KLIMAAKTIVISMUS Youth for Climate: "D'Pandemie huet eis am Ufank iwwerfuerdert"

Hir Beweegung hätt wärend der Pandemie besser kënne kommunizéieren, sou d'Klimaaktivistin Zohra Barthelemy. Op grouss Protestaktiounen hätt een an der Lescht awer bewosst verzicht, fir den Infektiounsrisiko kleng ze halen

Rick Mertens (Interview) / Tessy Troes (Web)

Zohra Barthelemy
D'Zohra Barthelemy ass Vertriederin vum Mouvement "Youth For Climate". Foto: Archiv

Déi jonk Klimaaktivistin Zohra Barthelemy seet, hir Beweegung hätt wärend der Pandemie besser kënne kommunizéieren. Normalerweis hätt ee sech ee Mol d'Woch gesi fir ze schaffen. Mee wéi esou vill aner Leit, wieren awer och d'Organisateure vun de Klimaprotester am Ufank vun der sanitärer Kris iwwerfuerdert gewiescht:

"Mir sinn alleguerte SchülerInnen - vill vun eis 18, oder méi jonk. An natierlech war dat och fir vill vun eis privat eng Belaaschtung, well sech alles geännert huet. Schoulesch ware guer keng Strukture méi do. Den Homeschooling huet vill Leit komplett aus der Bunn gepucht. Dat heescht: Et muss een och éierlech soen, datt déi politesch Beweegung vläicht an deenen éischte Méint net onbedéngt d'Prioritéit war, well mir alleguer - wéi de Rescht vun der Bevëlkerung, awer immens frappéiert waren."

D'Aktiviste vu Youth for Climate hätten um Ufank vun der sanitärer Kris bewosst decidéiert keng grouss Protestaktioune mat ville Leit méi ze organiséieren. D'Gesetz verbitt esou Demonstratiounen zwar net, mee net alles wat erlaabt ass, wier och moralesch vertrietbar, esou d'Zohra Barthelemy. An nächster Zäit wieren awer nees vereenzelt méi kleng Aktiounen am ëffentleche Raum geplangt.

An der Mediathéik:

Invité vum Dag / / Rick Mertens
Lauschteren

Méi zum Thema

Zohra Barthelemy
Klimaaktivismus

D'Regierung wëllt eng CO2-Steier vun 20 Euro pro Tonn aféieren, déi bis 2023 op 30 Euro gehéicht gëtt. Dat geet net duer, wann d'CO2-Emissiounen effikass solle reduzéiert ginn, seet d'Zohra Barthelemy vu Youth for Climate.

 

Net verpassen

Programm

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen