International Relatiounen Staatsvisitt a Portugal

Haut ass et den Optakt vun enger zwee Deeg laanger Staatsvisitt a Portugal. No 12 Joer ass déi groussherzoglech Koppel fir d'éischte Kéier nees, mat enger grousser Delegatioun, an offizieller Missioun zu Lissabon. Do gëtt si de Moie vum Staatspresident Marcelo Rebelo de Sousa empfaangen.

Paule Rodesch (Lissabon, Portugal) / cbi

Staatsvisitt a Portugal
Foto: SIP / Jean-Christophe Verhaegen

Lauschteren


Den offiziellen Empfang vum Grand-Duc an der Grande-Duchesse ass de Moie virum Hieronymiteklouschter, op der Praça do Imperio, mat militäreschen Eieren, den zwou Nationalhymnen an 21 Kanouneschëss.

De Groussherzog Henri kritt am Kader vun dëser Staatsvisitt och en Éierendoktertitel vun der neier Universitéit vu Lissabon iwwerreecht.

Mat derbäi op dëser Staatsvisitt sinn och den Ausseminister Jean Asselborn, d'Familljen- an Integratiounsministesch Corinne Cahen, de Wirtschaftsminister Franz Fayot an d'Finanzministesch Yuriko Backes.

Si hunn haut a muer eng ganz Rëtsch Rendezvousen, ënner anerem mat portugisesche Regierungsvertrieder oder Acteuren aus der Wirtschaft.

Kultur- a Wirtschaftsmissioun

Am Mëttelpunkt wäert hei ënnert anerem de Volet Integratioun stoen. Iwwer 94.000 portugisesch Staatsbierger liewen a schaffen aktuell am Grand-Duché, déi gréissten net-lëtzebuergesch Communautéit am Land.

Parallel zum offiziellen Deel vun der Staatsvisitt lafen och nach eng Kulturmissioun an eng Wirtschaftsmissioun, mat engem Start-Up-Event haut, a muer sektorielle Seminären an de Beräicher digital Ekonomie, Weltraumsecteur, nohalteg Constructioun, souwéi Tourismus.

Hei sinn ënner anerem de President vun der Handelskummer, Luc Frieden, an den Direkter vun der Handwierkerkummer, Tom Wirion an 51 Lëtzebuerger Betriber mat derbäi.

Méi zum Thema

Eng Persoun geet iwwer eng Strooss zu Lissabon
Portugal

Au Portugal, le salaire minimum devrait encore augmenter. Il s'élève actuellement à 700 euros par mois, soit 200 euros de plus qu'il y a sept ans.

António Costa
Élections anticipées

Le gouvernement portugais ne sera pas en place avant la fin du mois de février. António Costa prépare une équipe resserrée et centrée sur les défis qui attendent les socialistes.

Net verpassen

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen