Afghanistan Lëtzebuerger Militärairbus ënnerwee fir Evakuéierungen

De Lëtzebuerger Militärairbus ass de Mëtten um 16h45 vu Melsbroek an der Belsch a Richtung Islamabad lassgeflunn. Vun do aus solle 4 Lëtzebuerger Staatsbierger an zwee Lëtzebuerger Residenten, déi am Moment nach am Afghanistan sinn, rapatriéiert ginn.

A400M
Foto: picture alliance/dpa

De Fliger ass Deel vum belschen Detachement, deen aus véier Fligeren - der Lëtzebuerger A400M, 2 C130 an eng Falcon7X - besteet, mat där eng honnert Leit sollen an Europa bruecht ginn.

Laut engem Communiqué vun der Regierung ass d'belsch Konsulatspersonnal schonn u Bord vun der Falcon7X an der pakistanescher Haaptstad Islamabad ukomm. D'belsch Militär géif sech dann ëm d'Rotatiounen tëschent Islamabad an der afghanescher Haaptstad Kabul këmmeren.

Et misst an de nächsten Deeg gekuckt ginn, wéi dee Rapatriement genee ofleeft, esou de Jean Asselborn haut de Moien um 100,7.

Den Ausseminister sot weiderhin, datt Lëtzebuerg sech bereet erkläert hätt, 12 afghanesch Staatsbierger opzehuelen, déi an hirem Land fir d'EU oder fir d'NATO geschafft hunn.

Méi zum Thema

Leit probéieren iwwer d'Mauere vum Hamid-Karzai-Flughafen ze klammen
Afghanistan

All studéiert Persoun am Afghanistan wier eng Zilscheif vun den Taliban ginn, esou de Michael Feit vu Caritas Lëtzebuerg. Virun allem d'Mataarbechter vun internationalen ONGe géife riskéiere verfollegt ze ginn.

Net verpassen

  • Offre d'emploi: Journaliste-présentateur/trice

    radio 100,7

    L'Établissement de Radiodiffusion Socioculturelle, opérateur de la radio de service public radio 100,7, recherche Un/e Journaliste-présentateur/trice sous contrat à durée indéterminée et à tâche complète (40h/semaine).

Programm

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen