Pensiounssystem Wéi kann de Pensiounssystem oprecht erhale ginn?

D'Pensiounskeess huet en neie President: den éischte Juli huet de Fernand Lepage de Robert Kieffer ersat. Zanter zéng Joer gëtt de Gros vun de Pensiounsreserven op de Finanzmäert ugeluecht, d'Reserve sinn de Moment esou héich, wéi nach ni virdrun. Kann een allerdéngs dorop opbauen?

Chris Zeien / md

Fernand Lepage
Fernand Lepage

Fir eng Ofsécherung am Alter ze garantéieren, géif et, an den Ae vum neie President vun der Pensiounskeess, eng méi grouss Bereetschaft bei de Bierger ginn, fir d'Kotisatiounen ze erhéijen, wéi fir d'Leeschtungen ze kierzen, seet de Fernand Lepage, neie President vun der Pensiounskeess a vum Kompensatiounsfong.

De Fernand Lepage ass sech awer och bewosst, datt et an den 80er Joren e Konsens um Niveau vum Conseil économiqe et social ginn hätt, fir den Taux de Cotisation op 30 Prozent eropzehiewen, deen haut bäi 24 Prozent leit. "Dat hätt bedeit, datt déi dräi Partien hir Participatioun géife vun aacht op zéng Prozent eropschrauwen. Ech hunn den Androck, datt déi Bereetschaft haut net méi ginn ass", seet de Fernand Lepage.

Finanziell Situatioun vu Pensiounskeess ganz gutt

Déi finanziell Situatioun vun der Pensiounskeess wier momentan ganz gutt an et wier och eng gutt Iddi vu sengem Virgänger Robert Kieffer gewiescht, fir d'Sue vum Fonds de compensation op de Finanzmarchéen ze investéieren. Domat hätten d'Reserve massiv opgestockt kënne ginn.

Déi lescht Jore wieren d'Iwwerschëss vun de Cotisatioune regelméisseg méi grouss gewiescht, wéi d'Leeschtungen, déi ausbezuelt goufen. Eleng d'lescht Joer sinn d'Reserven ëm ongeféier eng Milliard Euro geklommen.

Op den 31. Dezember 2017 hätten d'Reserven de Stand vun 18,8 Milliarden Euro erreecht. "Dat entsprécht 4,5 mol de Joresausgaben", seet de Fernand Lepage.

D'Pensiounsreserve wieren dofir geduecht, fir sech eng politesch Marge ze ginn, am Fall wou den Taux de Cotisation net méi géif duergoen, seet de Fernand Lepage. D'Marge soll et erlaben, fir en neie Finanzéierungssystem opbauen ze kënnen.

Nei Dateschutzreglementatioun intern kee Problem

Den neie President vun der Pensiounskeess dementéiert iwwerdeems, datt d'Personal a senger Verwaltung opgeruff gi wier, fir eventuell Verstéiss vun Aarbechtskolleege géint den Dateschutz ze denoncéieren.

"Op kee Fall ass do eng Prozedur vun Denonciatioun", sou de Fernand Lepage. Sollt e Mataarbechter Donnéeë benotzen, déi hien net hätt sollen, da misst hien dat beim Dateschutz-Beoptraagten (DPO) mellen, seet de President vun der Pensiounskeess. Den DPO ass am EU-Reglement virgesinn. "Et ass net, wéi wann hien do Sanktioune misst fäerten. Am Géigendeel: den DPO ass den Interlocuteur zu der nationaler Dateschutzkommissioun".

"Eis Sensibilisatioun war vläicht net staark genuch (...). Hei ass ni en Opruff gewiescht, datt eenzel Aarbechtskolleegen ënnerenee sech sollten denoncéieren".

Zanter Enn Mee gëlle jo och fir d'Verwaltung méi streng Regelen. Eisen Informatiounen no suergt d'Applikatioun vum neien EU-Reglement fir Onsécherheet beim Personal.

An der Mediathéik:

Invité vum Dag / / Michel Delage
Lauschteren

Méi zum Thema

Pensioun
Pensiounen

Dem Etienne Schneider no géif et mat der LSAP "kee Gefummels" un de Rente ginn. Der CSV no géif scho méi laang Handlungsbedarf bestoen. Et géife verschidden Schrauwe ginn, fir drun ze dréinen, seet de Marc Spautz.

Robert Kieffer
Pensiounen

D'Rentereserve leie bei 17,8 Milliarden. Trotz deem positive Resultat wier de Pensiounssystem laangfristeg net geséchert, seet de Robert Kieffer. Eng Pensiounsreform géif sech opdrängen.

Claude Wiseler am Gespréich mam Jean-Claude Franck Riicht Eraus
CSV-Spëtzekandidat

Den CSV-Fraktiounschef gëtt zou, datt et net normal ass, schonn zwee Joer viru Chamberwahlen e Spëtzekandidat ze designéieren. D'CSV hätt awer méi Grënn gehat, déi Situatioun schonn dëst Joer ze klären.

Tom Dominique
Pensiounen

Aktuell géing de Pensiounssystem gutt do stoen, seet den Tom Dominique, den Direkter vun der Inspection générale de la sécurité sociale. A fënnef Joer géingen d’Cotisatiounen awer net méi duer goen.

Matthias Kirsch Meenung
Pensiounen

De Pensiounsfong investéiert a Kuelen- an Atomenergie. Dat gëtt vill kritiséiert. Mee wann d’Pensiounskeess iergendwann eidel ass, interesséieren eis dann nach ethesch Froen?

Robert Kieffer
Pensiounsreserve 2015

D'Placementer vun der ëffentlecher Pensiounsreserve si manner rentabel ginn. Et misst ee mat der Croissance vun de Léin an der Inflatioun vergläichen, relativéiert de President Robert Kieffer.

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Dossieren

  • 76. Filmfestival zu Venedeg

    Zu Venedeg ass déi 76. Editioun vum Filmfestival. Den Tom Dockal ass fir de radio 100,7 op der Plaz. All Dag pickt hie sech ee Film eraus, fir deen da méi genee ënner d'Lupp ze huelen.

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen