"The Monster Who Hated Pennsylvania" ass deen neien Album vum amerikanesche Singer-Songwriter Damien Jurado an déi éischt Publikatioun op sengem eegene Label Maraqopa Records.
Den Enkel vum grousse Bluesmann R.L Burnside moderniséiert an hält d'Ierwe vum Mississippi Hill Country Blues an Éieren, eng eenzegaarteg Musek aus dem Norde vum Mississippi Delta an engem direkte Lien mat Afrika.
De Corentin Ollivier huet bei Faroe, The Dancers oder Concrete Knives matgespillt an huet dëst Joer en neie Wee ageschloen als Corentin Ollivier mam Album "Into Pieces". Hei jongléiert hie mat ganz perséinlechen Emotiounen a Gesellschaft vu senger Gittar.
Den Hervé Salters vun General Elektriks ass vill gereest a säin neien Album "Party Like a Human", dee mat der Single mam selwechte Numm ugekënnegt gëtt, ass vun der Pandemie an hire Restriktiounen beaflosst. De Meeschter vun de Claviere kënnt haut zeréck op de bekannte Terrain vu sengem Debut, eng elektronesch Pop-Funk. Inhaltlech geet et ëm d'Mënsch sinn ...
Och den amerikanesche Roots-Museker Pokey LaFarge verschafft d'Pandemie op sengem neien Album "In the Blossom of Their Shade" a gesäit seng Lidder souzesoen als vertounte Liicht um Enn vum Tunnel.
Eng Erausfuerderung, eng positiv, ass deen neien Album vum Conor O'Brien, bekannt ënner sengem Projet-Numm Villagers. Den Ir huet scho vill Zoustänn besongen, mam neien Album "Fever Dream" schéngt hien en neie Sujet fonnt ze hunn, de psychedeleschen Ausdrock.
Dee franséische Museker a Komponist Chassol presentéiert den Album "Ludi", deen inspiréiert ass vum Hermann Hese sengem Buch "Das Glasperlenspiel".
Lo Radzouka, dat sinn un der Basis e Gittarist, deen zu Lima opgewuess ass, an een Trompettist, deen a Serbie gelieft huet. Am Quatuor proposéiere Lo Radzouka eng hybrid Musek tëschent Swing, Jazz an traditionelle Museken.
Rafiki Jazz, deen an England baséierte Global-Roots Ensembel mat Sänger-innen an Instrumentalist-innen aus Kaschmir, vu Jerusalem, aus der Casamance an Alexandrien, setzt sech op sengem neien Album "Dust" mam Klimawandel auserneen.
Yodi si Museker, déi alternativ südamerikanesch Stiler komponéieren an interpretéieren, si gläichzäiteg inspiréiert vun der chileenescher Chanson, vum Flamenco a vum Fado.
Eng vun den Diskriminéierunge géigeniwwer de Schwaarzen an Amerika am 19. an och nach am 20. Joerhonnert war de sougenannten Brown Paper Bag Test. Doriwwer schwätzt d'US-Amerikanerin Amythyst Kiah an hirem neien Album "Wary + Strange" ...
Playlist:
Damien Jurado - Dawn pretend -Dawn Pretend - The Monster Who Hated Pennsylvania
Cedric Burnside - Gotta Look Out - I Be Trying
Raoul Vignal - To Bid the Dog Goodbye - Years in Marble
Corentin Ollivier - Wilderness Inside - Into Pieces
General Elektriks - Party Like a Human - Party Like a Human
Pokey LaFarge - Rotterdam - In the Blossom of Their Shade
Villagers - So Simpatico - Fever Dreams
Chassol - Camarades - Ludi
Lo Radzouka - Al Raqs Majnun - Sanh-mesclat
Rafiki Jazz - Omkoth Ma'Ai - Nduggu: Dust
Peter Pan Pan - Sevgi Balosu - Souvenirs - EP
Yodi - Mariposa - Mariposa - Single
Amythyst Kiah - Hangover Blues - Wary + Strange
Rico Brinx & Anne Rakotofiringa - Africa Blues - Africa on the Move