Debatt ëm d'Verfassungsreform D'CSV dreet d'Verfassungsreform net matzestëmmen

Déi rezent Diskussiounen iwwer eng eventuell Reform vum Wahlsystem géife weisen, datt d'Verfassungs-Debatt nach net ofgeschloss ass. Dat sot den CSV-President Frank Engel den Dënschdeg virun der Press.

Rick Mertens / cz

Frank Engel
Frank Engel

Déi gréisst Oppositiounspartei fuerdert, datt d'Bierger an engem Referendum eng Rei präzis Froe gestallt kréien, zum Beispill iwwer d'Wahlbezierker oder d'duebel Mandater. Wann déi aner Parteien net bereet si mat op dee Wee ze goen, da wëllt d'CSV de Verfassungsprojet, deen um Dësch läit, net matstëmmen.

Dat géif bedeiten, datt d'Reform un där joerzéngtelaang geschafft gouf, op Äis läit, sou den CSV-President.

"Da leit d'Verfassung mol einstweilen nach um Dësch, mee se kënnt dann net virun, well se net fäerdeg ass."

Frank Engel: Diskussioun ass nach net ofgeschloss

Datt d'Diskussioun iwwer d'Verfassung nach net ofgeschloss ass, hätt sech an de leschten Deeg gewisen, seet de Frank Engel. Hien huet domat op Aussoe vum LSAP-Fraktiounschef Alex Bodry reagéiert, dee sech gëschter fir e eenzele Wahlbezierk a géint duebel Mandater ausgeschwat hat. Fir d'CSV kënnen esou Froen net vun der Verfassungsdebatt getrennt ginn.

"Dat ass ee Ganzt, an iwwer dat Ganzt solle mer mat de Leit schwätzen. A wa mer mat de Leit geschwat hunn, dann ergi sech mat Sécherheet eng Rei vu Froen, déi vu besonneschem Belang sinn. An iwwer déi Froen hätte mer gären datt dann iergentwéini eng Kéier e Referendum ass, mat der Lëscht vu Froen, wou d'Leit Jo oder Nee, oder soss eppes kënnen drop äntweren. Doriwwer muss ee sech eens ginn."

Den CSV-President huet ënnerstrach, d'Parteie misste sech engagéieren, d'Resultat vun deem Referendum ze respektéieren. En zweete Referendum iwwer de ganze Verfassungstext, wier dann net méi onbedéngt néideg. Wann déi aner Parteien net bereet sinn, mat op dee Wee ze goen, da wellt d'CSV de Verfassungsprojet, den um Desch läit, net mat stemmen. D'Reform, un der scho jorzengtelaang geschafft gett, wär an dem Fall blockéiert

Un eppes hunn déi Responsabel vun der CSV de Moien kee Zweiwel gelooss: Fir d'Verfassungsreform ëmzesetzen sinn d'Regierungsparteien op d'Stëmme vun der CSV ugewisen. D'CSV géif en "Dialog" proposéieren, esou den Deputéierte Léon Gloden. Hie mécht dofir "e waarmen Appell un d'Regierungsparteien, sech gutt ze iwwerleeën", wéi se op dës CSV-Propos reagéiere wëllen.


De Panorama-Bäitrag vum Rick Mertens

Lauschteren

Méi zum Thema

Wahlbüro
Diskussiounen iwwer neit Wahlgesetz

Nieft der LSAP, schwätzen och déi gréng an d'Pirate sech fir een eenzege Wahlbezierk aus. Dat confirméieren déi zwou Parteien eis op Nofro hin. D'DP wëllt iwwerdeems nach keng Positioun bezéien.

Alex Bodry-3
Kontext Verfassungsreform

Hannergrond fir d'Fuerderung vun engem Wahlbezierk ass e Bréif vum Premierminister en vue vun enger Reform vum Wahlgesetz. D'Parteie sollten dem Xavier Bettel bis gëschter hir Positioun zu dësem an aneren Theme matdeelen.

Claude Wiseler
Verfassungsrevisioun

D'CSV wëllt d'Prozedur fir eng nei Verfassung begleeden an ënnerstëtzen, egal ob d'Partei no de Chamberwahlen an der Majoritéit oder an der Oppositioun ass. Dat seet de Spëtzekandidat Claude Wiseler.

Simone Beissel
Verfassungsrevisioun

Et géif si wonneren, wann d'DP vum Referendum iwwer déi geplangten nei Verfassung géif ofgesinn, seet d'Simone Beissel. D'Populatioun misst minimum sechs Méint am Virfeld informéiert ginn.

Bodry-Meyers
Verfassungsreform

Déi nei Verfassung wäert fréistens Mëtt 2020 a Kraaft trieden, mengt den LSAP-Deputéierten Alex Bodry. Den Nach-CSV-Verfassungspiecher Paul-Henri Meyers ass perséinlech géint de Referendum.

Programm

  • Virum Dag

  • On air

    Moies-Magazin

    • Invité am Moies-Magazin

  • Iwwer Mëtteg

  • Resonanzen

  • Spektrum

Net verpassen

  • Neien Owesprogramm um radio 100,7

    Grille Header

    De radio 100,7 huet sech als Zil gesat, déi vilfälteg an divers Realitéite vun der Lëtzebuerger Gesellschaft, déi sech konstant weiderentwéckelt, erëmzeginn.

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • Kuriositéiten aus der Lëtzebuerger Sprooch

    Si oder hatt? Zwee oder zwou? Domat oder domadder? Lëtzebuergesch ass och fir Mammesproochler net ëmmer einfach. Mir ginn der Saach op de Fong.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen