Chamberkommissiounen Affär Da Costa: Revirement vum Franz Fayot

Revirement vum Wirtschaftsminister an der Affär iwwer d'Entloossung vum Fuerscher Jeff Da Costa. De Franz Fayot sot de Moien an der Chamber, de Chef vum Jeff Da Costa hätt wuel selwer Beamten am Wirtschaftsministère kontaktéiert fir sech iwwer säi Mataarbechter ze beschwéieren. An der Affär da Costa wollten d'CSV an d'Piraten den Donneschdeg de Moie vum Wirtschafts- a vum Ëmweltministère an den zoustännege Chamberkommissiounen Äntwerten op hir Froen.

Jacques Ganser / cz

Franz Fayot, ministre de l’Économie
Foto: SIP / Emmanuel Claude

Lauschteren


D'Beamten hätten dem Direkter vun RSS-Hydro geroden, de Jeff Da Costa net z'entloossen, esou de Franz Fayot. E puer Stonne virdrun hat de Minister hei op der Antenn nach formell dementéiert, datt et e Kontakt tëscht sengem Ministère an der Firma RSS-Hydro gi wier ronderëm d'Entloossung vum Jeff Da Costa.

Wéi mir dat gemellt haten, war de Patron vum Jeff Da Costa ganz zefridde mat der Aarbecht vum jonke Fuerscher. E gouf awer stënterlech entlooss, an zwar e puer Deeg no engem Interview am September d'lescht Joer op RTL, an deem de Jeff Da Costa d'Lëtzebuerger Autoritéite wéinst engem schlechten Héichwaasserschutz kritiséiert hat.

Den Direkter huet eis gesot, en hätt wëlle politeschen Drock verhënneren a seng aner Mataarbechter schützen. D'Regierung an d'Ministèren dementéieren, datt et politeschen Drock gi wier.

En erstaunleche Revirement, fënnt den CSV Deputéierte Gilles Roth, deen allerdéngs politesch Responsabilitéiten no den Äntwerten den Donneschdeg Moien ausschléisst.

"An eisen Aen gëtt et keen Drock, deen direkt vun engem Regierungsmember ausgeüübt ginn ass. Dat hu mer aktéiert an dat stelle mer och zefriddestellend fest. Allerdéngs ass keng Kloerheet, wat an der Etage ënnendrënner geschitt ass. Do gëtt et och ee Sënneswandel vun dem Chef vun der Firma, déi den Här Da Costa beschäftegt. Och dat muss eng Kéier déi néideg Opklärung fannen."


Notiz Donneschdeg 16h30: An enger éischter Versioun vum Artikel huet et geheescht, eng héich Beamtin aus dem Waasserwirtschaftsamt hätt wéinst der Affär Da Costa demissionéiert. Wéi mir mëttlerweil confirméiert kruten, ass dës Informatioun falsch, am Abrëll hat déi betraffe Beamtin schonn decidéiert, an den Inneministère ze wiesselen, wat mir och vum Inneministère confirméiert kruten.

Méi zum Thema

Tom Haas Kommentar
Chronik

D'Causa da Costa ass e fataalt Signal fir jonk Fuerscher: Hat säi Chef Angscht, e kéint d'Hand bäissen, déi hie fiddert? Fir den Tom Haas wier dat méi schlëmm wéi eng Interventioun vun engem Politiker.

Chamber
Fall Jeff Da Costa

Der Oppositioun an der Chamber no werfen d'Revelatioune ronderëm de Lëtzebuerger Chercheur Jeff da Costa eng Rei Froen op. Et wier lo wichteg de Fall opzeklären. Eng Rei Fraktiounen hunn dowéinst haut konkret Ufroe gestallt.

Net verpassen

Programm

Dossieren

  • Saint-Malo: "Étonnnants Voyageurs"

    Saint-Malo ass déi Plaz, wou déi sougenannt ''littérature-monde'' gefeiert gëtt. Den 100,7 war bei der leschter Editioun vum Festival Étonnants Voyageurs am Juni dobäi.

  • Dossier: Cannabis-Legalisatioun

    Nach am Laf vun dësem Joer soll e legale Kader ausgeschafft ginn, fir e staatlech kontrolléierten Ubau vu Cannabis fir medezinesch Zwecker zu Lëtzebuerg méiglech ze maachen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen