Festival de Cannes 2019 The Dead Don't Die

No enger gelongener Optaktzeremonie während där den Edouard Baer den internationalen Jury vun der 72. Editioun vum Film Festival zu Cannes presentéiert huet, war et dëst Joer "The Dead Don't Die", e Film vum Jim Jarmusch, deen de Steen un d'Rulle bruecht huet.

Thierry Besseling / cz

The Dead don't die

Gebierteg aus dem Bundesstaat Ohio ass dee mëttlerweil 66 järege Jim Jarmusch relativ séier mat 17 Joer op New York geplënnert, wou hien och haut nach ëmmer lieft. Mat "The Dead Don't Die", engem gemittlechen Zombie Film bei deem een, ofgesinn vun engem mënscheniessenden Iggy Popp, keng Angscht brauch ze hunn, gouf dann och gëschter Owend déi 72. Editioun vum Film Festival zu Cannes agelaut. De Film ass, wéi sou dacks beim Jarmusch, e klengen awer rengen Independant Bijou, dee sech all Zäit vun der Welt hëlt fir dem Tandem Bill Murray an Adam Driver déi Plaz ze ginn, déi si brauche fir dee fuerzdréchenen absurden New Yorker Humor vum Jarmusch op seng Zuschauer wéi en Tai Chi Cours fir Leit am drëtten Alter ganz lues awierken ze loossen. Op et Zombië sinn, déi no Wifi oder Xanax jäizen oder d'Country Lidd "The Dead don't Die", iwwer dat sech déi zwee Flicken am Déngschtauto beschwéieren, well et um Radio leeft, obwuel si et dach schonn am Ufanksgénérique vum Film héieren hunn, den Jarmusch scheit sech net fir de Zombie-Film mächteg op d'Schëpp ze huelen.

Plot a Billersprooch

Säi Meta-Discours geet da souguer sou wäit, datt den Driver an de Murray eng Diskussioun iwwer de Zeenario vum Film am Film hunn. De Murray ass jalous op den Driver, deen de ganze Zeenario ze liese kritt huet, do wou de Murray just seng eege Zeenen am Virfeld krut. Dee freet sech dann, wat de Jarmusch sech do erlabe géif, no all deem, wat de Murray scho fir hie gemaach hätt, mat enger klorer Referenz op d'Filmer, déi déi zwee Vertrauter scho matenee gedréit hunn, an e puer intim privat Momenter, op déi dann awer just ugespillt gëtt. Nieft dem Adam Driver, dee mat sengem klenge roude Smart duerch d'Landschaft dackelt, engem Steve Buscemi als gudden alen Redneck Bauer mat enger Make America White Again Kap, an engem Tom Waits, deen de Zombië bei der Aarbecht nokuckt, während deem hie genësserlech seng Pouletshämmche verschléngt, ass d'Tilda Swinton an der Roll vun enger schottescher Doudegriewerin den absoluten Héichpunkt vum Film. Wann d'Ae vun den zwou Läichen, déi si als Ziggi Stardust Sosien oppreparéiert, op eemol opginn, an déi zwou Gestalten op eng net geplangten Aart a Weis nees zum Liewen erwächen, dann zéckt si net hiert Samouraischwäert ze zéien, an deenen zwee, an enger kuerzer an schwongvoll eleganter Beweegung, de Kapp propper vum Kierper ofzetrennen. Kuerz viru Schluss geet et dann och, ouni wëllen ze vill ze verroden, Richtung "Close Encounters Of The Third Kind". Déi steif Tirebouchons-Witzer vum Jarmusch harmonéiere gutt mat sengen statesche Kompositiounen.

D'Billersprooch erënnert un e ganz primitive Stommfilm, deen de Verdéngscht huet, sech vun all Iwwerflëssegem geléist ze hu fir sech op d'Essenz ze konzentréieren. Schued ass da just, datt de Jarmusch schlussendlech awer e bësse Bauchpinselei bedreift, an net wierklech vill ze zielen huet, ofgesi vun där markanter Handschrëft, déi all Film vun him dréit. Ganz nom Motto: déi Doudeg sinn nees zeréck, a wat gëtt et soss Neies?

An der Mediathéik:

Kultur / / Thierry Besseling
Lauschteren

Méi zum Thema

Cannes XR.JPG
Festival de Cannes 2019

Mat Cannes XR dediéiert de Filmfestival vu Cannes dëst Joer den immersiven Technologien eng eege Rubrik. Ënner den honnerten Experienze sinn och Lëtzebuerger Produktioune vertrueden.

Programm

  • Virum Dag

  • On air

    Moies-Magazin

    • Noriichten

  • Iwwer Mëtteg

  • Resonanzen

  • Spektrum

Dossieren

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

  • Literaturfestival "étonnants voyageurs"

    Iwwer de Päischtweekend stoung d'Literatur aus der ganzer Welt, awer och de Film an d'Ausstellungen am Mëttelpunkt an der klenger bretonescher Festungsstiedche Saint Malo.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen