Déi englesch Dub Legend Adrian Sherwood huet en neien Album, deen ënnerwee ass, "Dub No Frontiers" iwwerschriwwen. Bei dësem Disk, wou Artist:innen am Virdergrond stinn, héiere mir d'Vokalistin Rita Morar mam Titel "Meri Awaaz Suno" op Hindi gesongen, wat esou vill heescht wéi "Hear My voice" an ass elo schonn disponibel. De ganzen Album gëtt am Juli erwaart, via Real World.
Déi kalifornesch Reggae Band Groundation huet sech an den 90er Joren aus der Virstellung eraus entwéckelt vun enger Gesellschaft ouni Hierarchien oder Klassenënnerscheeder.
New Orleans ass bekannt fir d'Wéi vum Jazz a Blues ze sinn an och déi vun der Voodoo Kultur. De Mac Rebenack, besser bekannt als Dr. John, ass wuel dee bekanntste Vertrieder vum Genre. Dräi Joer no deem sengem Doud verëffentlecht de Gittarist Matthis Pascaud zesumme mam englesche Sänger Hugh Coltman en Hommage un den Dr. John, "Night Trippin" iwwerschriwwen.
Den neien Album vun de Black Keys "Dropout Boogie" ass elo do an integral disponibel, hei en neien Track "Good Love" feat Billy F Gibbons, jo wuel dee Gibbons vun ZZ Top!!
Eng vun den Decouverten dës Kéier ass de Sessa, e Multi-Instrumentalist vu São Paulo, deen elo e weideren Titel vu sengem zweeten Album "Estrela Acesa" mat eis gedeelt huet. Dësen Disk ass en Hommage un d'Kraaft vun der Musek, déi heelt.
Dem Erik Aliana, gebierteg aus dem Kamerun, säin neien Album "Ancestors" ass fir de Juni ugekënnegt a setzt sech mat de Virfaren ausenaner, hirem Rapport zu der Natur, zu der Gesellschaft an zu der Spiritualitéit.
Playlist:
Rita Morar & Adrian Sherwood - Meri Awaaz Suno (Hear My Voice) - Adrian Sherwood Presents: Dub No Frontiers
Groundation - Nyabinghi Order - Each One Teach One (Remixed and Remastered)
Dr. John - I Walk On Guilded Splinters - Definitive Pop: Dr. John (Remastered)
Matthis Pascaud & Hugh Coltman - Cha Dooky Doo - Cha Dooky Doo - Single
The Black Keys - Good Love (feat. Billy F Gibbons) - Dropout Boogie
Sessa - Canção da Cura - Estrela Acesa
Sessa - Gostar do Mundo - Estrela Acesa
Erik Aliana - Respects - Ancestors
Erik Aliana - Ke enda oko (feat. Debashish Bahttacharya) - Ancestors