Regierung Bettel II "Dee Storytelling ass nach ëmmer richteg"

Esou laang et dem Land géif gutt goen, sollt et de Bierger gutt goen. Eréischt wann dat net méi de Fall wier, misst ee kucke wou ee misst kierzen, mengt de Premier Xavier Bettel.

Mick Entringer / cbi / cz

Xavier BETTEL
Xavier Bettel

D'Oppositioun werft der Regierung vir, fir net nohalteg ze wirtschaften a mat der Géisskan ze verdeelen. De Xavier Bettel mengt awer, datt ee sollt an d'Nopeschlänner wéi an der Belsch oder Frankräich kucken, wat geschitt, wann de soziale Frust immens grouss ass. "Mäi belsche Kolleeg huet gëschter demissionéiert, a Frankräich hu se Manifestatioune gehat, si hu Bien publice futti gemaach [...] an Däitschland hu mir eng AfD, déi an de Sondagë Resultater maachen."

Et misst ee sech bewosst sinn, datt ee Chance huet zu Lëtzebuerg zesummen ze liewen, an datt een dee Wuelstand hätt. Mee: "déi Schéier dierf net méi grouss ginn", seet de Xavier Bettel.

"De PIB kënnt net vun näischt"

Datt et dem Land momentan sou gutt géif goen, géif och mat engem héije PIB zesummenhänken, mee "dee PIB kënnt net vun näischt", mengt de Xavier Bettel. Ee Grond heivir wier och den "Zukunftspak", deen déi viregt Regierung ëmgesat huet.

"Wann ech deen Zukunftspak net presentéiert hätt, hätt ech haut dee PIB net, deen ech hunn." Dëse Storytelling wier nach ëmmer richteg. "Dee war richteg, an deen ass och nach ëmmer richteg", esou de Premier Xavier Bettel.

"Depensë kënne gestreckt ginn"

Eng aner Kritik vun der Oppositioun un der Regierung ass, datt ee géif Automatismen an de Finanzausgabe schafen. De Xavier Bettel seet dozou, datt e Budget annuell wier, an net e Budget op fënnef Joer. Wann et dem Land net méi gutt géif goen, géifen et eng Rëtsch Saache ginn, déi ee kéint strecken, an dat wier budgetär och guer kee Problem. "Ob een elo e Contournement op een oder zwee Joer mécht, et sinn alles Saachen, déi ouni Problem gemaach kënne ginn."

Op d'Remark hin, datt dat just eemoleg Ausgabe wieren, Chèque servicë awer géife bleiwen, och no engem Joer, mengt de Xavier Bettel: "Dat si Sachleeschtungen a keng Geldleeschtungen. Geldleeschtungen hätte mir verdeelt, an dat wier vill méi deier ginn."

Kannerbetreiung: "Wichteg e Choix ze hunn"

Weider wier et fir de Xavier Bettel wichteg, datt de Choix, ob ee seng Kanner an eng Kannerbetreiung gëtt, net aus finanzielle Grënn geholl gëtt. "D'Kannerbetreiung ass déi Plaz, wou d'Kanner zesumme liewen, wou si sozial Kompetenze kréien, wou si déi Diversitéit vun der Gesellschaft kréien. Mir sinn der Meenung, datt et wichteg ass, datt een hautdesdaags eng Famill, och wa se d'Moyenen huet, incitéiert fir d'Kanner an eng Betreiung ze ginn."

Doduerch kéint een och Fraen, déi virdrun net geschafft hunn, dozou beweegen, vläicht awer schaffen ze goen, "well si da weess, datt si méi Zäit huet fir sech en eegent Liewen opzebauen."

"Vill positiv Ënnerstëtzung vun de Bierger"

Zum Wahlresultat sot de Xavier Bettel, hie selwer hätt net domat gerechent, datt et an de Chamberwahle géif duergoe fir eng Zweetoplag vu Blo-Rout-Gréng. Hien hätt och net ausgeschloss, fir als Deputéierten an d'Oppositioun ze goen. Anescht wéi 2013, wou vill Leit rose gewiescht wieren, well et zur Dräierkoalitioun koum, hätt hien dës Kéier ganz vill positiv Ënnerstëtzung vun de Bierger kritt.

An der Mediathéik:

Invité vum Dag / / Mick Entringer
Lauschteren

Méi zum Thema

Eugène Berger
Chamberwahlen 2018

Den Eugène Berger widdersprécht der Duerstellung, datt d'DP-Presidentin Corinne Cahen hätt wéilten de Max Hahn als DP-Fraktiounschef imposéieren. De Max Hahn wier net disponibel gewiescht fir de Posten.

Josée Lorsché
Regierungsprogramm

Si perséinlech wier "net begeeschtert" gewiescht, wéi an de Koalitiounsverhandlungen decidéiert gouf, den ëffentlechen Transport gratis ze maachen, seet déi nei gréng Fraktiounscheffin Josée Lorsché.

Logement
Logement

Héich Wunnkäschte sinn zu Lëtzebuerg e vill diskutéiert Thema. Vill Groussstied an Europa si mat klammende Wunnkäschten confrontéiert. Wien plangt, mat enger neier Mesure fir méi bezuelbar Wunnengen ze suergen.

Charel Schmit
Wunnengslosegkeet

Et géif keng Bestandsopnam vun de Sozialwunnengen ginn, kritiséiert de President vu Caritas Accueil et Solidarité. De Charel Schmit begréisst awer, datt Transitiounshaiser fir Prisonéier geplangt sinn.

Martine Hansen fir RE0R.JPG
Regierungsaccord

An der Chamber-Debatt iwwer d'Regierungserklärung huet déi nei CSV-Fraktiounscheffin Martine Hansen de Moie kritiséiert, datt den Accord vun DP, LSAP an déi gréng alles wéi keng Zukunftsvisioun fir Lëtzebuerg wier.

Koalitiounsverhandlungen
Regierungserklärung

Vill Neies huet de Premier an der Deklaratioun iwwer de Regierungsprogramm net verroden. D'Fro vun der Finanzéierung vun de Mesuren aus dem Koalitiounsaccord gouf och gëschter net beäntwert.

Regierungserklärung Bettel Chamber
Regierungserklärung

63 Minutten huet d'Regierungsdeklaratioun vum Xavier Bettel gedauert. De Premierminister gëtt zou: de Regierungsprogramm huet "e finanziellen Impakt". Déi aktuell Situatioun géif dat awer erméiglechen.

David Wagner
Chamberwahlen 2018

"D'Liewenskonditiounen degradéiere sech zu Lëtzebuerg, besonnesch fir déi Jonk", esou den David Wagner. Et géif eng Prekaritéit op der Aarbecht ginn a Laangzäitkontrakter wieren net méi d'Reegel.

Radar
Strosseverkéier

Déi geplangte Neistaffelung vun de Geldstrofe bei Vitessiwwerschreidunge wier dee falsche Message, seet de Paul Hammelmann. D'Sécurité routière vermësst och konkret Aktioune géint déidlech Accidenter vu Jonken.

Thierry Simonelli Meenung
Fräie Mikro

Eng Prozedur zur demokratescher Erstellung vu politescher Legitimitéit si Wahlen ënner dëser Form net. Déi rhetoresch Loftschlässer, mat deene verschidde Volleksvertrieder de Problem verharmlosen, verschäerfen de Problem.

Programm

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Festival de Cannes 2019

    Alleguer d'Artikele vum Festival de Cannes 2019.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen