Nationalen Aktiounsplang fir Integratioun "Zesummeliewen amplaz Integratioun"

D'Chamber debattéiert dësen Donneschdeg iwwer den nationalen Aktiounsplang fir Integratioun. D'Asti-Presidentin Laura Zuccoli bedauert, datt d'Politik d'Zesummeliewen déi sozial Kohäsioun zënter dem Referendum net méi thematiséiert huet.

Mick Entringer / ys

Laura Zuccoli
Laura Zuccoli

Um Donneschdeg Mëtteg debattéiert d'Chamber iwwert en neien nationale pluriannuellen Aktiounsplang fir Integratioun. Dem Gesetz no ass dee Plang zanter véier Joer fälleg. An deem Aktiounsplang misste konkret Mesuren an Evaluatiounskritäre festgehale ginn, seet d'Presidentin vun der Auslännerorganisatioun Asti, Laura Zuccoli.

D'Asti bedauert, datt nom Referendum iwwert d'Auslännerwalrecht, d'Politik d'Zesummeliewen an déi sozial Kohesioun net méi thematiséiert huet.

Particularitéite vu Lëtzebuerg

"Mir hunn zu Lëtzebuerg eng Situatioun, déi een net esou an anere Länner kennt." Just d'Hallschent vun der Populatioun hätt e Lëtzebuerger Pass. Et wier net wéi a Frankräich oder Däitschland, wou e grousse Grupp vu Leit d'Sprooch an d'Kultur géife bestëmmen. Et misst een originell Weeër fannen, fir een op deen aneren zouzegoen. "Ech géif net vum Wuert Integratioun schwätzen, well mir integréieren eis net zu eppes, mä vun Zesummeliewen."

Et wier verständlech, datt de Sujet vun der sozialer Kohäsioun am Wahljoer manner prominent an der Politik wier. Zu Lëtzebuerg géif d'Elektorat haaptsächlech aus eelere Leit bestoen, an aus Leit, déi an der Fonction publique, respektiv dem Secteur privé protégé schaffen. Et wier kloer, datt Politiker virun de Wahle fir d'éischt no deene Leit hiren Interesse géif kucken.

D'Asti wier beonrouegt, "datt am Plan d'action national d'intégration, d'Diskriminatioun als Thema net méi steet, souvill mir wëssen ..."

An der Mediathéik:

Invité vum Dag / / Mick Entringer
Lauschteren

Méi zum Thema

Jean Asselborn
Visite vun de Classes d'accueil am LTC um Kierchbierg

An de Classes d'accueil vum Lycée technique du Centre um Kierchbierg gi Schüler, déi nach net laang am Land sinn a Refugiéen an de Lëtzebuerger Schoulsystem an an d'Gesellschaft integréiert.

Jean-Paul Lehners
Sozial Kohesioun

De Jean-Paul Lehners versteet net, wisou et keen nationalen Aktiounsplang fir Integratioun gëtt. Hie warnt ausserdeem viru "verbaler Transgressioun", déi Bevëlkerungsgruppe stigmatiséieren.

Nom Accueil, d'Integratioun
Flüchtlingspolitik

Sproochen, Aarbechtsmaart, Schoul a Logement stelle Flüchtlinge virun enorm Erausfuerderungen. Bis elo hätt sech virun allem d'Zivilgesellschaft ëm d'Integratioun bekëmmert, kritiséieren Asti a Caritas.

Respekt.JPG
Zentrum géint Radikaliséierung

Den neie Lëtzebuerger Zentrum géint Radikaliséierung applizéiert eng breet Definitioun vu Radikaliséierung. Extremismus wier net nëmme reliéis oder islamistesch, betount eng Psychologin, déi do schafft.

Corinne Cahen
Flüchtlingen

D'Zuel vun den Asyldemandë klëmmt. De Lëtzebuerger Flüchtlingsrot fuerdert eng besser Integratioun vun de Flüchtlingen. D'Integratiounsministesch Corinne Cahen verteidegt d'Konzept vun der Regierung.

Yves Schmidt
Caritas Lëtzebuerg

Caritas Lëtzebuerg geréiert eelef Foyere fir Asyldemandeure mat enger Gesamt-Kapazitéit vun 1.240 Plazen. Ronn een Drëttel vun de Platzen ass fräi, esou de Caritas-Vertrieder Yves Schmidt.

Programm

  • Déjà Vu - Johnny Cash at St. Quentin

  • On air

    Resonanzen

    • Klassik aktuell - "Nous avons l'habitude de travailler extrêmement dans le détail"

  • Spektrum

  • Noriichten

  • Ënnerwee

Dossieren

  • Sozialwahlen 2019

    Am Mäerz si Sozialwahlen. A ronn 3.500 Betriber, an deene méi wéi 15 Leit schaffen, ginn d'Personaldelegatioune bestëmmt. An déi 60 Vertrieder an der Salariatskammer ginn nei gewielt.

  • Pierre Werner

    "Pierre Werner, e Mënsch a sengem Joerhonnert" ass eng nei Podcast-Serie, déi de radio 100,7 zesumme mam Center for Contemporary and Digital History vun der Uni.lu entwéckelt huet.

Communiquéen

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen