Luxleaks Zweeten Appellsprozess Antoine Deltour

D'Cassatiounsgeriicht hat dem Antoine Deltour am Januar de Statut vum Whistleblower unerkannt. Dofir, datt hie Steierrulinge bei der Auditgesellschaft kopéiert a se engem Journalist weiderginn hat, kann den Antoine Deltour net bestrooft ginn.

Michel Delage / cbi

LuxLeaks-7.JPG
Foto: Archiv.

De Klau vun de Formatiounsdokumenter vu PwC wier manner schlëmm wéi de Klau vun de Steierrulingen, sot de Procureur géneral adjoint John Petry. Des Weidere wier et weder bei der Plainte vu PwC, nach bei de Poursuitë vun der Justiz ëm d'Formatiounsdokumenter gaangen.

De Parquet huet dofir eng einfach Geldstrof vu manner wéi 1.500 Euro gefuerdert. Am Uerteel vum éischten Appellsprozess waren et nach eng Prisongsstrof vu sechs Méint mat Sursis an eng Geldstrof vu 1.500 Euro.

De symboleschen Euro

Den Affekot vu PwC, Me Hervé Hansen huet sengersäits op eng Condamnatioun zum symboleschen Euro um ziville Plang bestanen, an zwar wéinst dem moraleschen a materielle Schued, deen d'Auditgesellschaft erlidden hätt. Vu Formatiounsdokumenter ze schwätze wier een Euphemismus: Et hätt sech heibäi ëm de Knowhow vun der Firma gehandelt.

Datt PwC de symboleschen Euro fuerdert wier skandaléis, sot de Me William Bourdon, ee vun den Affekote vum Antoine Deltour. De Schued, deen d'Auditgesellschaft wëllt erlidden hunn, wier imaginär.

Statut Whistleblower

Dem Deltour seng Verteideger hunn eng "Suspension du prononcé de la condamnation" gefuerdert: an deem Fall géif d'Geriicht vun enger Strof ofgesinn, den Antoine Deltour dierft sech awer während engem gewëssenen Delai keng méi erlaben.

D'Kassatiounsgeriicht hat den 11. Januar d'Uerteel géint den zweete fréiere PwC-Mataarbechter Raphael Halet confirméiert. Him war de Statut vum Whistleblower net unerkannt ginn. Fir den Halet ass déi nächst Etapp d'Stroossbuerger Mënscherechtsgeriicht. D'Uerteel am zweeten Appellsprozess géint den Antoine Deltour gëtt de 15. Mee gesprach.

Méi zum Thema

9861A4EF-3432-40F7-B677-F4C0F1F4C1F7.jpg
Luxleaks Appellprozess

An zweeter Instanz bleift et bei der Condamnatioun vun deenen zwee fréiere PWC-Mataarbechter Deltour an Halet. Dem Journalist Edouard Perrin säi Fräisproch ass haut vum Geriicht confirméiert ginn.

luxleaks
Affär Luxleaks

Nom Uerteel am Luxleaks-Prozess ass de Parquet an Appell général gaangen. Dat huet de Journalist Edouard Perrin, dee fräigesprach ginn ass, dëse Méindeg via Twitter annoncéiert.

LuxLeaks-3.JPG
LuxLeaks

Déi zwee fréier PWC-Mataarbechter Antoine Deltour a Raphaël Halet sinn zu 12, respektiv 9 Méint Prisong mat Surcis veruerteelt ginn. D'Verdeedegung reagéiert mat Onverständnis a geet an Appel.

ICIJ LuxLeaks Dossier
Steiervirdeeler fir Betriber

En Dossier zur Berichterstattung vum radio 100,7 iwwer d'LuxLeaks-Revelatiounen

 

Net verpassen

  • Mam 100,7-Mikro ënnerwee

    Max Feyder

    Eise jonke Freelancer Max Feyder aka Skibi ass an den nächste Woche mam 100,7-Mikro ënnerwee, fir an der Strooss Stëmmungsbiller anzefänken an d'Leit no hirer Meenung zu bestëmmten Theemen ze froen.

Programm

  • Vun 10 bis 2

  • On air

    Vun 10 bis 2

  • Resonanzen

  • Vun 3 bis 6

  • Tockcity

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen