Frankräich Sträit em Pestiziden am Bordeaux-Wäin

A Frankräich gëtt iwwer d'Qualitéit vun de Bordeaux-Wäiner gestridden. Net iwwer hire Goût, mee iwwer de Gehalt vu Pestiziden. D'Ëmweltorganisatioun "Alertes aux toxiques" warnt viru Pestizidréckstänn a kritiséiert de regionale Wënzerverband. De Sträit ass viru Geriicht an éischter Instanz zu Gonschte vun de Wënzer ausgefall.

Léonardo Kahn / cz

Roude Wäin
Foto: picture alliance / Zoonar | Ilja Enger-Tsizikov

Wäiner mat Eco-Label sinn am Trend. Engersäits wëllen d'Konsumente wëssen, wat an hiert Glas kënnt, anerersäits wiisst och den Interêt um Ëmweltschutz. Viraussetzung ass natierlech, datt d'Konsumenten der Certificatioun kënne vertrauen.

D'ONG "Allertes aux Toxiques", huet ee Laboratoire mat enger Analys vu verschidde Bordeaux-Wäiner beoptraagt. Hei goufe bis zu aacht Gëftstoffer nogewisen. Och bei deene Wäiner mat der Certificatioun HVE, erkläert d'Grënnerin vun der ONG, Valérie Murat.

"Si je vous dis HVE, Haute valeur environnementale, on dirait qu'il n'y a plus rien haut dessus. On dirait que c'est mieux que le Bio. Mais c'est faux! Nos analystes ont révélé que toutes les bouteilles étaient chargées en pesticides de synthèse. Si les pesticides étaient affichés sur les étiquettes des vins, les consommateurs ne les achetaient pas."

Nach keng wëssenschaftlech Evidenz

Ob dës Pestizidréckstänn gesondheetlech Risike fir de Konsument hunn, ass wëssenschaftlech net bewisen. Datt se awer fir de Wënzer geféierlech kënne ginn - dat misst d'Ëmweltaktivistin Valérie Murat materliewen. Hire Papp, selwer e Wënzer, ass viru bal zéng Joer un engem Longekriibs gestuerwen. Dokteren hunn als Ursaach ee Schutzmëttel géint Pilzbefall genannt, dee bis 2001 am Wäibau benotzt ginn ass.

D'Valerie Murat well eng gréisser Sensibilitéit schafen. Och wann de Bordeaux international héich ugesinn ass. Déi meescht Wënzer zeien aus hirer Aarbecht kaum Profit.

"Il faut penser à l'avenir de ces familles! Les vins bordolais connait une crise sans précédent depuis plus que deux ans. Le prix du tonnau de Bordeaux en viticulture chimique est tombé en dessous de 800 Euros. C'est intolérable! On fait travailler les gens à perte et il y a énormément de familles qui mettent la clés sous la porte parce qu'elles ne peuvent plus continuer de travailler. Il y a des gens qui se suicident ici."

D'Ëmweltaktivistin sicht sech keng Frënn. D'Wäinindustrie beschäftegt hei iwwert 50.000 Leit, an dat ouni den Tourismus an d'Restauratioun matanzebezéien.

D'Valérie Murat ënnerläit viru Geriicht

D'Valérie Murat (Foto: Marine Clément-Colson)

De regionale Wënzerverband CIVB huet d'Valérie Murat am Oktober wéinst Diffamatioun verklot. Si géif an hirer Etüd dozou opruffen, op Wäiner mam HVE-Sigel ze verzichten. Enn Februar ass d'Urteel gefall: D'Publikatioune musse bis de Freide geläscht ginn an d'Valérie Murat muss dem Verband 125.000 Euro Entschiedegung bezuelen.

D'Pestizid-Géignerin geet an Appell. Sie fënnt, de Verband sollt seng Sue fir méi sënnvoll Saachen ausginn, wéi Geriichtsprozesser.

"Je pense que cet argent serait bienvenu, plutôt à utiliser pour aider les vignerons du bordelais qui sont empiégés dans le piège chimique. Parce qu'on ne se sort pas de la chimie comme ça en claquant les doigts. C'est très compliqué: il faut de la technique, il faut de l'accompagnement et il faut de l'argent."

Fir d'Valérie Murat steet fest: Sie wëll d'Amende vun 125.000 Euro net bezuelen.

De Wënzerverband huet op eis Interviewufroen net reagéiert. Och de Landwirtschaftsministère wollt sech op Nofro zu dem Fall net äusseren.

An der Mediathéik:

Aktuelles / / radio 100,7
Lauschteren

Méi zum Thema

Glas Wäin Drauwen Fläsch
Gastronomie

E Sommelier soll engem Gaascht am Restaurant dobäi hëllefen de richtege Wäin ze fannen. Mee wéi ass et, wann een doheem ass a keng Hëllef huet? De Pit Walté huet nogefrot, wéi een dann am beschte Wäi schmaacht.

Claire Sertznig
Lëtzebuerger Wäibau

An Aarbechtsgruppe soll iwwert Méiglechkeeten nogeduecht an diskutéiert ginn, wéi een de Lëtzebuerger Wäi besser vermaarte kann. Zil wier et op den däitsche Marché ze kommen, esou d'Claire Sertznig.

Net verpassen

  • Offre d'emploi: Journaliste-présentateur/trice

    radio 100,7

    L'Établissement de Radiodiffusion Socioculturelle, opérateur de la radio de service public radio 100,7, recherche Un/e Journaliste-présentateur/trice sous contrat à durée indéterminée et à tâche complète (40h/semaine).

Programm

  • Virum Dag vu 6 bis 10

  • On air

    Sot emol - Laura Miller

  • Iwwer Mëtteg vun 11 bis 2

  • Resonanzen

  • Am Nomëtteg vun 3 bis 6

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen