Gezeechent - d'BD vum Mount
Ugo Bienvenu: Préférence système
13 min
"Préférence système" vum Ugo Bienvenu spillt an enger noer Zukunft, an där d'Mënschheet esouvill Date produzéiert, datt net méi alles gespäichert ka ginn. Den Yves schafft an der Institutioun, déi dofir verantwortlech ass, al Filmer a Literatur ze läschen, well se net méi genuch Leit interesséieren a duerch d'sozial Medien all Dag eng Onmass un neie Saache produzéiert gëtt. Den Yves ass en heemleche Rebell; hie wëllt d'Wierker erhalen a verstoppt se dofir an der Memoire vun engem Roboter, deen hien doheem huet. Dee Roboter ass och d'Leihmutter vum Kand, dat den Yves a seng Fra erwaarden. Iergendwa flitt hien op a muss mat senger Famill flüchten. An der zweeter Hallschent dréit sech villes ëm de Personnage vum Roboter, deen dat nei Liewen a sech dréit, geneesou wéi vill Klassiker vun eiser Kultur.
D'Science-Fiction BD entwërft e Gedankespill iwwer de Wäert vun der Kultur a freet, ob a wéi mir wëllen eis Geschicht tradéieren. Et ass e sozialkritescht Wierk, mat Bezuch op d'sozial Medie sécherlech e bësse plakativ." Préférence système" ass souverän opgebaut an erzielt, och an der Aart, wéi et sech selwer an der Science-Fiction-Traditioun placéiert, mat klore Referenzen op dem Orwell säin "1984" an dem Kubrick säin "2001". Grad an der zweeter Hallschent entwéckelt d'BD eng grouss poetesch Kraaft an ass mat Momenter ganz beréierend, wat ee vläicht net erwaart. Stilistesch erënnert d'Buch u Superheldecomicken aus den 80er. De relativ konventionelle Stil mat deels kitscheger Koloratioun ass sécherlech eng Schwächt vum Comic. Trotz den almoudeschen Zeechnunge funktionéiert d'BD awer a lount sech wéinst hirem Bléck op den information overload vun eiser Gesellschaft.
Episoden
Grouazel/Locard - Révolution, II. Égalité
Matten an der Geschicht: 2019 hunn de Florent Grouazel an de Younn Locard den éischte Band vun hirer Trilogie iwwer d'Franséisch Revolutioun erausbruecht. Elo koum d'Suite eraus.
Liv Strömquists - Astrologie
Déi schweedesch Zeechnerin ass duerch hir feministesch Essaien bekannt ginn. An hirem neiste Comic beschäftegt si sech mat engem iwwerraschende Sujet: der Astrologie.
Lewis Trondheim - 31 juillet
Deen aachte Band vun enger Serie mam Titel "Les nouvelles aventures de Lapinot", mee et muss een näischt doriwwer wëssen, fir dës kuerz BD mat 56 klengformatege Säiten ze liesen.
Deena Mohamed - Your Wish Is My Command
E modernt Märchen aus Ägypten vun enger ägyptescher Zeechnerin Deena Mohamed, dat mat an e modernt Kairo hëlt.
Stockhausen - "Der Mann, der vom Sirius kam"
D'Liewe vum Karlheinz Stockhausen als Comic. Am Zentrum steet d'Faszinatioun déi den Auteur vu senge fréien Teenagerjoren u mat der Musek vum Avantgarde-Komponist hat.
Eva Müller - Scheiblettenkind
Iwwer d'Opwuessen an enger däitscher Aarbechterfamill a dovun, wéi Klassementalitéit a sozial Ënnerscheeder d'Heldin hiert ganzt Liewe laang begleeden a beschäftegen.
Jean-Marc Rochette - La Dernière Reine
Zeréck zur Natur: Eng Koppel stemmt sech an den Alpe vum fréien 20. Joerhonnert géint de Fortschrëtt a wierkt an hirer Anti-Modernitéit heiansdo ganz modern.
Kate Beaton, Ducks: Two Years in the Oil Sands
En autobiographescht Wierk iwwer der Kënschtlerin hir Zäit an der kanadescher Uelegindustrie an déi sëllege Forme vun Exploitatioun, déi si do erlieft huet.
Bastien Vivès - Dernier week-end de janvier (Casterman)
Eng Léift um Comicfestival: dem Bastien Vivès seng neiste BD erzielt mat spuersame Mëttele vun enger onwarscheinlecher Libesgeschicht am Comicmilieu, déi sech bal net ze erkenne gëtt.
Hamed Eshrat - Coming of H
Kiffen a Sprayen an der Provënz: eng Migratiounsgeschicht mat der Geschicht vun enger Jugend an den 1990er Joren. Souverän erzielt, awer ouni grouss Iwwerraschungen.
Pierre-Henry Gomont, Slava, 1: Après la chute
De Pierre-Henry Gomont hëlt eis mat zeréck an d'Russland vun den Nonzeger, wou de Kommunismus grad zu Enn gaangen ass a sech d'Gesellschaft nei organiséiert.
Quentin Zuttion, La Dame blanche
En originelle Bléck op d'Aarbecht am Altersheem: De Quentin Zuttion huet sech an de leschte Jore mat sensibele Bicher zu aktuellen Theemen en Numm gemaach.
Birgit Weyhe, Rude Girl
E Liewen tëschent Baseball, Ska a Brecht: eng faszinéierend Biografie mat spillereschen Iwwerleeungen zum Theema Representatioun
Zep - Ce que nous sommes
Just e Gehier an engem Tank? Gutt gezeechent, awer ganz konventionell Science Fiction
Elizabeth Holleville - Immonde!
Den Horror lauert an der Industriezon: An hirer zweeter BD erzielt d'Elizabeth Holleville vun dräi Teenageren, déi komesche Virfäll an enger klenger elsässescher Industriestad noginn.
Aisha Franz - Work-Life-Balance
A hirer véierter Graphic Novel setzt sech d'Zeechnerin op witzeg a bësseg Aart a Weis mat der moderner Aarbechtswelt auserneen an hire Problemer.
Héctor Germán Oesterheld/Alberto Breccia/Enrique Breccia - Life of Che
En argentinesche Bléck op den Che Guevara
Lara Swiontek - Verwandlung
Ee Märche fir Erwuessener, déi éischt Graphic Novel vun der däitscher Kënschtlerin an Illustratorin
David Sala - Le Poids des héros
Dat neit Wierk vum franséischen Zeechner geet nees an eng éischter literaresch Richtung. Et ass e Familljeportrait vum Auteur, vu senger Kandheet a Jugend.
