Zuele klammen 100 Neiinfektiounen, 9 nei Hospitalisatioune wéinst Covid-19
De Méindeg goufen zu Lëtzebuerg 100 Neiinfektiounen mam neiaartege Coronavirus festgestallt. Dat sinn esou vill Neiinfektiounen an engem Dag wéi net méi zënter Ufank Abrëll. 47 Persoune (3 op der Intensivstatioun) sinn zu Lëtzebuerg wéinst Covid-19 hospitaliséiert: Dat sinn der 9 méi wéi gëscht an 20 méi wéi virum Weekend. 11.280 Tester goufe gëschter am Ganzen duerchgefouert.
- Woch vum 15. Juni: 52
- Woch vum 21. Juni: 140
- Woch vum 28. Juni: 289
- Woch vum 5. Juli : 402
Méi zum Thema
"Et fänkt u sportlech ze ginn"
Stéisst den analogen Tracing u seng Limitten? Mat iwwer 60 Neiinfektiounen den Dag missten d'Leit an der Inspection sanitaire Iwwerstonne maachen, mee "mir kréien dat hin", seet de Jean-Claude Schmit.
Analys
D'Zuele klammen nees
Fir d'éischte Kéier zanter siwe Woche gouf nees e Stierffall gemellt wéinst Covid-19. Zanter Nationalfeierdag gëtt et eng zweet Well un Infektiounen. D'Zuele klammen awer net esou séier wéi am Mäerz.
Large-scale testing dréit Friichten
Bis de 6. Juli goufen am Kader vum Large-scale testing 268 Leit positiv getest. Dat si Leit, déi zum Deel guer keng Symptomer hunn, a sech net krank spieren, an doduerch fréi kënnen a Quarantän gesat ginn.
Net all positive Fall ka retracéiert ginn
D'Santé wier "e bëssen iwwerrascht" iwwer d'Rapiditéit, mat där d'Corona-Infektiounen nees geklomme sinn, esou de Jean-Claude Schmit. Pro Dag kéint een d'Kontakter vun enge 60 Leit retracéieren.
