One World
One from the Heart
56 min
Decouverte vun dëser Woch ass dee véierten Album vum indeschen Tabla-Spiller Sarathy Korwar. "Kalak" ass, esou den Artist selwer, e Manifest vum Indofurismus.
De Jan Verstraeten ass ee vun de spannende belschen Newcomer. Wärend de Lockdowns huet hie sech ganz vill Mafia-Serien a Gängster-Filmer ugekuckt a sech dorunner inspiréiert. D'Resultat ass den Album "Violent Disco".
Ee vun de Klassiker dës Kéier ass dem Tom Waits säin "Little Boy Blue", 1982 erauskomm op der Bo vun "One from the Heart", Film vum Francis Ford Coppola, eng amerikanesch Romanz am Ëmfeld vu Las Vegas mat ë. a. der Nastassja Kinski.
"Anouch" heescht op armeenesch duuss, séiss. An dat ass och den Numm vum Pianist André Manoukian senger Groussmamm, där hie säi leschten Album gewidmet huet. Eng kleng Pärel!
De franséische Kontrabassist a Komponist François Poitou ass ze héieren zesummen mat der Muse vun der tuneesescher Revolutioun Emel Mathlouthi op engem neien Arrangement vum Titel "Layem".
"Whoever comes back from war is the one who decides how the story is told.", seet deen zu London baséierten nigerianeschen Artist Jacob Banks. De Londoner Crooner huet Soul a vermëscht dës mat Gospel, R&B, a Blues Influenzen.
"Black Is the Color (of my true Love's Hair)" ass eent vun dëse Lidder, wou net richteg gewosst ass, wéini a wie genee et geschriwwen huet. An dësem Fall gëtt gegleeft, datt den Ursprong vum Lidd a Schottland läit ...
Den Thomas Naïm huet vill bekannte Museker begleet, éier hien ënner sengem eegenen Numm aktiv gouf. Nodeems hien op eng brillant Aart a Weis den Hendrix revisitéiert huet, bréngt hien haut säin néngten Album als Leader op de Maart, "On the Far Side" iwwerschriwwen.
Playlist:
Yodi - Ese lugar (live)
Sarathy Korwar - Kalak - A Means to an Unend (feat. Photay) - Kalak (feat. Photay)
Sarathy Korwar - The Past Is Not Only Behind Us, but Ahead of Us (feat. Photay) - Kalak
Jan Verstraeten - Vampire In My Bed - Violent Disco
Tom Waits - Little Boy Blue - One from the Heart (The Original Motion Picture Soundtrack)
André Manoukian - Rondo Arménien - Anouch
François Poitou - Layem (feat. Emel Mathlouthi) - Le sec et la lune
Souad Massi - Mirage (feat. Piers Faccini) - Sequana
Jacob Banks - By Design (Evel Knievel) - Lies About the War
Ramsey Lewis - Black Is the Color - Ramsey Lewis and His Gentlemen of Jazz
Nina Simone - Black Is the Color (Jaffa Remix) - Verve Remixed 2
Thomas Naïm - Kite - On the Far Side
Compro Oro - The Lower 9th - Buy the Dip
Bryan Ferry & Todd Terje - Johnny & Mary (2014 Remaster) - Avonmore