Gezeechent - d'BD vum Mount
Bea Davies & Patrick Spät - Der König der Vagabunden
0 min
"Der König der Vagabunden" ass en historesche Comic, deen am Däitschland vun den 20er Jore spillt. D'Zeechnerin Bea Davies an de Zeenarist Patrick Spät hunn e Personnage ausgegruewen, deen deemools ganz bekannt war, haut awer praktesch vergiess ass: de "König der Vagabunden" Gregor Gog, deen als Aktivist fir d'Leit, déi op der Strooss liewen, aktiv war an eng Bruderschaft der Vagabunden, eng Zort Gewerkschaft vun de Clocharden, gegrënnt huet.
De biografesche Comic erzielt dem Gog säi Liewenswee vum Éischte Weltkrich bis 1933: Als pazifistesche Matrous kënnt de Gog fir d'éischt a Kontakt mat Anarchisten, no de revolutionären Evenementer vun 1919 lieft hien an den 20er mat Kënschtler an enger Kommune bei Stuttgart. Gewise gëtt de Gog awer virun allem ëmmer erëm als grousse Pragmatiker, dee selwer vill duerch d'Land reest, op der Strooss lieft a konkret um Terrain eppes verännere wëllt, wat méi schwéier gëtt, wat d'Muecht vun de Nazie méi grouss gëtt.
D'grafesch Ëmsetzung vun der Bea Davies ass mat hirem kontrasträiche Schwaarzwäiss, deen un Holzschnëtter erënnert, immens gelongen. Mat hirem ofwiesslungsräiche Layout fënnt d'Zeechnerin ëmmer erëm nei Weeër, fir dem Gregor Gog seng Geschicht eriwwerzebréngen. Dës gëtt vum Patrick Spät an engem strammen Tempo erzielt a schlësseg op Schlësselzeene kondenséiert. Allerdéngs wierkt de Comic doduerch heiansdo ze mechanesch a pedagogesch.
Insgesamt ass "Der König der Vagabunden" awer empfeelenswäert, well et him geléngt, eng vergiesse Figur aus der Weimarer Republik erëm an d'Diskussioun ze bréngen.
Presentéiert vum Jeff Thoss.
Episoden
Grouazel/Locard - Révolution, II. Égalité
Matten an der Geschicht: 2019 hunn de Florent Grouazel an de Younn Locard den éischte Band vun hirer Trilogie iwwer d'Franséisch Revolutioun erausbruecht. Elo koum d'Suite eraus.
Liv Strömquists - Astrologie
Déi schweedesch Zeechnerin ass duerch hir feministesch Essaien bekannt ginn. An hirem neiste Comic beschäftegt si sech mat engem iwwerraschende Sujet: der Astrologie.
Lewis Trondheim - 31 juillet
Deen aachte Band vun enger Serie mam Titel "Les nouvelles aventures de Lapinot", mee et muss een näischt doriwwer wëssen, fir dës kuerz BD mat 56 klengformatege Säiten ze liesen.
Deena Mohamed - Your Wish Is My Command
E modernt Märchen aus Ägypten vun enger ägyptescher Zeechnerin Deena Mohamed, dat mat an e modernt Kairo hëlt.
Stockhausen - "Der Mann, der vom Sirius kam"
D'Liewe vum Karlheinz Stockhausen als Comic. Am Zentrum steet d'Faszinatioun déi den Auteur vu senge fréien Teenagerjoren u mat der Musek vum Avantgarde-Komponist hat.
Eva Müller - Scheiblettenkind
Iwwer d'Opwuessen an enger däitscher Aarbechterfamill a dovun, wéi Klassementalitéit a sozial Ënnerscheeder d'Heldin hiert ganzt Liewe laang begleeden a beschäftegen.
Jean-Marc Rochette - La Dernière Reine
Zeréck zur Natur: Eng Koppel stemmt sech an den Alpe vum fréien 20. Joerhonnert géint de Fortschrëtt a wierkt an hirer Anti-Modernitéit heiansdo ganz modern.
Kate Beaton, Ducks: Two Years in the Oil Sands
En autobiographescht Wierk iwwer der Kënschtlerin hir Zäit an der kanadescher Uelegindustrie an déi sëllege Forme vun Exploitatioun, déi si do erlieft huet.
Bastien Vivès - Dernier week-end de janvier (Casterman)
Eng Léift um Comicfestival: dem Bastien Vivès seng neiste BD erzielt mat spuersame Mëttele vun enger onwarscheinlecher Libesgeschicht am Comicmilieu, déi sech bal net ze erkenne gëtt.
Hamed Eshrat - Coming of H
Kiffen a Sprayen an der Provënz: eng Migratiounsgeschicht mat der Geschicht vun enger Jugend an den 1990er Joren. Souverän erzielt, awer ouni grouss Iwwerraschungen.
Pierre-Henry Gomont, Slava, 1: Après la chute
De Pierre-Henry Gomont hëlt eis mat zeréck an d'Russland vun den Nonzeger, wou de Kommunismus grad zu Enn gaangen ass a sech d'Gesellschaft nei organiséiert.
Quentin Zuttion, La Dame blanche
En originelle Bléck op d'Aarbecht am Altersheem: De Quentin Zuttion huet sech an de leschte Jore mat sensibele Bicher zu aktuellen Theemen en Numm gemaach.
Birgit Weyhe, Rude Girl
E Liewen tëschent Baseball, Ska a Brecht: eng faszinéierend Biografie mat spillereschen Iwwerleeungen zum Theema Representatioun
Zep - Ce que nous sommes
Just e Gehier an engem Tank? Gutt gezeechent, awer ganz konventionell Science Fiction
Elizabeth Holleville - Immonde!
Den Horror lauert an der Industriezon: An hirer zweeter BD erzielt d'Elizabeth Holleville vun dräi Teenageren, déi komesche Virfäll an enger klenger elsässescher Industriestad noginn.
Aisha Franz - Work-Life-Balance
A hirer véierter Graphic Novel setzt sech d'Zeechnerin op witzeg a bësseg Aart a Weis mat der moderner Aarbechtswelt auserneen an hire Problemer.
Héctor Germán Oesterheld/Alberto Breccia/Enrique Breccia - Life of Che
En argentinesche Bléck op den Che Guevara
Lara Swiontek - Verwandlung
Ee Märche fir Erwuessener, déi éischt Graphic Novel vun der däitscher Kënschtlerin an Illustratorin
David Sala - Le Poids des héros
Dat neit Wierk vum franséischen Zeechner geet nees an eng éischter literaresch Richtung. Et ass e Familljeportrait vum Auteur, vu senger Kandheet a Jugend.
