Koalitiounsverhandlungen Virleefege Kompromëss fir gratis ëffentlechen Transport

DP, LSAP an déi gréng hunn e virleefege Kompromëss fonnt fir den ëffentlechen Transport gratis ze maachen. Als Géigepartie soll déi steierlech Kilometerpauschal reduzéiert ginn. Dëse Prinzip gouf - eisen Informatiounen no - de virleschte Méindeg am Aarbechtsgrupp "Infrastrukturen, Landesplanung a Mobilitéit" ugeholl a virgëschter och an der Plenière am Ausseministère. RTL hat den Donneschdeg gemellt, datt dee Modell an der Diskussioun wier.

Serge Kesseler / Jean-Claude Franck / cz

2018-11-23-Koalitiounsgespréicher
SIP / J.-C. Verhaegen

Definitiv ass awer nach näischt: Well och de Steiersystem betraff ass, soll d'nächst Woch eréischt gekläert ginn, wéi an a wéi enger Gréisstenuerdnung d'Kilometerpauschal reforméiert gëtt. Bei den Diskussiounen iwwer d'Steierreform 2016 louch schonn eng ähnlech Propos um Dësch.

LSAP, DP an déi gréng haten de gratis ëffentlechen Transport an hire Programmer fir d'Chamberwahlen 2018 stoen. déi gréng wollten déi Mesure awer eréischt mëttelfristeg, verbonne mat enger Reduktioun vun der Kilometerpauschal aféieren.

Weider Berechnungen néideg

D'Zuelen iwwer de finanziellen Impakt vun de proposéierte Moossname leien, enger gutt informéierter Source no, deelweis vir, an deelweis solle se nach am Aarbechtsgrupp "Finanzen a Fiskalitéit" duerchrechent ginn. Eng vun de Froen, déi sech och nach stellt, wier déi, wat bei enger Aféierung vum gratis ëffentlechen Transport mat deem Personal geschitt, dat de Moment kontrolléiert, ob d'Passagéier Billjeeën hunn.

E virleefegen Accord gëtt et eisen Informatiounen no och fir een Eropsetze vum Mindestloun. Iwwer verschidde Mechanisme sollen d'Mindestlounempfänger méi verdéngen. Rieds geet vun engem Steierkredit, verbonne mat enger liichter Hausse vum gesetzleche Mindestloun. Ob och Ännerunge bei der Allocation de vie chère mat an d'Rechnung afléissen, schéngt nach onkloer. Sécher ass: Net just d'Betriber, mee och de Staat géif also fir d'Erhéijung vum Mindestloun opkommen. Déi definitiv Modalitéite ginn eréischt d'nächst Woch am grousse Krees diskutéiert an decidéiert.

Zäitplang soll agehale ginn

Donieft gëtt et och e virleefegen Accord tëschent den dräi Parteie fir an den nächste fënnef Joer e Verfassungsreferendum ze organiséieren.

All dës Punkte sollen d'nächst Woch definitiv an de Koalitiounsverhandlungen ugeholl ginn. Et ass nach ëmmer virgesinn, fir de Koalitiounsaccord bis de 5. Dezember ze finaliséieren. Wann alles no Plang leeft, da sollen d'Parteigremie vun DP, LSAP an déi gréng de 6. Dezember iwwer de Koalitiounsaccord ofstëmmen.


De Panorama-Bäitrag vum Serge Kesseler vun 12 Auer:

Lauschteren

Méi zum Thema

Laurent Moyse Meenung
Fräie Mikro

De grousse Verléierer vun den Parlamentswahlen am Oktober waren d'Sondagen. Si hunn am Virfeld e Bild ofginn, dat d'Dynamik vum Wahlprozess an d'Ongewëssheet vu villen Wieler ënnerschätzt huet.

Jean-Claude Franck Analys
Politesche Wocheréckbléck

Ee Mount no de Chamberwahlen hëlt d'Formatioun vun der neier Regierung Form un. Et zeechent sech eng Regierung mat 17 Memberen of. Sechs Poste fir d'DP, Sechs fir d'LSAP a fënnef fir déi gréng.

Koalitiounsverhandlungen Exklusiv
Chamberwahlen 2018

DP, LSAP a Gréng wëllen hir Gremien an dräi Wochen iwwer de Koalitiounsaccord ofstëmme loossen. Dat si mir aus gutt informéierte Kreesser gewuer ginn. Den informelle Stéchdatum ass de 6. Dezember.

Koalitiounsverhandlungen
Chamberwahlen 2018

Déi éischt Gespréicher iwwer déi gemeinsam Zieler vun der neier Regierung ware méi kuerz wéi geplangt. Et hätt ee "relativ séier" een "zimlech breede Konsens" fonnt, seet de Chef vun der grénger Verhandlungsdelegatioun Félix Braz.

Praktesch Infoen

  • 3.6. Generatiounen

    3.6. Generatiounen

    Manner Kalorien, Orchester an Danzmusek mam René de Bernardi an "The Sound of Music"

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen