Gemengen Wäiswampecher Buergermeeschter beim Parquet denoncéiert

Dat huet d'Justiz eis op Nofro confirméiert. D'Denonciatioun vum Henri Rinnen wier virun ronn dräi Wochen zu Diekirch agaangen. Si ass d'Resultat vun den Demarchë vun der Biergerinitiativ vun der Gemeng Wäiswampech, där hir Memberen de Ministère zanter iwwer engem Joer op verschidde Bauprojeten opmierksam gemaach huet.

Michèle Sinner / cz

Wäiswampech
Foto: Wikimedia Commons

De Bäitrag vum Michèle Sinner


An engem Courrier vun der Inneministerin Taina Bofferding un d'Biergerinitiativ vu Mëtt Dezember heescht et, no Analys hätt een eng Rei Verstéiss géint d'Bautereglement feststelle missen an d'Obligatioun gehat, dës Informatiounen un de Parquet weiderzeginn. Dobäi geet et net ëm den Hotelskomplex Suneo Park um Séi, géint dee sech d'Biergerinitiativ och wiert, mee ëm aner Bauprojeten an der Gemeng. Notamment ëm ee Projet fir e Bürosgebai mat Festsall zu Beeler.

De Buergermeeschter hat d'Baugeneemegung fir dëse Projet ausgestallt, ouni wéi virgesinn d'Infrastrukturtax vun an dësem Fall ronn 80.000 Euro anzekasséieren. Bei engem aneren Projet zu Beeler waren den Informatioune vun der Biergerinitiativ no, Appartementer deels an der Gréngzon geplangt. De Buergermeeschter hätt d'Baugeneemegung zeréckgezunn, nodeems d'Biergerinitiativ op der Gemeng ugefrot hat, fir d'Pläng kucken ze goen.

D'Annulatioun vun der Geneemegung wier awer net richteg ofgelaf an affichéiert gewiescht. Den Henri Rinnen sot op Nofro hin, hie wier nach net vum Parquet kontaktéiert ginn. Hie wéisst net wourëms et am Detail géif goen. Dofir kéint hie sech net dozou äusseren.

Méi zum Thema

suneo Groupe Lamy.png
Suneo Park Weiswampach:

Bis den 28. Februar leeft den Delai fir um Verwaltungsgeriicht Recours anzeleeë géint d'Baugeneemegung fir den Hotel- a Fräizäitkomplex Suneo Park zu Wäiswampech. D'Baugeneemegung gouf de 26. Oktober ënnerschriwwen, mee goung eréischt de 27. November eraus.

Wäiswampech
Referendum zu Wäiswampech

60 Prozent vun de Leit vu Wäiswampech hu sech an engem Referendum géint dee geplangte Fräizäitpark ausgeschwat. De Buergermeeschter Henri Rinnen wëllt de Projet awer realiséieren.

Net verpassen

  • 17.10. De Gudden Toun

    De Gudden Toun.jpg

    Wann d'Deeg méi kal, gro a kuerz ginn, stécht deen een oder anere vläicht de Kapp nees méi an déi sozial Medien. An der Oktober Editioun schwätzen de Roland Meyer, Ian De Toffoli, Raoul Biltgen, Jeff Schinker an d'Anne Klein.

Programm

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen