Virus am Drénkwaasser

Beim Projet Coronastep vum LIST gëtt d'Viruskonzentratioun am Ofwaasser gepréift. Doduerch kann ee viraussoen, wéi d'Infektiounszuele sech wäerte weiderentwéckelen. D'Waasserprouwe ginn an 13 Kläranlagen uechter d'Land geholl.

Och wann hei nach Virus dra wier, géif et keng Gefor fir d'Personal ginn. An de Kläranlage géif all Trace vum Virus "eliminéiert" ginn, esou de Henry-Michel Cauchie. De Virus wier also net am Drénkwaasser, esou de Fuerscher.

An der Mediathéik:

Invité vum Dag / / Maurice Molitor
Lauschteren

Méi zum Thema

JC Schmit
Coronavirus

Et géif e puer Méint daueren, bis déi Leit déi wëllen, alleguer géint Covid geimpft sinn, seet den Dokter Jean-Claude Schmit. Den Direkter vun der Santé geet vun enger Zäitspan vu sechs Méint aus.

Paul Wilmes
Research Luxembourg

Et wier gutt bis Chrëschtdag op ronn 200 Neiinfektiounen den Dag hei am Land erofzekommen, seet de Paul Wilmes, de Spriecher vun der wëssenschaftlecher Covid-Task-Force. Da wier d'Situatioun duerno ze geréieren.

Programm

  • Ligne 2

  • On air

    Notturno

  • Vu 6 bis 10

  • Vun 10 bis 2

  • Vun 10 bis 2

Net verpassen

  • Den OPL an de Leonidas Kavakos live

    Leonidas Kavakos.jpg

    Erlieft den Owend live um 8 Auer de Philharmoneschen Orchester Lëtzebuerg mat Wierker vu Joseph Haydn an Antonin Dvorak. Chef invité ass de Leonidas Kavakos, Solist um Cello de Gautier Capuçon. 

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen