An deene meeschte Länner, wou Uber sech néiergelooss hätt, wier den Taxis-Secteur ganz op d‘Kopp gehäit ginn, well Uber deloyal Konkurrenz géif maachen. Wann elo sou eng Firma op Lëtzebuerg kënnt, da misste Mesure geholl ginn, fir géint de Sozialdumping ze kämpfen.
Ënner anerem fuerdert den OGBL méi Kontrollen an den Taxis-Entreprisen an d‘Aféiere vu Sanktiounen, wa sech net un d‘Aarbechtsrecht an de Kollektivvertrag gehale gëtt. Dozou misst och gehéieren, datt Entreprisen, déi sech net drun halen, d‘Lizenz ewechgeholl kréichen.
An den OGBL fuerdert, datt d‘Chambre des salariés eng Gesetzespropositioun ausschafft, fir de Leit, déi fir sou Plattforme schaffen, hir Salairen, Congéen a securité sociale ze garantéieren.
Uber huet jo ugekënnegt, e Partenariat mat der Lëtzebuerger Taxis-Entreprisen Webtaxi ze ënnerschreiwen.