Mammutprojet D'BNL plënnert

Enn September soll d'Nationalbibliothéik am neie Gebai um Kierchbierg hir Dieren opmaachen. Déi Responsabel erklären d'Plënneraktioun vun 1,8 Milliounen Dokumenter an 200.000 Bicher fir den neie Liessall.

Maxi Pesch / cbi

Bicher an enger Bibliothéik
Iwwer 200.000 Bicher solle geplënnert ginn. Foto: Bigstock / Iren Moroz.

Vum 1. Abrëll u sollen 1,8 Milliounen Dokumenter aus der eelster Bibliothéik vum Land vun der Stad op de Kierchbierg geplënnert ginn. Dorënner wäertvoll Dokumenter an ënnerschiddleche Formater, ee Fond luxembourgeois an non-luxembourgeois an 200.000 Bicher fir an den neie Liessall.

Ee Mammutprojet, erkläert d'Direktesch Monique Kieffer, well d'Kollektioune ganz ënnerschiddlech Formater hunn. "Grouss Affichen, Kaarten, Pläng. Mir hunn Dokumenter, déi fragil sinn, déi ganz schwéier sinn. Dat sinn alles Aspekter, déi dës Plënneraktioun vill méi komplex maachen, wéi eng normal Plënneraktioun vun enger normaler Bibliothéik."

Eng nei Informatik

Dat neit Gebai um Kierchbierg huet 24.000 Meter Carré, e Liessall fir 200.000 Dokumenter, déi fräi verfügbar wäerte stoen. Fir datt an der neier d'Nationalbibliothéik Uerdnung an d'Dokumenter kënnt, huet d'BNL op d'Informatik zeréckgegraff, erkläert de Carlo Blum, Responsabel fir d'Informatik bei der BNL:

"Mir hunn ongeféier 2.000 Etagèren do stoen. 10.000 Tabletten. Dat heescht, all Buch muss op eng Tablett drop kommen. Mir hunn eng Plattform implementéiert fir dee Liessall ze simuléieren a Zeenarioen auszeschaffen, wéi déi Bicher herno op deene Regaler positionéiert ginn. Mir hunn eng Léisung fonnt. An elo wësse mir, wéi ee Buch op wéi enger Tablett steet."

Ännerungen an der Plënnerzäit

All Dokument an all Buch géif virum Plënnere gestëbst ginn, esou nach de Carlo Blum.

Während der Plënnerzäit ginn et Ännerunge bei den Ouvertureszäiten. Ënner anerem wäert déi gréisste Bibliothéik aus dem Land samschdes Moies ganz zou sinn. De Marc Fritz erkläert, datt den Accueil, wou nei Lieser sech aschreiwe kënnen, permanent besat ass. Et géif och op d'mannst Accès zu engem Liessall ginn. Dat géif dovunner ofhänken, wéi wäit ee mam Plënnere weiderkomm ass.

Online-Material fir e gréisstméiglechen Accès

Och eng Rei Dokumenter sinn net disponibel. Fir de Leit trotzdeem e gréisstméiglechen Accès zu den Dokumenter ze garantéieren, mécht D'BNL op hiert Online-Material opmierksam. D'Christine Kremer erkläert, datt d'BNL vill E-Booken huet, an zwar an all Sproochen an all Genren, souwéi E-Journals an eng Rei Datebanken.

Fir de Public méi un d'Online Material ze gewinnen organiséiert d'BNL vun Abrëll un eng Rei Seminairen.

An der Mediathéik:

Aktuelles / / Maxi Pesch
Lauschteren

Méi zum Thema

Bibliothéik
Nationalbibliothéik

Am Dezember soll déi nei Nationalbibliothéik um Kierchbierg opgoen. Mat enger moderner Architektur sollen d'Leit an d'Bibliothéik ugezu ginn, fir d'Wëssen an d'Kultur méi attraktiv ze maachen.

ebooks.PNG
E-books

De Reseau vun den ëffentleche Bibliothéike stellt méi wéi 78.000 elektronesch Bicher zur Verfügung. Iwwer de Site ebooks.lu kënne se gratis erofgeluede ginn. Wéi fonctionnéiert dat?

Dossieren

  • Leipziger Buchmesse 2019

    D'Valerija Berdi an de Michel Delage waren dëst Joer fir de radio 100,7 op der Leipziger Buchmesse. All hier Artikelen a Bäitrag zum Thema fannt Dir hei.

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • Offre d'emploi: 1 journaliste (m/f)

    L'Établissement de Radiodiffusion Socioculturelle, opérateur de la radio de service public radio 100,7, recherche pour ses rédactions un(e) journaliste

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen