Coronavirus Testcapacitéite gi virun ausgebaut
D'Aufgab vum LNS wier et fir prett ze sinn, wann d'Ufuerderungen a Saache Coronavirus géife klammen. Wann de Laboratoire op eng Kéier 50 bis 200 Tester pro Dag misst maachen, da kéint een d'Testcapacitéiten deementspriechend vergréisseren, esou den Direkter. Et wéilt een den Testprozess nach weider automatiséieren, fir an Zukunft och méi eng héich Quantitéit un Tester a relativ kuerzer Zéit kënnen ze verschaffen. De Gesondheetsministère an de Staat hätten déi néideg Ënnerstëtzung zougeséchert.
Den LNS zu Diddeleng huet zanter Enn Januar schonn 122 Tester op den neie Coronavirus duerchgeféiert, seet den LNS-Direkter, de Prof. Dr. Friedrich Mühlschlegel. Dorënner waren och dräi Tester aus den Nopeschregiounen, heescht et beim Laboratoire national de santé. Zanter e Samschdeg den Owend ass jo een éischte Fall vun enger Infektioun mam neie Coronavirus hei am Land confirméiert. Dat positiivt Resultat vum éischten Test hätt een e Samschdeg am fréien Owend virleie gehat.
Sou wéi d'Weltgesondheetsorganisatioun et virschreift, musse bei de fënnef éischte Fäll vum Virus d'Resultater all Kéier iwwerpréift ginn, sou den Direkter vum LNS. Et wier net esou, datt iergendeen den Tester, déi den LNS mécht, net géif vertrauen, mee et wier eng Prozedur, déi een d'office duerchlafe misst.
Den éischte positiven Test vun e Samschdeg hei am Land gouf e Sonndeg an engem Laboratoire zu Rotterdam iwwerpréift. Och dësen Test war - wéi mëttlerweil gewosst - positiv.
D'Tester op den neie Coronavirus am LNS zu Diddeleng ginn de Moment vu sechs vun den am Ganzen 310 Mataarbechter duerchgeféiert, an engem verstäerkt automatiséierte Prozess, seet de Friedrich Mühlschlegel. D'Resultater leie bannent Stonne vir. Fir den Test misst de Virus net méi liewen. E géif "desaktivéiert" ginn, sou datt en net méi ustiechend wier an eréischt duerno géif u sengem genetesche Material geschafft.
Fir den Transport vun der Prouf an Holland war de Laboratoire national de santé vun Diddeleng zoustänneg.
Méi zum Thema
Coronavirus: 1. Fall zu Lëtzebuerg confirméiert
Déi infizéiert Persoun hätt momentan keng Symptomer méi, bleift awer weider am CHL a Quarantän. Hir Kontaktpersoune wieren identifizéiert. Dat deele Vertrieder vun der Krisenzell "Pandemie" de Sonndeg Owend an engem Communiqué mat.
Coronavirus: Wéi kann ee sech géint eng Infektioun schützen?
Deen neie Coronavirus iwwerdréit sech iwwer iwwer kleng Drëpsen an der Loft, also wann eng infizéiert Persoun néitst oder houscht. De Gesondheetsministère gëtt Recommandatioune fir sech ze schützen.
Éischte Fall vum Coronavirus zu Lëtzebuerg
Et gëtt en éischte Fall vum Coronavirus zu Lëtzebuerg. Dat huet d'Gesondheetsministesch Paulette Lenert kuerz no 21 Auer matgedeelt. Déi "gutt 40 Joer al" infizéiert Persoun ass aktuell ënner Quarantän am Centre Hospitalier (CHL).
Grippewell: "All d'Leit op de Coronavirus ze testen ass net realistesch"
Et dierft een d'Laboratoiren net iwwerfuerderen, seet den Direkter vun der Santé, dofir géife Leit mat Symptomer am Moment just da getest ginn, wa si virdrun an enger betraffener Regioun waren, sou de Jean-Claude Schmit.
2.000 Euro pro Frontalier: Corinne Cahen refuséiert Fuerderung
Lëtzebuerg géif Infrastrukturprojeten an der Groussregioun ënnerstëtzen, déi all de Bierger zeguttkommen. Esou reagéiert d'Ministerin fir d'Groussregioun op d'Fuerderung vun engem finanziellen Ausgläich vum Metzer Buergermeeschter.
Coronavirus: Verdachtsfall huet sech net confirméiert
De Verdachtsfall vun enger Infektioun mam Coronavirus huet sech net bestätegt. Dat deelen de Gesondheetsministère an den Haut-Commissariat à la protection nationale de Samschdeg Owend an engem Communiqué mat.
De Coronavirus huet d'Potential fir wäitaus méi geféierlech ze ginn
Deen neie Coronavirus ass, sou wäit dat bis elo bekannt ass, net iwwerméisseg aggressiv oder geféierlech, seet de Claude P. Muller vum Luxembourg Institute of Health. Nach net, sou de Virolog.
Cargolux: Keng speziell Precautiounsmoossname wéinst Corona-Virus
D'Cargolux flitt 23 Mol d'Woch a China a véier Mol d'Woch an Taiwan. Wéinst den Infektiounsfäll mam Corona-Virus si bei der Lëtzebuerger Cargo-Airline awer fir de Moment keng gréisser Changementer geplangt.
Corona-Virus: 17 Doudesaffer confirméiert
Et wier schwéier anzeschätzen, wei geféierlech de Virus wierklech ass, sou de Markus Ollertvum vum LIH. Et soll ee sech awer op eng méiglech Epidemie virbereeden, sou den Direkter vum Departement fir Infektiouns- an Immunerkrankungen.
Eng nei Interpretatioun vun engem Accord
D'EU wëllt de Leader op der Welt sinn am Klimaschutz. Um EU-Sommet wollt een do parallel zu der Klimakonferenz een Zeeche setzen. Wat konkret decidéiert gouf, froe mir eis EU-Korrespondentin Danièle Weber.
