Chamberwahlen 2018 Wéi vill demokratesch Erneierung?

"Renouveau Democratique" ass dat éischt Kapitel vum blo-rout-grénge Koalitiounsaccord vun 2013 iwwerschriwwen. D'Regierung huet eng nei Kultur vun der Oppenheet annoncéiert. Eng nei Verfassung, méi politesch Participatioun an eng méi transparent Politik goufe versprach. E Bilan vum Pia Oppel.

Pia Oppel / cz

Analys Regierung
Regierungsmemberen an der Chamber

"Kolleeginnen a Kollegen, mir mussen an dem Land hei d'Fënstere grouss oprappen", sot de frësch genannte Spëtzekandidat Etienne Schneider um LSAP-Kongress am Juli 2013.

Wéi déi nei blo-rout-gréng Koalitioun dunn Enn Dezember stoung, sot de frësch gebaakten DP-Premier Xavier Bettel a senger Deklaratioun virun der Chamber:

"D'Vertrauen an d'Institutiounen ass ee vun den héchste Gidder an enger fräier Gesellschaft. Dat Vertrauen huet besonnesch an de leschte Méint gelidden ..."

Gemengt war ënner anerem de Geheimdéngschtskandal, deen d'Neiwahle provozéiert hat. "... Mir hunn eis zum Zil gesat, dat Vertrauen erëm hierzestellen", huet et deemools vum Xavier Bettel geheescht.

De fréiere Premier an neien CSV-Fraktiounschef Jean-Claude Juncker wollt dem Enthusiasmus vum blo-rout-gréngen Neiufank evidenterweis net ganz gleewen. An der Chamberdebatt vun Dezember 2013 iwwer de Regierungsprogramm sot hien. "Dat ass ee grousst Wuert, fir d'Demokratie wëllen ze erneieren. Wou ass dann elo de Renouveau?"

Referendum huet Erneierungsenthusiasmus däitlech gebremst

Ee grousst Verspriechen huet d'Regierung an hirem Koalitiounsaccord gemaach an agehalen: D'Organisatioun vun engem consultative Referendum iwwer wichteg Punkte vun der Verfassungsreform. Mam Awunnerwahlrecht hat d'Regierung de Courage sech un eng zentral Fro vun der Lëtzebuerger Demokratie erunzewoen.

Datt de Referendum vu Juni 2015 därmoossen en Echec war, huet den Erneierungsenthusiasmus dunn däitlech gebremst. D'Reform vum Nationalitéitegesetz ass kee grousse Worf, mee eng op Konsens mat der Oppositioun ausgeriichte kleng Ouverture. An déi nei Verfassung ass zwar prett, mee e Referendum iwwer de Gesamttext ass net méi organiséiert ginn.

Méi Succès hat d'Regierung mat där Reform, déi anescht wéi geplangt net am Referendum zur Debatt stoung, nämlech der méi staarker Trennung vu Kierch a Staat. Och de Reliounsunterrecht ass, wéi am éischte Kapitel vum Koalitiounsaccord annoncéiert, ganz aus de Schoule verschwonnen.

Reform vum Geheimdéngscht gëtt Uspréch nëmmen deelweis gerecht

Wéinst der Virgeschicht vum Regierungswiessel huet d'Reform vum Geheimdéngscht, déi am Juni 2016 gestëmmt gouf, ee besonnesche Symbolcharakter. Ee präzise legale Kader an eng systematesch Informatiounsflicht géintiwwer dem Parlament goufen am Koalitiounsaccord versprach. D'Regele fir d'Aktivitéite vum Geheimdéngscht sinn elo effektiv wesentlech méi detailléiert wéi virdrun. Anescht wéi uganks virgesinn mécht de SREL-Direkter sech awer net strofbar, wann hien d'Chamber net géif iwwer Dysfonctionnementer informéieren. A fir den Asaz vu sougenannte Staatstrojaner, also Software fir d'Iwwerwaache vu Computeren an Handyen, feele präzis Regelen.

Déi al Geheimdéngschtarchive gi wéi versprach vun Historiker opgeschafft. Iwwer de Verlaf vun der Aarbecht gëtt d'Press awer och op Nofro hin net informéiert.

Ënner dem Androck vun den Affären, déi d'Enn vun der CSV-LSAP-Regierung markéiert hunn, wollt déi nei Regierung och méi kloer Verhalensregele fir d'Politiker festschreiwen. Een Deontologiekodex fir d'Ministeren, gëtt et elo - anescht wéi geplangt, awer net a Form vun engem Gesetz.

Reform vum Staatsrot gëtt vu Regierungspartei nees a Fro gestallt

De Staatsrot krut och e Kodex, deem seng Applikatioun awer schwéier vu baussen ze kontrolléieren ass. D'Gremium, dat ee grousse Poids am legislative Prozess huet, ass nämlech trotz der Reform vu Juni 2017 wéineg transparent. Déi gréng hunn als Regierungspartei um Enn vun der Legislatur selwer gemengt, d'Reform géif net wäit genuch goen.

D'Regierung wollt de Cumul vun de Mandater an der Chamber an op EU- a Gemengenniveau iwwerpréiwen. Dat ass net geschitt.

Transparenzbeméiungen hunn ofgeholl

44 Mol steet de Begrëff Transparenz am Regierungsprogramm.

"Le Gouvernement mettra l'accent sur une politique d'information transparente et active", heescht et an der Preambule.

Dozou passt, datt d'Koalitioun decidéiert huet, d'Pressebriefingen no de wëchentleche Regierungsréit live um Internet ze iwwerdroen an och a Gebäerdesprooch ze iwwersetzen.

No 34 Briefingen 2014 ass den Enthusiasmus fir den Austausch mat der Press séier zréckgaangen op 22 Briefingen am Joer 2015, aacht am Joer 2016 a jeeweils dräi am Joer 2017 an 2018. Domadder wier een nees um Niveau vun der viregter Regierung, wou et pro Joer tëscht zwee a sechs Briefingen no engem Regierungsrot gouf.

D'Informatiounszougangsgesetz, dat den Accès vu Bierger a Journalisten zu Informatioune vun den Autoritéite regelt, an dat just virun der Summerpaus nach gestëmmt gouf, ass vu ville Säiten als ze restriktiv a bürokratesch kritiséiert ginn. Dofir ass "Renouveau démocratique" dann effektiv een ze vill grousst Wuert.

An der Mediathéik:

Chamberwahlen 2018 / / Pia Oppel
Lauschteren

Méi zum Thema

Jochen Zenthöfer Meenung
Bessere Umweltgesetze?

Im Umweltschutz hat die luxemburgische Regierung, unter grüner Regierungsbeteiligung viel erreicht, meint Jochen Zenthöfer. Die Grünen würden jedoch nicht genug über ihre Erfolge sprechen, so der Journalist.

Luc Caregari
Journalismus

D'Regierung verweigert de Leit e Grondrecht op Informatioun, seet de Luc Caregari vun der ALJP. De Presserot hätt e Géigenentworf zum Gesetzprojet iwwer den Informatiounszougang ausgeschafft.

Jean-Claude Franck Meenung
Stock Options

D'Regierung spillt bei de Stock Options op Zäit. Eng gutt Noriicht fir d'Kadere mat héijem Revenu, déi weider hir Steierlaascht reduzéiere kënnen. Et geet em Steiererliichterungen a Milliounenhéicht.

Félix Braz
Justizreform

E "Conseil national de la justice" soll d'Justiz stäerken. D'Modalitéiten an de Fonctionnement sinn nach onkloer. D’Justiz misst fir d'Bierger méi verständlech ginn, seet de Justizminister Félix Braz.

Simone Beissel
Staatsrot

D'Simone Beissel ass dogéint, datt d'Auteurë vun Avise vum Staatsrot verëffentlecht ginn. D'Rapportrice vum Gesetzprojet iwwert d'Reformwarnt virun enger ze grousser Politiséierung vun der Institutioun.

Steiererklaerung.jpg
Steier- a Finanzpolitik

No Luxleaks a Panama Papers soll ee Wuert ganz grouss geschriwwe ginn: Transparenz. Lëtzebuerg wëll méi propper do stoen. Ee Réckbléck op dat wat dëst Joer gemaach ginn ass fir dat Zil ze erreechen.

Jean-Claude Franck Kommentar
Interessekonflikt vum Alain Kinsch

Wann de Staatsrot sech eescht hëlt, limitéiert e sech just nach op d'Korrektur vu schlecht redigéierte Gesetzestexter oder en hält op, sech virun der Ëffentlechkeet ze verstoppen, mengt de Jean-Claude Franck.

Joëlle Elvinger
Staatsrot

Och wann den Alain Kinsch Auteur vum Avis vum Staatsrot iwwer d'Steierreform wier, wier dat keen Interessekonflikt, fënnt d'Rapportrice vum Gesetzprojet, d'Joëlle Elvinger.

ICIJ LuxLeaks.jpg Dossier
Steiervirdeeler fir Betriber

En Dossier zur Berichterstattung vum radio 100,7 iwwer d'LuxLeaks-Revelatiounen

panama papers.jpg Dossier
Steiervirdeeler fir Persounen

En Dossier iwwert d'Berichterstattung vum 100,7 iwwert d'Panama Papers.

Letzebuerg.jpg

Lëtzebuerg spillt eng Roll am weltwäite System fir Verméigen iwwer de Wee vun Bréifkëschtefirmaen ze verstoppen. Mussen d'Regele méi streng ginn, fir datt dobäi näischt Illegales geschitt?

Programm

  • Notturno

  • On air

    Virum Dag

    • Europa Aktuell - Digitalsteier: Aus GAFA gëtt GF

  • Noriichten

  • Moies-Magazin

  • Panorama

Dossieren

  • Mënscherechter

    Den 10. Dezember 1948 sinn zu Paräis déi universell Mënscherechter deklaréiert ginn. Um 70. Joresdag vun dëser Deklaratioun steet de Programm vum radio 100,7 ganz am Zeeche vun de Mënscherechter.

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Communiqué du Conseil d’administration du 100,7

    Le Conseil a décidé de créer un comité de transition présidé par Mme Nancy Braun pour la période du 15/12/2018 jusqu'à l'entrée en fonction du nouveau Directeur (m/f). Mme Michèle Vallenthini est nommée suppléante.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen