LSAP Tom Jungen: "LSAP wäert den Dialog sichen"

Zesumme mam neie Parteipresident Franz Fayot soll hien de Profil vun der LSAP schäerfen an d'Erneierung vun der Partei virundreiwen. Den neien LSAP-Generalsekretär Tom Jungen huet d'lescht Joer net fir d'Chamberwahle kandidéiert, well hien anere Leit wollt Plaz maachen. Et misst ee Bedenken, datt hie schonn dräimol fir d'Chamberwahlen kandidéiert hat, och wann hie mat sengen 42 Joer nach ëmmer éischter zu deene Jonken an der Partei zielt, seet den Tom Jungen.

Fanny Kinsch / cz

Tom Jungen
Den LSAP Generalsekretär Tom Jungen

Wann ee méi Jonker a méi Fraen wéilt op d'Lëschte kréien, da misst een déi néideg Plaz maachen. "Wann een eng Rei Leit huet, déi als Sortant nach eng Kéier untrieden, da muss een e gudden Equiliber tëschent Sortanten an neie Kandidate fannen, an dofir hunn ech fir mech d'Decisioun geholl, dës Kéier net unzetrieden."

Déi nei Spëtzt géif an den nächste Méint den Dialog mat der Basis sichen, seet den Tom Jungen. D'Partei misst awer och evitéieren, "ze vill an der eegener Zopp ze réieren".

"Diskussioun ëm Anti-Cumul virundreiwen"

Et misst een awer och de Kontakt mat der Zivilgesellschaft sichen, "ech denken un eis traditionell Alliéiert, d'Gewerkschaften, mee doriwwer eraus d'Ëmweltorganisatiounen, d'Naturschutzorganisatiounen". Och am Beräich vun der Educatiounspolitik misst ee säi Profil schäerfen. D'CSV hätt gewisen, datt d'Oppositounskuer net automatesch zeréck an d'Regierung géif féieren.

Den Tom Jungen wéilt och an der Diskussioun ëm den Anti-Cumul virukommen. "Well ech fannen, datt de Buergermeeschter haut e Full-Time Job ass, op d'mannst a Gemenge wéi déi vu menger Gréisst. Do hëlt jiddweree seng perséinlech Meenung mee ech gehéieren zu deenen, déi éischter fir eng Trennung antrieden."

Fayot-Jungen gutt Kombinatioun

Den Tom Jungen gesäit sech selwer net als Géigepol zum Franz Fayot, mee als Team. Den neien LSAP-President Franz Fayot ass Geschäftsaffekot a sot, wéi e gewielt gouf "Jo ech si Stater. Nobody is perfect." Den Tom Jungen, Gewerkschaftler a Réiser Buergermeeschter, stëmmt zou, datt hien e méi klasseschen LSAP-Profil huet, woubäi d'LSAP als Vollekspartei breet opgestallt wier an an hirer Geschicht scho méi wéi eng Kéier och en Affekot als Parteipresident hat, "och wann ech, natierlech, als Mënsch aus dem Süden, als Gewerkschaftler, als Handwierker vläicht eng aner Ausbildung hunn, wéi déi vum aktuelle Parteipresident".

An der Mediathéik:

Invité vum Dag / / Fanny Kinsch
Lauschteren

Méi zum Thema

LSAP-Wahlkongress, Juli 2018
Parteipolitik

D'LSAP wëllt sech erneieren. Um Parteikongress ginn een neie Parteipresident a Generalsekretär bestëmmt. Fir déi zwee wichtegst Responsabilitéitsposte gëtt et awer wéineg Interessi.

Franz Fayot a Félix Eischen
CSV an LSAP

Bei der CSV kandidéiert de Felix Eischen fir de Poste vum neien CSV Generalsekretär. Bei der LSAP wier den Deputéierte Franz Fayot drun interesséiert fir Parteipresident ze ginn.

Extraordinären LSAP-Kongress
Regierungsbildung

D'LSAP soll an d'Regierung goen. Dat gouf den Dënschdeg am Centre Barblé zu Stroossen decidéiert. Kritesch Téin koume wéi erwaart vun de Vertrieder vun de Jongsozialisten.

Sammy Wagner
Chamberwahlen 2018

Den LSAP-Parteipresident an den LSAP-Generalsekretär missten aus dem Wahlechec vun de Sozialiste Konsequenzen zéien. Dat fuerdert de Sammy Wagner, den LSAP-Schäffe vu Stengefort.

Claude Haagen
Gemengewahlen

Et wier en "nationalen Trend", datt d'CSV vill Lëschtestëmme géif kréien, seet den LSAP-Parteipresident Claude Haagen. D'LSAP huet just nach an dräi Gemengen eng absolut Majoritéit.

Michel Delage Kommentar
Burka-Debatt

Firwat wëll och d'LSAP d'Burka verbidden? Fir hir Stëmmeverloschter réckgängeg ze maachen hunn d'Sozialisten de Rietspopulismus fir sech entdeckt, mengt de Michel Delage an engem Kommentar.

Programm

Dossieren

  • Sozialwahlen 2019

    Am Mäerz si Sozialwahlen. A ronn 3.500 Betriber, an deene méi wéi 15 Leit schaffen, ginn d'Personaldelegatioune bestëmmt. An déi 60 Vertrieder an der Salariatskammer ginn nei gewielt.

  • Pierre Werner

    "Pierre Werner, e Mënsch a sengem Joerhonnert" ass eng nei Podcast-Serie, déi de radio 100,7 zesumme mam Center for Contemporary and Digital History vun der Uni.lu entwéckelt huet.

Communiquéen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen