Lëtzebuerger Studenten ze Paräis Vill Studente fille sech eleng

D'Studenten an d'Studentinnen hunn et wärend der Corona-Pandemie net einfach. A Frankräich hu se dowéinst d'lescht Woch demonstréiert. De Staatspresident Emmanuel Macron huet als Reaktioun dorop den Donneschden nei finanziell Hëllefen annoncéiert. Dovu sinn och iwwer 2.000 Lëtzebuerger Studenten a Studentinne betraff, déi a Frankräich studéieren.

Leonardo Kahn / cz

Studentin Rania 2

Momentan lafen d'Virliesungen a Frankräich virtuell of. Mat engem Klick ass d'Virliesung eriwwer, keen Austausch ënner Studenten, kee Flanéieren duerch d'Couloiren, kee Patt nom Cours. Och d'Rania aus Eesebuer huet sech säi Master an der Soziologie anescht virgestallt. Zanter September wunnt hat zu Paräis. No engem Mount op der Université de Paris ass hat, wéi vill aner Studenten an den Home Office geschéckt ginn. D'Situatioun ass net einfach fir hat. Obwuel säi Semester sou gutt ugefaangen hat.

A senger Klass huet ee sech gutt verstanen an et hätt ee Saachen zesumme gemaach. Dofir stéiert hatt sech drun, datt de Klassenalldag elo iwwer Zoom stattfënnt.

D'Gefor vun engem Cluster

Vill Studenten a Studentinne kloen iwwer hir Einsamkeet. Grad a grousse Stied wéi Paräis, ass d'Situatioun fir si dacks schwiereg auszehalen. Net fir d'Rania. Hat wunnt am Studentenheem Fondation Biermans-Lapôtre, wou 140 Belsch Studenten a 70 Lëtzebuerger wunnen. Hei fënnt een ëmmer ee fir ze schwätzen, fir ze kachen oder fir ze musizéieren, erkläert déi 23 Joer al Studentin. De Respekt vun de sanitäre Sécherheets-Mesure fält do net ëmmer einfach, virun allem Weekends.

Déi lescht Weekender ass et dowéinst och Stress mat der Direktioun ginn. Well an engem Studentenheem wéi der Béiermanns geet et séier: e puer Covid-19 Fäll, a schonn entsteet e ganze Cluster.

D'Diane Miller ass zënter sechs Joer d'Direktesch vun der Fondatioun. Dat lescht Joer war fir si eng grouss Erausfuerderung. Sie versteet enger Säits d'Studenten. Anerersäits, fuerdert si jiddereen op, fir responsabel ze sinn a matzeschaffen.

Méiglecherweis kuerz virun engem neie Confinement

A Frankräich gëtt dës Woch méiglecherweis een neie Confinement annoncéiert. Fir opmannst d'Mateneen am Studentenheem net ze verléieren, hunn d'Studente also ee groussen Interessi drun, datt d'Restriktiounen am Haus net verschäerft ginn. Déi mannst ginn zeréck bei hier Elteren, obwuel d'Semester zanter Méint digital stattfënnt.

Och d'Rania bleift hei. Him no, wäert et am Studentenheem ëmmer méi spannend bleiwen, wéi bei senger Famill am Éislek.

An der Mediathéik:

Aktuelles / / radio 100,7
Lauschteren

Méi zum Thema

Benjamin Kinn
Generalversammlung

D'Studentevereenegung ACEL hat op Stiefesdag hir Generalversammlung. Et gouf de Bilan gemaach, vun den Erausfuerderungen, déi sech de Studenten an dësem spezielle Joer gestallt hunn.

Net verpassen

  • Offre d'emploi: Journaliste-présentateur/trice

    radio 100,7

    L'Établissement de Radiodiffusion Socioculturelle, opérateur de la radio de service public radio 100,7, recherche Un/e Journaliste-présentateur/trice sous contrat à durée indéterminée et à tâche complète (40h/semaine).

Programm

  • Notturno

  • On air

    Virum Dag vu 6 bis 10

  • Sot emol vun 10 bis 11

  • Iwwer Mëtteg vun 11 bis 2

  • Resonanzen

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen