Méiglech Presidentin vun der EU-Kommissioun Wéi vill Ënnerstëtzung fir d'Ursula von der Leyen?

Nieft de politeschen Ambitiounen hunn déi eenzel EU-Deputéiert och d'Kommissioune virgestallt, an deene si als Member oder Suppleant matwierken. Duerch d'Nominatioun vun der Ursula von der Leyen als nei Kommissiounspresidentin stellt sech och d'Fro, wéi sech déi lëtzebuergesch EU-Deputéiert beim Vott decidéieren.

Maurice Antony / cz

Lëtzebuerger Europadeputéiert
Déi Lëtzebuerger Europadeputéiert

Eenzel EU-Deputéiert vun CSV, DP, LSAP an déi gréng wëlle sech nach net kloer zum Vott positionéieren. Si kritiséieren och d'Aart a Weis, wéi d'Ursula von der Leyen zur Nominatioun koum, esou zum Beispill de Christophe Hansen vun der CSV.

Hien ass relativ onglécklech mat der Situatioun, well déi meescht grouss Fraktiounen e Spëtzekandidat designéiert haten. Hie géif nach ëmmer kloer hanner deem Prinzip stoen, well d'Participatioun bei den EU-Wahlen dovu profitéiert hätt. "Et war déi éischte Kéier zanter 1979, datt d'Participatioun an d'Luucht gaangen ass", sou de Christophe Hansen.

De Politiker aus der EVP-Fraktioun begréisst, datt mat der Ursula von der Leyen eng Fra fir de Posten vun der Kommissiounspresidentin virgeschloe gouf. Hie wéilt och fir d'CDU-Politikerin stëmmen, wann och mat "Bauchwéi". De Charles Goerens vun der DP huet sech fir de Vott den Dënschdeg den Owend nach Bedenkzäit gefrot. No der Fraktiounssëtzung vun de Liberalen de Méindeg den Owend wéilt een der Kandidatin haut d'Chance ginn, sech virum Plenum ze presentéieren. De Charles Goerens verweist och op déi national Suffragë bei der aktueller Spëtzekandidat-Diskussioun.

"Et sinn am Fong 29 Wahlen, déi noutwendeg sinn. well déi 28 Wahlen an de Memberstaaten, déi designéiere jo d'Staats- a Regierungscheffen. An déi si jo responsabel fir déi Situatioun, an der mir ons elo befannen. Si sinn et, déi decidéiert hunn, wie si dem Parlament virschloen. Den Traité gesäit dat esou vir."

Nominatiounsprozess vu von der Leyen huet batteren Nogeschmaach

D'Monica Semedo, Parteikolleegin vum Charles Goerens, huet en Vue vum Vott nach kee Choix getraff. Fir déi gréng Europadeputéiert Tilly Metz muss déi zukünfteg Kommissiounspresident e kloert Ufuerderungs-Profil erfëllen.

"Mir hätte gären e President, eng Presidentin, déi sech massiv asetzt fir de Rechtsstaat, fir fräi Press, fir fräi Educatioun etc." D'Ursula von der Leyen hätt der liberaler Fraktioun an all dëse Beräicher immens vag Äntwerte ginn. Si hätt awer deelweis Versteesdemech fir d'Ursula von der Leyen, well si eréischt zanter zéng oder 14 Deeg fir de Poste vun der Kommissiounspresidentin nominéiert ass. Trotzdem wier et net déi Presidentin, déi déi gréng Europadeputéiert an hir Fraktioun ënnerstëtze kéinten, seet d'Tilly Metz.

De Prozess, deen zur Nominatioun vun der Ursula von der Leyen geféiert huet, hätt e batteren Nogeschmaach hannerlooss, esou den Nicolas Schmit. No enger Entrevue mat der Kandidatin hätt den Europadeputéierte vun der LSAP eng gewëssen Erniichterung bei der europäescher sozialdemokratescher Fraktioun erkannt. D'Sozialdemokraten hätten dorop hin e Bréif geschéckt, op deen et mëttlerweil och eng Äntwert gëtt. "Déi Äntwert geet op eng Rei wichteg Punkten, déi mir hir ënnerbreet hunn, an. An ech géif och soe positiv. Mee et geet awer nach net duer, fir dat totaalt Vertraue vum sozialdemokratesche Grupp ze kréien."

A weidere Sëtzunge bannen der sozialdemokratescher Fraktioun soll de Standpunkt zum Vott diskutéiert an eng Entscheedung geholl ginn, esou den Nicolas Schmit weider.

Vott den Dënschdeg den Owend

Um sechs Auer den Dënschdeg den Owend stellt sech d'Ursula von der Leyen dem Vott fir nei Kommissiounspresidentin ze ginn. Virum Vott adresséiert sech d'Uniouns-Politikerin un de Plenum. Dono kënnt et zu engem Debat mat den EU-Deputéierten. Fir Kommissiounspresidentin ze gi brauch déi däitsch Nach-Verdeedegungsministerin iwwer 50 Prozent vun de Stëmmen.

An der Mediathéik:

Aktuelles / / radio 100,7
Lauschteren

Méi zum Thema

Danièle Weber Analys
Réckbléck op déi europäesch Woch

D'Kandidatin Ursula von der Leyen muss sech dem Vott am Europaparlament stellen. Do konnt si bis elo net jiddwereen iwwerzeegen an um Enn kéint si dank de Stëmme vum rietse Bord gewielt ginn.

Ursula von der Leyen. Exklusiv
Kandidatin Ursula von der Leyen

D'Ursula von der Leyen hätt gär, datt all national Regierung souwuel eng Fra wéi och ee Mann als EU-Kommissär proposéiert. Zil wier eng Kommissioun mat 50 Prozent Fraen a 50 Prozent Männer.

Ska Keller
Kandidatur Ursula von der Leyen

D'nächst Woch gëtt am Europaparlament ofgestëmmt, ob d'Ursula von der Leyen déi nächst Kommissiounspresidentin gëtt. Hei kéint et op d'Stëmme vun de Gréngen ukommen, déi skeptesch bleiwen.

Danièle Weber Analys
Nominatioun Ursula von der Leyen

D'Nominatioun vun der Ursula von der Leyen als Kommissiounspresidentin ass ëmstridden. Wéi steet et ëm d'Lëtzebuerger Responsabilitéit an deem Prozess? Dorop kucke mIr mat eiser EU-Korrespondentin Danièle Weber.

Jean-Claude Juncker an Danièle Weber um EU Sommet Juli 2019
EU-Top-Posten

D'EU-Staats- a Regierungscheffe proposéieren, datt d'Ursula von der Leyen Kommissiounspresidentin soll ginn. De Xavier Bettel begréisst den Accord, fir de Jean-Claude Juncker ass de Spëtzekandidatesystem elo dout.

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Dossieren

  • 76. Filmfestival zu Venedeg

    Zu Venedeg ass déi 76. Editioun vum Filmfestival. Den Tom Dockal ass fir de radio 100,7 op der Plaz. All Dag pickt hie sech ee Film eraus, fir deen da méi genee ënner d'Lupp ze huelen.

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen