Fräie Mikro Wat legitiméiert eng Regierung?

Legitimitéit vun enger Regierung kann zwou ganz verschidden Saachen heeschen: op der enger Säit bedeit se Konformitéit mam Gesetz, Rechtméissegkeet, an op där anerer Säit bedeit se politesch Legitimitéit. An do ginn d'Saachen e bësse méi komplizéiert, well Rechtméissegkeet eleng nach keng politesch Legitimitéit ausmécht. Iwwerleeunge vum Thierry Simonelli.

Thierry Simonelli / cz

Meenung Thierry Simonelli
Thierry Simonelli

An enger Demokratie fundéiert sech d'Autoritéit vun enger Regierung op hir rechtlech a politesch Legitimitéit. Déi politesch Legitimitéit léisst sech awer net einfach op d'Gesetzméissegkeet reduzéieren. Eng Regierung kann duerchaus gesetzlech legitim sinn, ouni doduerch och scho politesch legitim ze sinn.

Um rechtleche Plang ass et relativ einfach: legitim ass eng Regierung dann, wa se a Konformitéit mam Gesetz ass.

Um politesche Plang ass d'Fro vun der Legitimitéit alles anescht wéi einfach. Wann et net duergeet rechtméisseg ze si fir schonn als politesch legitim ze gëllen, wat charakteriséiert dann eigentlech déi politesch Legitimitéit?

Gëtt et do objektiv Critèren, oder ass politesch Legitimitéit noutwendeg subjektiv? Wann dat de Fäll wär, kéime mir net ganz wäit, well d'Legitimitéit wier dann eng Saach vun der individueller Willkür.

Ee geleefegen objektive Kritär wier dee vun der Konsens- oder Zoustëmmungstheorie.

Konsenstheorie: Verschidde Kritäre mussen erfëllt sinn

D'Iddi vun der Konsenstheorie ass déi, datt eng Regierung da legitim ass, wa se d'Zoustëmmung vun de wahlberechtegte Bierger huet. Dës Zoustëmmung kann explizit sinn, wann déi politesch Representanten, déi am meeschte gewielt goufen an d'Regierung kommen, oder implizit, wa mir perséinlech déi Regierung zwar net gewielt hunn, awer d'Resultater vun de Wahle vum Prinzip aus akzeptéieren.

Fir datt eng Zoustëmmung awer Sënn mécht, mussen e puer Bedéngungen erfëllt sinn. Éischtens muss d'Zoustëmmung engem Choix entspriechen - ech muss och kënnen net zoustëmmen. Eng Zoustëmmung, dierf also net opgezwonge sinn.

Och muss et ganz kloer sinn, op wat sech déi Zoustëmmung bezitt. An déi Zoustëmmung, besonnesch wa se implizit ass, muss dem Wëlle vum Zoustëmmenden entspriechen.

Am einfachste Fall féieren d'Wahlen dozou, wat de Panachage jo versprécht, datt déi Persounen, déi am meeschte Stëmme kruten och déi héchste Mandater kréien.

Kritäre vum Konsens gi verletzt

Et gëtt, wéi mir wëssen, direkt eng ganz Rei vu Problemer mat eisem Wahlsystem, déi déi eng oder déi aner, oder direkt alleguer d'Kritäre vun der Zoustëmmung oder dem Konsens verletzen.

Zum Beispill ginn déi ausschlaggebend Koalitiounsprogrammer ëmmer eréischt post festum, no de Walen, hanner zouenen Dieren negociéiert. Dann ass do och nach déi ongläich Gewiichtung vun de Stëmmen an de Wahlbezierker. Oder eng Rechemethod, déi gréisser Parteie favoriséiert. Da wielen mir eng Chamber, awer keng Ministeren, also och keng Regierung. An et gëtt déi flott Méiglechkeeten, wou Leit, déi massiv Stëmme verluer hunn, oder der net emol genuch kruten, einfach vun de Parteien trotzdem an d'Regierung geholl ginn.

Ënner deene Bedingunge wësse mir also ni, op wat sech eis Zoustëmmung als Wieler bezitt. Mir wëssen deemno och net, op eis Wiel eisem Wëllen entsprécht, a mir kënnen emol net soen, datt de Sënn vun eiser Zoustëmmung - dës Regierung - eis net einfach nodréiglech opgezwonge gëtt.

Domat sinn dann awer och déi objektiv Kritäre vun der Legitimitéit, als demokratesche Konsens, bis an de Prinzip eran ab absurdum geféiert.

Wat Wahlen ënner dëse Bedingunge politesch bedeite sollen, ass alles anescht wéi kloer. Eng Saach schéngt mir awer sécher: eng Prozedur zur demokratescher Erstellung vu politescher Legitimitéit si Wahlen ënner dëser Form net. An déi süffisant rhetoresch Loftschlässer, mat deene verschidde Volleksvertrieder de Problem verharmlosen, dierft de Problem fir vill Wieler just nach verschäerfen.


Mam Zil, déi ëffentlech Debatt ze fërderen, invitéiert de radio 100,7 am Fräie Mikro Leit aus der Zivilgesellschaft fir aktuell Themen ze kommentéieren. De Fräie Mikro spigelt reng d'Meenung vu sengem Auteur erëm.

An der Mediathéik:

Fräie Mikro / / Thierry Simonelli
Lauschteren

Méi zum Thema

chamber.jpg
Chamberwahlen 2018

60 Deputéiert goufe bei de Chamberwahle gëschter gewielt. Eng ganz Partie Deputéiert sinn net méi an der Chamber vertrueden, eng Rëtsch anerer wäerten eng éischte Kéier ee Mandat am Parlament untrieden.

Jean-Claude Franck
Chamberwahlen 2018

Et gouf Stëmmeverloschter fir d'CSV, d'LSAP an d'DP, zu Gonschte vun déi gréng, de Piraten an och der ADR. Dat ass de Resumé vun de Chamberwahlen. De radio 100,7-Chefredakter Jean-Claude Franck analyséiert.

Claude Lamberty, Carole Dieschbourg, Laurent Zeimet, Alex Bodry
Chamberwahlen 2018

D'Dräier-Koalitioun kann arithmetesch weidergefouert ginn. D'Spëtzepolitiker vu Blo-Rout-Gréng hu sech dofir ausgeschwat, d'Parteigremie mussen nach zoustëmmen. Wéi geet et virun no de Wahlen?

Koalitiounsgespréicher
Chamberwahlen 2018

Just zwou Koalitiounsméiglechkeeten hunn no de Wahlen eng Majoritéit an der Chamber. Um Wahlowend deiten d'Politiker vun der Dräier-Koalitioun un, datt si wëlle weidermaachen. Mee wéi sécher ass et?

Dräi Lëtzebuerger Regierungsvertrieder op Visite um Flughafe Zhengzou (François Bausch, Xavier Bettel, Pierre Gramegna v.l.n.r.)
Chamberwahlen 2018

De Wahlbezierk Süden war dee leschten, dee fäerdeg ausgezielt gouf. Et war bis zum Schluss spannend. Mat Momenter huet et dono ausgesinn, wéi wann d'LSAP ee weidere Sëtz géif verléieren, zu Gonschte vun déi gréng.

Chamber
Chamberwahlen 2018

Wie sinn déi 60 Deputéiert fir d'Legislaturperiod 2018-2023? Eng Iwwersiicht.

CSV Zentral.jpg
Chamberwahlen 2018

D'CSV an d'LSAP verléieren däitlech u Stëmmen. déi gréng an d'Pirate gewannen. Eng Weiderféierung vun der Dräierkoalitioun ass probabel, méiglech wier och nach CSV an DP.

François Bausch
Chamberwahlen 2018

déi gréng stellen den Usproch weider an der Regierung ze bleiwen. Eng méiglech CSV-DP-Koalitioun beschreift de François Bausch als eng Koalitioun vun "zwee Wahlverléierer".

IMG_8844(1).JPG
Chamberwahlen 2018

D'CSV verléiert siwe Prozentpunkten, mee behält hir dräi Sëtz. D'Pirate leeë prozentual staark zou, mee kréie kee Sëtz.

Programm

  • Notturno

  • On air

    Virum Dag

  • Moies-Magazin

  • Iwwer Mëtteg

  • Resonanzen

Dossieren

  • 76. Filmfestival zu Venedeg

    Zu Venedeg ass déi 76. Editioun vum Filmfestival. Den Tom Dockal ass fir de radio 100,7 op der Plaz. All Dag pickt hie sech ee Film eraus, fir deen da méi genee ënner d'Lupp ze huelen.

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen