Ëmwelt Stauséi: Biodiversitéit am Klimawandel

Nei Waasserschutzzone ronderëm de Stau géinge Bloalge reduzéieren, seet den Ëmweltmikrobiolog Christian Penny. D'Grenzwäerter goufen dëst Joer iwwer ee Mount méi fréi wéi d'lescht Joer iwwerschratt. Doriwwer wär hien iwwerrascht. Firwat, wier nach net ganz kloer.

Mick Entringer / cz

Stauséi
Bloalgen um Stauséi. Foto: Police Grand-Ducale

Dem Fuerscher vum Fuerschungsinstitut LIST no géingen Ënnersichunge beleeën, datt kee belaaschtend Ofwaasser an de Séi gefloss ass. D'Ursaachenanalys ass nach net ofgeschloss. Dünger, Pestiziden a Klimawandel droen zur staarker Entwécklung vun de Bloalge bei. Och de Klimawandel géing eng Roll spillen.

"De Klimawandel kann eventuell dozou bäidroen, datt verschidden Aarte vu Liewewiesen, déi mir am Stauséi hunn, net méi do sinn, manner do sinn, méi do sinn. Dat Ganzt mécht, datt mir vläicht do eng Evolutioun hunn. An do gi mir elo op Ursaachefuerschung, fir ze kucken, wéi entwéckelt sech déi ganz Biodiversitéit iwwer d'Joren a mam Klimawandel am Stauséi."

Aktuell lafen och Analysen iwwer de Bloalgegehalt an der Musel. Eventuell kéinten och do d'Grenzwäerter iwwerschratt ginn, an d'Waasseraktivitéite verbuede ginn, esou de Christian Penny. Déi aner offiziell Lëtzebuerger Schwammgewässer wieren an der Rei.

Biologeschen Desequiliber

De Stauséi hätt eng saisonal Evolutioun vun der Biodiversitéit, vun Dominanz an Net-Dominanz. Am Fréijoer géinge sech déi gréng Alge méi staark entwéckelen. Duerno géingen déi duerch déi kleng Déieren, déi kleng Organismen och deelweis gefriess ginn.

Dozou kéim et zu engem Desequiliber, wouduerch dann erëm d'Bloalge sech méi massiv entwéckelen, wann d'Wiederkonditiounen an d'Hydrodynamik et géingen erginn. Da kéinten d'Cyanobakterien, déi sougenannte Bloalgen, extrem séier dominant ginn. Wann d'Wierder eng ganz Zäit gutt wär, wéi dat dëst Fréijoer a Summer de Fall gewiescht wier, da géing de Problem ganz fréi an der Saison entstoen.

De Christian Penny ass Spezialist fir Waasserqualitéit a Bloalgen zu Lëtzebuerg. Hien ass responsabel fir déi saisonal Iwwerwaachung vun den nationale Schwammgewässer.


Dat ganzt Gespréich mam Christian Penny:

Lauschteren

Méi zum Thema

Agrikultur
Europäesch Agrarpolitik

Bis d'nächst Joer wëllt d'EU-Kommissioun hir Reformpläng fir d'Agrarpolitik no 2020 duerchbréngen. Hei si Budgetskierzunge virgesinn, anerersäits awer och méi Oploen a Saache Klima- an Ëmweltschutz.

Marco Thomé Meenung
No den Attentater

A senger Chronik beschäftegt sech de Marco Thomé mat eisem Grondbedürfnis u Sécherheet a Kontroll, grad ewéi mat eiser globaler Onfähegkeet, dës Besoinen alle Mënschen op dëser Äerd zouzegestoën.

Programm

  • Notturno

  • On air

    Virum Dag

  • Moies-Magazin

  • Iwwer Mëtteg

  • Resonanzen

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • CinÉast 2019

    Et ass déi zwieleften Editioun vum CinÉast Filmfestival. Vum 3. bis den 20. Oktober ginn iwwer 65 Featuren a 50 Kuerzfilmer aus 20 Länner aus Mëttel- an Osteuropa gewisen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen