Logement Bezuelbare Wunnraum fir d'Stad Wien

Héich Wunnkäschte sinn zu Lëtzebuerg e vill diskutéiert Thema. Mee net nëmmen hei am Land: vill Groussstied an Europa si mat klammende Wunnkäschten confrontéiert. D'Léisungsusätz si politesch ganz verschidden. Déi éisträichesch Haaptstad Wien gëllt als e Beispill fir eng reusséiert Wunnengsbaupolitik. Mee och hei huet ee mat klammenden Terrainspräisser ze kämpfen. Dofir huet déi rout-gréng Stadregierung zu Wien eng déifgräifend Mesure ergraff, déi Spekulatioun op klammend Terrainspräisser entgéinttrieden a Loyeren, déi ee sech leeschte kann, garantéiere soll.

Stephan Polet (Wien) / cz

Logement
Foto: Bigstock / FreedomTumZ

Zanter der Zäit vum sougenannten "Roten Wien", tëschent den zwee Weltkricher, huet déi éisträichesch Haaptstad eng Traditioun vu sozialem Wunnengsbau a fortschrëttlecher Stadtplanung. Ee wichtegen Hiewel vun dëser Politik ass de geförderte Wohnbau.

D'Iddi ass déi: Bauträger kënnen hire Projet zum Deel bei der Gemeng zu gënschtege Konditioune finanzéieren, mussen dofir awer gewësse Konditiounen erfëllen. Sou dierf den Terrainspräis vum Grondstéck, op deem gebaut gëtt, net méi héich sinn, wéi 188 Euro pro Quadratmeter Wunnfläch, déi gebaut gëtt. A wann déi gebaute Wunnengen duerno verlount ginn, dierf den Netto-Loyer net méi héich wéi fënnef Euro pro Quadratmeter sinn.

Gesetz fir der Spekulatioun entgéint ze wierken

An de leschte Joren hätt de geförderte Wohnbau awer u Bedeitung verluer, seet de Christoph Chorherr, Stadtrat fir déi gréng zu Wien. "Wéinst de klammenden Terrainspräisser ass den Undeel u gefërdertem Wunnbau bei Neibauten an de leschte Joren ëmmer méi erofgaangen."

Als Haaptursaach fir déi geklommen Terrainspräisser gesinn déi Responsabel vun der Stad Wien an der Spekulatioun. Dobäi kënnt, datt et wéinst den niddregen Zënsen am Moment fir Bauinvestisseure méi gënschteg ass, sech privat ze finanzéieren. Fir op dësen Trend ze reagéieren, huet een elo d'Bauordnung reforméiert. Dëst Gesetz bestëmmt, wat op wei engem Terrainen dierf gebaut ginn, erkläert déi sozialdemokratesch Wohnbaustadträtin Katrin Gaal. Wann en Investisseur néi Wunnenge baue wëllt, an dofir den Terrain muss ëmklasséiert ginn, da gëtt dat nëmme gemaach, wann zwee Drëttel vun den neie Wunnenge gefërdert Wunnenge sinn.

Déi nei Reegelung betrëfft an éischter Linn d'Bauträger, soll awer indirekt dozou féieren, datt d'Terrainspräisser falen, mengt de Christoph Chorherr. "Wann haut een en Terrain keeft fir Wunnengen ze bauen, weess en, datt en nëmmen e gewëssene Präis fir den Terrain dierf bezuelen. Dat heescht, deen, deen den Terrain wëllt verkafen, weess, datt en den Terrain net fir méi deier ka verkafen."

D'Wunnen net dem Marché iwwerloossen

Déi nei Reegel gëllt awer just fir Projete mat engem Ëmfang, dee méi grouss ass wéi 5.000 Quadratmeter. A si gëllt just fir Neibauten. Gefërdert ginn am Prinzip awer och Sanéierungen. Och hei ginn et da Restriktioune beim Loyer, erkläert de Michael Ludwig, Buergermeeschter vu Wien. D'Stad géif awer och Terraine kafen, éier se an de Perimeter kommen. "Sou hu mir an engem Fond 2,8 Millioune Quadratmeter Grondstécker am Besëtz. Dëse stelle mir schrëttweis de soziale Wunnbaufirmen zur Verfügung."

Bei déi gefërdert Wunnenge kënnt dann nach de kommunale Wunnbau. Also Wunnunitéiten, déi direkt der Gemeng Wien gehéieren. Zu Wien huet ee sech entscheet, Wunnen net dem Marché ze iwwerloossen, seet d'Katrin Gaal. "Wat Wien ausmécht, ass eist politescht Bekenntnis dozou, datt Wunnen e Grondrecht ass. Mir gesinn et als eis Aufgab un, fir genuch Wunnraum ze suergen."

Fir d'Zukunft vun enger Stad wier et wichteg, datt soziale Wunnengsbau net nëmmen dorop ziilt, deenen Äermsten eng Wunneng ze verschafen, mee fir breede Schichte bezuelbare Wunnraum ze erméiglechen, fënnt de Christoph Chorherr. Eng Stad hätt nëmmen eng Zukunft, wann och jonk Leit sech d'Wunne kënne leeschten.

An der Mediathéik:

Dossier vum Dag / / Stephan Polet
Lauschteren

Méi zum Thema

Julien Licheron
Chamberwahlen 2018

D'Immobiliëpräiser zu Lëtzebuerg sinn zanter 2010 all Joer tëscht 4,5 a 5 Prozent geklommen. A si klamme virun, seet de Julien Licheron. D'Lëtzebuerger Specificitéit wier, datt zanter Joerzéngten d'Offer der Demande net nokënnt.

Leerstandsmelder
Chamberwahlen 2018

D'Initiativ, déi Informatiounen iwwer eidel Wunnengen an Haiser zu Lëtzebuerg sammelt, gouf kuerz virun de Chamberwahle relancéiert. De Leerstandsmelder war scho viru véier Joer lancéiert ginn. Mee e war politesch onerwënscht.

Kichegespréicher #1 - Ëmwelt, Educatioun a Logement
Chamberwahlen 2018

An de Kichegespréicher stelle sech jonk Kandidatinnen a Kandidaten an engem relaxe Kader de Froe vu jonke Wielerinnen a Wieler. An der éischter Episod geet et ëm Ëmwelt, Educatioun an ëm Logement.

Haus mat Suen
Logement

Et gëtt ze wéineg Wunnengen. An déi di do sinn, si fir vill Mënschen net méi ze bezuelen. D'Wunnengsnout ass ee vun de groussen Themen am Wahlkampf. Wéi gesäit d'Situatioun um Terrain aus?

Zu Ollem an der Gemeng Kielen soll an de nächste Joren de Projet ELMEN entstoen: op engem Terrain vu 27 Hektar solle bis zu 850 Wunnenge gebaut ginn. Allerdéngs gouf et an der lescht Kritik: d'Verkéierssituatioun wier elo scho problematesch. Déi Responsabel vum ëffentleche Promoteur SNHBM sou wéi de Kielener Buergermeeschter hunn an där Fro eng aner Positioun wéi d'Awunner aus der Cité Hueseknäppchen. Armanda Scheuer

Diane Dupont
Fonds du Logement

"Et muss een d'Blat ëmdréinen an no vir kucken", seet déi nei Presidentin vum Fonds du Logement. Aktuell stinn 3000 Dossieren op der Waardelëscht, dofir misst ee Prioritéite setzen, seet d'Diane Dupont.

Michel Malherbe
Site Agro-Zenter Miersch

Nom Kollektivcongé soll mat den Ofrappaarbechten um Site ugefaange ginn, esou de Mierscher Buergermeeschter Michel Malherbe (DP). An den nächste Joer sollen eng Partie nei Aktivitéiten entstoen.

Logement
Themendag Logement

Lëtzebuerg huet en héije wirtschaftleche Wuesstem, d'Bevëlkerung wiisst, mä et feelt u Wunnengen. Wouduerch ass dat bedéngt, wat kënnen de Staat an d'Gemenge maachen, a wéi eng alternativ Wunnforme ginn et?

Laura Zuccoli Meenung
Fräie Mikro

Fir zu enger Gesellschaft ze gehéieren, ass et wichteg, eng Aarbecht ze hunn, mä och en Dach iwwert dem Kapp. Vill Awunner zu Lëtzebuerg kënne sech kaum eng Wunneng finanzéieren.

Ligue HMC
Inclusioun

Vill Mënsche mat enger geeschteger Behënnerung hunn de Wonsch no Autonomie. D'Liewen am Foyer huet Aschränkungen. Mat där néideger Ënnerstëtzung kann den Dram vun der eegener Wunneng Realitéit ginn.

Sertznig Gloden
Gemengewahlen

Wéinst de Fliedermais ginn zu Gréiwemaacher net genuch Wunnenge fir déi Jonk gebaut. Doriwwer si sech den CSV-Buergermeeschter Léon Gloden an den DP-Gemengeconseiller René Sertznig eens.

Programm

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Festival de Cannes 2019

    Alleguer d'Artikele vum Festival de Cannes 2019.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen