Verkéier Vitesselimitatioun op der Autobunn

Ponts et Chaussées maache momentan eng Analys, ob déi maximal erlaabte Vitesse um Autobunnsreseau während de Spëtzestonne limitéiert soll ginn. Dat hu verschidde Sourcen dem radio 100,7 confirméiert. Zwee Ziler sollen heimat erreecht ginn: méi Sécherheet a manner Stau.

Chris Zeien / cbi

Stau
Foto: Bigstock / Jarek Kilian

An engem Aarbechtsgrupp vu Ponts et Chaussées, an deem ënnert anerem Vertrieder vum Transportministère a vun der Sécurité routière sëtzen, gouf d'Iddi, fir d'Vitesse op den Autobunnen an de Spëtzenzäiten erofzesetze fir d'éischt diskutéiert. Ponts et Chaussées krut doropshin den Optrag, eng Analys ze maachen. Éischt Elementer sollen dëse Freideg virgeluecht ginn, wann déi concernéiert Acteure fir hir regelméisseg Reunioun zesummekommen. Dat hu verschidde Sourcen dem radio 100,7 confirméiert.

Decidéiert ass allerdéngs nach näischt, weder ëm wéi vill déi maximal erlaabte Vitesse op den Autobunne kéint erofgesat ginn, nach zu wéi engen Auerzäiten. Den Infrastrukturminister François Bausch wollt sech op Nofro zu dësem Ament nach net äusseren.

Vitesselimitatioun fir méi Fluiditéit

An den Nopeschlänner gëtt et méi Autobunnsdeeler, op deenen d'Vitesse zu Stousszäite limitéiert ass. Zum Beispill op der franséischer A25 vun Dunkerque op Lille, engem Tronçon vu ronn 23 Kilometer. Do gëtt et d'Méiglechkeet, d'Vitesse an de Stousszäiten op 90 Kilometer an der Stonn ze reduzéieren. Op der A31 vu Lëtzebuerg op Metz ass d'Vitesse generell op 110 Kilometer an der Stonn limitéiert, fir de Verkéier méi fléissend ze maachen. Wa manner séier gefuer gëtt, gëtt manner op de Gas gedréckt an nees gebremst, wat zu enger méi grousser Fluiditéit féiere kann, esou d'Argument.

Méi zum Thema

Co-Working
Aarbechtsmarché

Fir d'Mobilitéit vum Land ze verbesseren, sollen d'Aarbechtsplaze méi no bei d'Frontaliere bruecht ginn. Eng Méiglechkeet kéinte sougenannte Co-Working Centre bidden. Ee gëtt elo zu Rodange gebaut.

Ze séier mam Auto ënnerwee
Verkéier

Ze héich Vitess soll mat Prisong bestrooft ginn. Dat fuerdert de President vun der Sécurité Routière, de Paul Hammelmann. Wien ze séier fiert, géif virsätzlech d'Liewe vun anere Mënschen op d'Spill setzen.

Stau zu Bréissel um Ring Analys
Verkéiersproblematik zu Bréissel

All Joer kaschten d’Verkéiersproblemer ronderëm Bréissel déi Belsch Economie iwwer eng hallef Milliard. Léisungsvirschléi ginn et scho laang. Wa se net ëmgesat ginn, riskéiert d'Situatioun ze kippen.

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Net verpassen

  • Suicidegefor am Alter: En Tabuthema

    Suicidegefor am Alter.png

    Persounen iwwer 75 Joer si besonnesch ufälleg fir sech d'Liewen ze huelen. Eng rezent Campagne fir "Suicidepreventioun am Alter" weist, datt Seniore sech dräi bis véier Mol méi dacks suicidéiere wéi Jonker ënner 25 Joer. E puer vun de Grënn si sozial Isolatioun, Solitude oder Depressiounen.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen