"Ich habe ja dem Roman dieses etwas aufgeplusterte Etikett Gesellschaftsroman verliehen. Die Figuren sind absolut stellvertretend für die Gesellschaft im Ganzen. Das ist eins meiner großen Themen: die Frage, wie wir postideologisch und postreligiös noch zueinander halten können. Ich habe kein schwarzgefärbtes Menschenbild, ich glaube nicht, dass der Mensch nur ein Wolf unter Wölfen ist. Ich glaube aber schon, dass die Seite in uns, die empathisch, sozial, loyal ist, immer unter Legitimierungsbedarf steht. Die braucht immer Unterstützung durch eine Idee, eine Vision, eine Geschichte. Wir sind jetzt in einer Phase, in der das alles abgebaut ist und uns diese Geschichten fehlen. Deswegen hat das Eigeninteresse so ungeheuren Stellenwert bekommen und wir driften in eine große Infantilität ab. Bedürfnisgesteuert, schnell beleidigt, ein Kind mit rausgezogenem Schnuller - das ist das Menschenbild, das sich mir aufdrängt."[1]
Esou huet Juli Zeh am Mäerz 2016 an engem Interview mat der Wiener Zeitung op d' Fro geäntwert, ob am Makrokosmos vun der EU grad dat selwecht géif passéieren, wéi am Roman "Unterleuten" - an zwar, dass d'Tendenz ëmmer just op den eegene Virdeel aus ze sinn, de Mënschen iergendwann zum Verhängnes géif ginn.
Gëtt et nach eng Moral déisäit vun eegenem Interessi?
Mat "Unterleuten" huet Juli Zeh 2016 ee Gesellschaftsroman publizéiert, dee sech mat wichtegen zäitgenëssesche Froe beschäftegt: Gëtt et nach eng Moral déisäit vun eegenem Interessi? Wourunner gleewe mir an enger Welt ouni Visiounen? Wisou mengt jiddereen, ëmmer Recht ze hunn, a lauschtert netmei op dat, wat anerer ze soen hunn?
"Unterleuten" ass ee fiktiivt Duerf iergendwou a Brandenburg an Däitschland. Wéi all Dierfer am Osten war Unterleuten ënnert dem DDR-Regimm Enteegnungen an Zwangskollektivéierungen ënnerworf. De Fall vun der Mauer hunn d' Awunner vun Unterleuten als een neie Schock, eng aner Aart vun Enteegnung erlieft. De Roman spillt 2010, zu enger Zäit, wou sech d'Duerfliewen op ee Neits verännert. Et wunnen net méi just déi Alagesiesse do, mee och Bäigeprafften aus Berlin. "Großstadtflüchter" a "Naturnaivlinge", déi weder mat der DDR-Geschicht (an den dozougehéierende Läichen), nach mat dem Landliewe wierklech eppes ze din hunn - esou de Jörg Magenau an enger Rezensioun an der Süddeutschen Zeitung.[2] Zu Unterleuten knuppe verschidde Liewensentwërf souwéi ost- a westdäitsch Mentalitéiten openeen.
Personnagen
Am Roman gëtt et niewent engem auktorialen Erzieler ronn zéng gläichberechtegt Erzieler, déi d'Handlung ofwiesselnd, an aus engem jeeweils reng subjektive Wénkel beliichten. Regéiert gëtt Unterleuten vum Rudolph Gombrowski, deen aus enger aler, zu DDR-Zäiten enteegenter Famill vu Proprietäre kënnt. De Gombrowski packt et ëmmer, fir Chef ze sinn. Chef vun der "Landwirtschaftlicher Produktionsgemeinschaft" an no der Wend erëm Besëtzer vu Land, Firmechef an de gréissten Employeur zu Unterleuten. Säi Géigespiller ass de Kron, en ale Kommunist, deen eleng a voller Haass ass. Als Jugendlechen huet de Kron Duerfbrigade ugefouert, déi dem Gombrowski säin Elterenhaus niddergebrannt hunn. Duell Gombrowski - Kron steet am Zentrum vun der Handlung. Dann ginn et awer nach déi Friem aus Berlin, zum Beispill de Gerhard Fließ, fréieren Unisprofesser a Matbegrënner vun de Gréngen, deen desillusionéiert an dégoutéiert vun der Groussstad mat Fra a Kand op Unterleuten plënnert an do zum Naturschützer mutéiert. Oder d' Linda Franzen, dat en Af u Päerd gefriess huet a säi Liewen trei dem Manfred Gortz senger Carrièrre-Bibel mam Titel "Dein Erfolg" no ausriicht. Zesumme mat hirem Frend, dem Frederik Wachs, engem Entwéckler vu Videospiller, deen u sech guer näischt mam Duerf um Hutt huet, huet d'Linda eng Villa Kunterbunt zu Unterleuten kaaft, fir do ee Päerdshaff opzemaachen. Déi Nei kenne weder déi ongeschriwwe Gesetzer am Duerf, nach versti se wéi Duerfstrukture funktionéieren. Wéi de Gerhard Fließ erzielt, ass Unterleuten fir si eng Aart Paralleluniversum:
"Obwohl Unterleuten keine hundert Kilometer von Berlin entfernt lag, hätte es sich in sozialanthropologischer Hinsicht genauso gut auf der anderen Seite des Planeten befinden können. Unbemerkt von Politik, Presse und Wissenschaft existierte hier eine halb-arachaische, fast komplett auf sich gestellte Lebensform, eine Art vorstaatlicher Tauschgesellschaft, unfreiwillig subversiv, fernab vom Zugriff des Staates, vergessen, missachtet und deshalb auf seltsame Weise frei. Ein gesellschaftstheoretisches, nein, gesellschaftspraktisches Paralleluniversum".[3]
Déi Nei zu Unterleuten sinn iwwerfuerdert Awunner vu Berlin, déi enttäuscht a midd vun der Groussstad op d'Land zéien, well se hoffen do eng besser Welt ze fannen:
"Gerhard war ein Exilant, geflohen vor dem Gespinst aus Belästigungen, zu dem das moderne Leben geworden war. Größenwahsinnige Arbeitgeber, unfreundliche Verkäuferinnen, Dauerbaustellen auf Hauptverkehrsstraßen (...) Uberall Werbung, die den Verstand beleidigte (...) Zehn verschiedene Paketdienste, die alle zwanzig Minuten klingelten um eine Sendung für die Nachbarn abzugeben. Überwachungskameras und flimmerende Monitore an jeder Ecke. (...) Menschen, die den lieben langen Tag auf ihre Smartphones starrten, um jene ungesunde Mischung aus Panik und Langeweile nicht zu spüren, die für den aktuellen Zeitgeist typisch war. Die Welt wurde in Städten erfunden, verwaltet, regiert und dekoriert. Also sollten die Irren mit ihrem Irrsinn auch in den Städten bleiben. Kein Schwein interessierte sich für Unterleuten (...) Dann sollten sie gefälligst auch ihre Windräder im Berliner Tiergarten errichten. Unterleuten bedeutet Freiheit, Symbol der Freiheit war ein unverstellter Horizont."[4]
An engem Fernsehinterview vun der Emissioun NZZ-Standpunkte aus dem Joer 2016 sot d'Juli Zeh, datt si d'Gefill hätt, eng Aart "Provinzsehnsucht" hätt agesat , quasi als eng Géigebeweegung zum "Urbanitätswahn". Op d' Fro vum Interviewer, ob dëst eng Flucht viru Problemer wier, huet d'Juli Zeh Folgendes geäntwert:
"Es ist auf alle Fälle eine Flucht. Es gibt ja auch diesen Begriff Eskapismus als große Beschreibung für eine Mentalität. Ich denke aber nicht, dass es die Flucht vor einem oder mehreren konkreten Problemen ist. Es ist eher die Flucht vor einer Weltwahrnehmung. Wir sind zu sehr gefangen in dem Gefühl, die Welt wäre ungeheuer komplex geworden, groß, unüberschaubar, nicht regierbar, als könnten wir an den Weltläufen kaum noch etwas ändern. Keine echte Politik machen, höchstens noch Zuschauer mit schlechtem Gewissen sein. Mein Eindruck ist, dass dies in den Menschen einen Erschöpfungsschmerz verursacht und die starke Sehnsucht nach Kleinheit, nach Uberschaubarkeit, nach Mikrokosmos hervorruft. Und dafür mag das Dorf stehen und der Wunsch von vielen, dort zu leben"[5]
Idyll ass a Wierklechkeet eng Illusioun
Dëst ass den Zäitgeescht an d'Stëmmung, déi sech am Duerf a Roman Unterleuten erëmspigelen. Déi nei Awunner vun Unterleuten hunn eng idyllesch Virstellung vum Duerfliewen, déi sech als Illusioun erweist. Unterleuten ass mat senge méi oder manner latente Konflikter wéi ee Kessel, deen all Moment explodéiere kann. D' Feier ënnert dem Kessel zündt een Investor, deen zu Unterleuten eng ganz Rëtsch vu Wandmillen opriichte well. Obwuell d' Awunner am Ufank am Protest vereenegt sinn, kristalliséieren sech awer geschwënn Muechtspiller eraus. Wann et em Suen an Interessenpolitik geet, kämpft jidderee fir sech.
Ee verdächtegt deen anere fir iergendeppes - sief et säi Grondstéck fir d' Wandmillen ze verkafen, een aneren ze verroden oder engem alen Rival express wëllen ze schueden. Dobäi ass sech jidderee sécher, mat sengen Uschëllegunge richteg ze leien:
"Ständig glaubten alle, alles zu wissen, während in Wahrheit niemand im Bilde war (...) Die Wahrheit war nicht, was sich wirklich ereignet hatte, sondern was die Leute einander erzählten."[6]
De Roman weist awer, dass et keng absolut Wourecht, mee ëmmer just Perspektive gëtt. Sou léisst Juli Zeh d' Journalistin Lucy Fink um Enn vum Roman konstatéieren:
"Je mehr ich erfuhr, desto stärker erinnerte mich die Geschichte an mein Lieblingsspielzeug aus Kindertagen, ein rotes Kaleidoskop, in dem man Muster aus winzigen bunten Perlen betrachten konnte. Man drehte ein wenig, und alles sah anders aus (...) Eine Geschichte wird nicht klarer dadurch, dass viele Leute sie erzählen"[7]
Mikrokosmischer Schauplatz als Labor des Makrokosmos
Ursula März nennt d'Duerf Unterleuten an engem Artikel an der Zäitschrëft "Die Zeit", een "mikrokosmischer Schauplatz als Labor des Makrokosmos" Mam Christoph Schröder vum Tagesspiegel iwwereneestëmmend léisst sech zréckbehalen, dass "Unterleuten" ee Roman iwwert en Duerf ass, un dem senge Strukturen sech gesellschaftlech Phänomener ofliese loosen. Op ronn 640 Säiten trieden ënnert anerem Naivitéit géint Realismus, Individualismus géint Kollektivismus, giereg si géint verstänneg sinn, a Klaatsch géint d'Realitéit un.
Interessant um Roman ass och d'Spill tëschent Réalitéit a Fiktioun. Op der Website Unterleuten.de, äussert sech d'Juli Zeh iwwert de virtuelle Kosmos vun Unterleuten:
"Unterleuten hatte von Anfang an die Tendenz, über die Buchdeckel hinaus zu wuchern. Manfred Gortz, dessen Erfolgsratgeber von der Figur Linda Franzen wie eine Bibel gelesen wird, begann, diesen Ratgeber tatsächlich zu schreiben. Lindas Freund Frederik klagt sein Leid über die schwierige Beziehung zu seiner pferdeverrückten Freundin in einem realen Reiterforum. Lucy Finkbeiner, die angeblich die Recherche zu Unterleuten gemacht und ihr Material der Autorin Juli Zeh zur Verfügung gestellt hat, klagt auf Facebook über die Arroganz der Schriftstellerin und über die mangelnde Würdigung ihrer eigenen Leistung. Kathrin Kron-Hübschke und Jule Fließ posten Fotos von ihren Töchtern, Manfred Gortz twittert, mailt, betreibt eine Homepage und nimmt auf Youtube Stellung, als es in der Presse heißt, er würde möglicherweise gar nicht existieren. Der Vogelschutzbund Unterleuten hat ebenfalls eine eigene Website, auf der man Führungen buchen und T-Shirts kaufen kann. Und der Märkische Landmann, in dem die Geschichte von Unterleuten ihren Anfang nimmt, hat seine Speisekarte ins Internet gestellt."[8]
Duerch d'Website an d'Buch "Dein Erfolg" vum Manfred Gortz, dat a Wierklechkeet d'Juli Zeh selwer geschriwwen huet, duerch d'Facebook-Posts vun de Personnagen aus Unterleuten an d'Website vum "Vogelschutzbund Unterleuten" an dem Restaurant "Märkischer Landmann", déi och alleguer vun der Autorin inzenéiert goufen, huet een als Lieser d'Gefill, Unterleuten géif et wierklech ginn. An dat dierft och d'Intentioun vum Juli Zeh gewiescht sinn: d'Grenzen tëschent Realitéit a Fiktioun verschwammen ze loossen.
[1] Böck, Werte sind nicht mehr in unserer DNA, S. 4.
[2] Magenau, Die Landidylle, S. 2.
[3] Zeh, Unterleuten, S. 29.
[4] Zeh, Unterleuten, S. 200f.
[5] https://www.nzz.ch/video/nzz-standpunkte/nzz-standpunkte-kompakt-sehnsucht-nach-provinz-ld.88013
[6] Zeh, Unterleuten, S. 408 an S. 606.
[7] Zeh, Unterleuten, S. 629.
[8] unterleuten.de
Quellen:
- Magenau, Jörg: Die Landidylle, in der Gewalt alltäglich ist, in: Süddeutsche.de (21.03.2016), URL: http://www.sueddeutsche.de/kultur/unterleuten-von-juli-zeh-die-landidylle-in-der-gewalt-alltaeglich-ist-1.2915472 [24.05.2018].
- Lehmkuhl, Tobias: Wer in Juli Zehs "Unterleuten" wen bewegt, in: Süddeutsche.de (14.04.2016), URL: http://www.sueddeutsche.de/kultur/juli-zehs-unterleuten-hat-juli-zeh-fuer-ihren-aktuellen-roman-abgeschrieben-1.2949260 [24.05.2016]
- Böck, Christina: Werte sind nicht mehr in unserer DNA. Juli Zeh über ihren neuen Roman, über Stadtflucht, Flüchtlingskrise und politische Teufelskreise, in Wiener Zeitung Online, (10.03.2016), URL: https://www.wienerzeitung.at/themen_channel/literatur/autoren/805657_Werte-sind-nicht-mehr-in-unserer-DNA.html [24.05.2016].
- Schröder, Christoph: Juli Zehs Unterleuten. Windkrafträder auf Misthaufen, in: Tagesspiegel.de (12.03.2016), URL https://www.tagesspiegel.de/kultur/juli-zehs-unterleuten-windkraftraeder-auf-misthaufen/13311834.html [24.05.2016].
- März, Ursula: Unterleuten. Jedes Dorf ist eine Welt, in: Die Zeit 13 (2016), URL: https://www.zeit.de/2016/13/unterleuten-juli-zeh-roman [24.05.2016].
- Weidermann, Volker: Deutschland ist ein Dorf, in: Der Spiegel 29 (2016), S. 122-124.
- Van Bebber, Werner: Ein Besuch bei Juli Zeh. Clash der Dorfkulturen, in: Tagesspiegel.de (29.05.2016), URL: https://www.tagesspiegel.de/berlin/ein-besuch-bei-juli-zeh-clash-der-dorfkulturen/13655600.html