Aarbechtskonditiounen EU-Mataarbechter USL: D'Salairë vun EU-Beamten zu Lëtzebuerg upassen

An der Ëffentlechkeet géif nach ëmmer d'Virstellung vum gutt bezuelten EU-Beamten bestoen. Dat géif awer net der Realitéit entspriechen. Där Meenung ass ee bei der Union Syndicale Luxembourg, USL. Si vertrëtt d'Interesse vun den EU-Mataarbechter zu Lëtzebuerg. Een Drëttel vun de Leit, déi bei den europäeschen Institutioune schaffen, géifen an den Nopeschlänner wunnen, well si sech d'Liewen hei net méi leeschte kënnen.

Stephan Polet / cz

Nunes

An all den Haaptstied vun der Europäescher Unioun hunn déi verschidden EU-Institutiounen hir Annexen an domat och Mataarbechter. De Salaire vun deene Mataarbechter gëtt dobäi un de lokale Präisniveau ugepasst. Eng Ausnam bilden d'EU-Haaptstied Bréissel a Lëtzebuerg. Si ginn als Referenzwäert fir déi aner Stied geholl an et gëtt keen Ënnerscheed gemaach tëschent Lëtzebuerg a Bréissel. Dee misst awer gemaach ginn, seet de Miguel Vincente-Nunez, President vun der Union Sydicale Luxembourg, USL.

De Pouvoir d'achat wier zu Lëtzebuerg ronn 15 Prozent méi niddereg wéi zu Bréissel, seet hien. Eng offiziell Etüd vun der EU-Kommissioun géif eng Differenz vun 10,5 Prozent vum Pouvoir d'achat tëschent den zwou Stied feststellen. Dat wier dat Duebelt vum Seuil, vun deem un normalerweis eng Lokalitéit en eegene Koeffizient géif kréien, sou de seet de Miguel Vincente-Nunez.

Logementskäschte sinn den Ursprong

De groussen Ënnerscheed bei de Liewenskäschten ass, wéineg verwonnerlech, op de Logement zeréckzeféieren. Dat hält och déi ernimmten Etüd vun der EU-Kommissioun fest. Dem USL-President no géif den Ënnerscheed beim Pouvoir d'Achat et och scho méi schwiereg maachen, Leit fir Posten bei den EU-Institutiounen zu Lëtzebuerg ze rekrutéieren.

"Dat ass zum Beispill de Fall beim zukünftege Parquet européen, deen op Lëtzebuerg soll kommen. Am Ufank gouf vun 210-220 Mataarbechter geschwat. Lo si mir just bei 100. Firwat? Ma well eng 50 Mataarbechter vum OLAF hätte missen dohinner kommen. Mee d'Kolleege vu Bréissel hu keng Loscht op Lëtzebuerg ze kommen, well si dann u Kafkraaft verléieren."

Et wier dofir wichteg, datt d'EU-Mataarbechter zu Lëtzebuerg anescht bezuelt ginn, wéi déi zu Bréissel.

D'USL huet op enger Pressekonferenz eng ganz Partie Mëssstänn ugeprangert. Dorënner och Virwërf, déi scho méi laang fir Kritik suergen. Ee Kritikpunkt betrëfft zum Beispill déi kontraktuell Mataarbechter, déi an engem niddrege Grad schaffen. "Si maachen eng Aarbecht, déi mat där vu qualifizéierten Aarbechter gläichzesetzen ass. Mee hire Salaire läit wäit ënner deem vum nationale qualifizéierten Aarbechter. Dat heescht, mir sinn an enger Situatioun vu Quasi-Sozial-Dumping, seet de Miguel Vincente-Nunez.

Gläich Aarbecht, gläiche Salaire

Et misst de Prinzip gëllen, datt gläich Aarbecht och gläich bezuelt gëtt. Eng Plaz, wou dëse Prinzip momentan ganz besonnesch géif mëssuecht ginn, wieren d'Crèchen an den Institutiounen. Den Educateursberuff zum Beispill wier duerch e Kollektivvertrag reglementéiert. Dëse misst och an den europäeschen Institutiounen applizéiert ginn. "Mir hunn am deem Secteur e richtegen sozialen Dschungel. Am selwechte Beruff hu mir hei siwe verschidden Zorte vu Verträg."

D'USL fuerdert en Ëmdenken vun der EU-Kommissioun. Wann déi dat net mécht, hofft een op d'Politik hei am Land, fir datt si dës Situatioun - zu Bréissel - zum Thema mécht.

An der Mediathéik:

Europa Aktuell / / Stephan Polet
Lauschteren

Méi zum Thema

D'Europäesch Kommissioun Analys
Europawahlen 2019

Wéi soll d'Europäesch Unioun an Zukunft fonctionnéieren? Déi zéng Parteien, déi zu Lëtzebuerg bei den Europawahlen untrieden, hunn do ënnerschiddlech Point de vuen. Eng Analys vun de Wahlprogrammer.

Wéi positionéiere sech d'Parteien zur Steierpolitik? Analys
Europawahlen 2019

Wéi vill soll d'EU an der Steierpolitik matschwätzen? An dierf an Zukunft ee Land an deem Beräich iwwerstëmmt ginn? D'Wahlprogrammer weisen, dat et ënnerschiddlech Positiounen iwwer d'EU-Steierpolitik gëtt.

EU-Wahlen Analys
Europawahlen 2019

Eng Analys vu de klimapolitesche Mesuren an den Europawahlprogrammer vun den zéng Parteien, déi zu Lëtzebuerg bei den Europawahlen untrieden. Wat fir eng Klimapolitik proposéiere si fir Europa?

Sophie in ‘t Veld
Europawahlen 2019

D'EU-Kommissioun muss méi kleng, méi demokratesch legitiméiert a méi onofhängeg vun de Memberstaate ginn. Dat fuerdert déi liberal hollännesch Europadeputéiert Sophie in 't Veld.

Programm

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • CinÉast 2019

    Et ass déi zwieleften Editioun vum CinÉast Filmfestival. Vum 3. bis den 20. Oktober ginn iwwer 65 Featuren a 50 Kuerzfilmer aus 20 Länner aus Mëttel- an Osteuropa gewisen.

Net verpassen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen