Bildend Konscht Konschtpräis oder Trouschtpräis?

Zu Lëtzebuerg ginn et aacht verschidde Konschtpräisser. Zum Deel mat substanzielle Geldpräisser. Ass dat en Zeeche vun enger feelender Gouvernance am Kulturmilieu, oder éischter eent vun enger lieweger Konschtzeen?

Christian Mosar / ys

Riicht eraus
Christian Mosar, Françoise Poos, Hervé Lancelin, Marc Scozzai , Marc Hostert, Jo Kox

Zu Lëtzebuerg gëtt et keen offizielle Konschtpräis vun der Regierung. Et sinn iwwert déi lescht Joren awer verschidde Forme vun Auszeechnungen an der bildender Konscht zu Lëtzebuerg entstanen. Dacks verbonne mat substantielle Geldpräisser.

De Klassiker ass de Prix Grand Duc Adolphe, dee mat 5.000 Euro Präisgeld am Kader vum Salon vum Cercle Artistique vergi gëtt. Beim Hierschtsalon kommen ofwiesselnd de Prix Pierre Werner an de Prix Révélation derbäi. Déi sinn all Kéiers mat 2.500 Euro dotéiert. Dës Zomme schéngen awer geréng, am Verglach mat de 25.000 Euro vum Luxembourg Art Prize. Dee gëtt vum Privatgalerist a Sammler Hervé Lancelin ausgeschriwwen.

Complementaritéit vu Präisser an Institutiounen

Et geet awer net nëmmen ëm Suen. Verschidde rezent Konschtpräisser bestinn ënnert der Form vu Kënschtlerresidenzen, zum Beispill zu New York. Oder ënnert der hybrider Form vun engem Geldpräis, deen un eng Ausstellung an eng Katalogproduktioun gekoppelt ass.

Mëttlerweil weisen a produzéiere vill Institutiounen zu Lëtzebuerg Géigewaartskonscht. Dobäi muss ee sech, genee wéi bei den aacht Konschtpräisser, d'Fro stellen, a wéi wäit si complementaire sinn, respektiv a Konkurrenz zouenee stinn? Net onbedéngt an engem Sënn vu Prestige oder Renommée. Mä d'Zuel vun de Kënschtler, déi zu Lëtzebuerg den Niveau fir dës Zort Auszeechnungen erreechen, ass einfach begrenzt. Dat ënnersträicht de Marc Scozzai. Hien organiséiert nieft dem LEAP Konschtpräis och d'Triennale de la jeune création an de Rotonden.

Hëllef iwwer d'Präisgeld eraus?

De Focuna huet viru Kuerzem déi éischte Bourse Bert Theis verginn. 15.000 Euro gi vun engem Privatmäzen gespent. Si solle ganz spezifesch fir Produktiounskäschte bei gréissere Projete verdeelt ginn. Zu Lëtzebuerg hätt sech e gewësse Circuit opgebaut, bei deem déi verschidden Etappen als selbstverständlech ugesi ginn, bedauert de Jo Kox vum Focuna. Vill jonk Kënschtler géifen de wierkleche Schrëtt zu enger Professionaliséierung, wéi se am Ausland üblech ass, net maachen. Dat géif och dorunner leien, datt et zu Lëtzebuerg keng Galerie géif ginn, déi Lëtzebuerger Kënschtler an deem Sënn hëllefe kéint.

D'Françoise Poos, Presidentin vum Edward Steichen Award, fuerdert am Kontext vun der Multiplikatioun vun de verschiddene Präisser, datt ee sech misst iwwerleeën, wie genee fir wat zoustänneg ass. A wéi een, iwwer d'Auszeechnungen eraus, de Kënschtler an hirer Professionaliséierung hëllefe misst.

D'Iddi, datt ee strukturell a logistesch Hëllef bidde soll, deelt de Marc Hostert vum Cercle Artistique de Luxembourg. Den Hervé Lancelin betount, datt säi private Konschtpräis eigentlech eng international Vernetzung, och vu Lëtzebuergesche Kënschtler, als Zil huet.

An der Mediathéik:

Riicht eraus / / Christian Mosar
Lauschteren

Méi zum Thema

Riicht Eraus Museksindustrie
Museksindustrie

Nëmme wéineg Museker envisagéieren eng professionell Carrière zu Lëtzebuerg. Déi néideg Strukture feelen. Awer dat kéint sech änneren. De Wëllen ass do, fir eng Museksindustrie ze schafen.

20170601_125225.jpg
Konscht

Wéi bekannt si Lëtzebuerger Kënschtlerinnen a Kënschtler? Déi Fro sollt eng grouss Ëmfro beäntweren. D'Resultat ass eendeiteg: Deene meeschte Leit ass Konscht vu Lëtzebuerg eigentlech egal.

Art Week Expo.jpg
Luxembourg Art Week

Wat bréngt et dem Konschtsammler, Deeler vu senger Kollektioun un ee Musée ze ginn? Wéi profitéiert de Musée dovun? Doriwwer gouf op der Luxembourg Art Week diskutéiert. Mat ënnerschiddleche Konklusiounen.

RER Kulturpolitik.JPG
Riicht Eraus

D’Politik schafft net optimal mat den Acteuren aus der Kultur zesummen – do sinn eis Invitéen sech eenz. Mee wéi kann de neie Kulturminister Xavier Bettel dat änneren?

Programm

Dossieren

  • CinÉast 2017

    Schonn déi zéngten Editioun vum Lëtzebuerger Filmfestival, deen e breede Panorama vum "Art et essai"-Kino aus Mëttel- an Osteuropa bitt. Eng 100 Projektioune vu Wierker aus 19 europäesche Länner.

  • Gemengewahlen 2017

    Den 8. Oktober kënnen d'Bierger aus de 105 Gemengen am Land hir lokal Vertrieder nei bestëmmen.

Communiquéen

  • Offre d'emploi

    L'Etablissement de Radiodiffusion Socioculturelle recrute un technicien radio (m/f).

  • radio 100,7 renforce sa rédaction

    Mme Christina Heidt et M. Maurice Molitor rejoignent la rédaction d'actualités de la radio de service public.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen