Mënschenhandel "Wien net hikuckt, dee gesäit näischt"

Lëtzebuerg ignoréiert de Problem vum Mënschenhandel, seet de Gilbert Pregno. De President vun der consultativer Mënscherechtskommissioun fuerdert méi Mëttel fir ONGen, Aarbechtsinspektioun a Police.

Pia Oppel

Gilbert Pregno
Gilbert Pregno

Den 20. September war d'EU-Coordinatrice fir de Kampf géint Mënschenhandel zu Lëtzebuerg. No Entrevuë mat Vertrieder vu Politik, Justiz a Police hat d'Myria Vassiliadou vun den Acteuren hei am Land eng méi proaktiv Approche gefuerdert.

Konkret Kritikpunkte wollt déi Beoptraagt vun der EU-Kommissioun net formuléieren. Si huet méi grondsätzlech gewarnt, datt Mënschenhandel net visibel ass, wann d'Autoritéiten net hikucken. Konkret Zousoe wieren an dëse Gespréicher net gemaach ginn, esou de Gilbert Pregno.

Wie sicht, dee fënnt

Zu Lëtzebuerg goufen tëscht 2010 an 2016 79 Affer vu Mënschenhandel detektéiert. Déi meescht ware Fraen, déi Affer vu sexueller Exploitatioun gi sinn. D'Donkelziffer wier méi héich, mengt de Gilbert Pregno.

Zum Beispill misst een an der Aarbechtswelt an am Beräich vun der Immigratioun méi op dës Problematik oppassen. Déi consultativ Mënschrechtskommissioun hat an engem rezente Rapport gefuerdert, datt d'Aarbechtsinspektioun (ITM) déi entspriechend Missioun a Mëttel kritt.

Risikogrupp: Mannerjäreg Flüchtlingen

De Gilbert Pregno betount, datt vill mannerjäreg Flüchtlingen, déi ouni eng erwuesse Bezuchspersoun an Europa kommen, zu Prostitutioun gezwonge ginn. Zu Lëtzebuerg wieren zwar bis ewell keng esou Fäll bekannt, mee:

"Ech hunn ze vill oft erlieft an anere Beräicher, datt mer gesot hunn: 'Do ass näischt'. An da war et just, well mer net gutt gekuckt hunn".

"Follow the money"

Eng Prioritéit am Kampf géint de Mënschenhandel misst sinn, fir d'Suen ze retracéieren, déi Krimineller domadder maachen. Zu Lëtzebuerg, wéi an anere Länner, géifen d'Autoritéiten zwar géint Geldwäsch enquêtéieren, d'Thema Mënschenhandel wier dobäi awer seelen am Fokus.

Et géif hei ëm Milliarden-Zomme goen, sot dozou de Gilbert Pregno. An hei géif et och Verbindungen zu aneren Zorte vu Kriminalitéit ewéi Drogenhandel, Waffegeschäfter an Terrorismus ginn.

An der Mediathéik:

Invité vum Dag / / Pia Oppel
Lauschteren

Méi zum Thema

Membere vun enger ONG verdeele Rettungswesten
Flüchtlingen am Mëttelmier

D'italienesch Justiz gehäit der ONG "Jugend Rettet" vir a Kontakt mat libesche Passeuren ze stoen, fir Mënsche bei der Flucht an Europa ze hëllefen. Tounopnamen a Fotoe sollen d'Virwërf confirméieren.

Pregno.JPG
Mënschenhandel

Lëtzebuerg hätt sech am internationale Verglach verbessert, heescht et an engem Rapport iwwer de globale Mënschenhandel vum US-Ausseministère. Kritik kënnt vun der consultativer Mënscherechtskommissioun.

Menschenhandel
Kriminalitéit

Och zu Lëtzebuerg ass de Phänomen vum Mënschenhandel eng Realitéit. All Joers ginn et am Duerchschnëtt aacht bis zwielef Fäll. D’Regierung huet eng Rei Mesurë virgesinn.

Programm

Praktesch Infoen

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen