Chamberleak Neit IT-Personal an en neien Internetsite fir d'Chamber

De Chamberpresident Fernand Etgen respektéiert d'Entscheedung vum Parquet, fir déi sougenannt Chamerleak-Affär ouni juristesch Suitten ze klasséieren, hie wëllt sech am Moment awer nach net am Detail dozou äusseren. D'Chamber géif an Zukunft méi enk mat externen Déngschtleeschter a mam Centre des technologies de l'information de l'Etat zesummeschaffen. D'IT-Equipe vun der Chamber soll iwwerdeems verstäerkt ginn, seet de Fernand Etgen.

Chris Zeien

Fernand Etgen
De Chamberpresident Fernand Etgen

D'Chamber huet den 12. Juli 2019 - also bal annerhalleft Joer no der Affär - zwee Posten ausgeschriwwen. Ee Responsabele fir d'Sécherheet vun Informatiounsreseauen an een Ingenieur fir Reseauen a Sécherheet. D'Chamber géif an aller Rou d'Recommandatiounen, déi am Audit vun zejoert festgehale goufen, ëmsetzen. Ënner anerem wier elo de Profil vum Responsabele fir Sécherheet vun de Systemer vun der Informatioun ausgeschafft an ausgeschriwwe ginn, sou de Chamberpresident.

Wéini déi nei Leit hir Aarbecht kënnen ufänken, konnt de Fernand Etgen nach net soen. Beim Choix vun de Kandidate gëtt d'Chamber vun der Beroderfirma Wavestone ënnerstëtzt. Weider Rekrutementer wiere momentan net geplangt. Bis wéini eng Konventioun mam CTIE stoe soll, konnt de Fernand Etgen net beäntwerten. Am 100-Interview am Mäerz dëst Joer hat de Chamberpresident Enn 2019 als Zilvirgab genannt.

D'Chamber mécht iwwerdeems eng Ausschreiwung fir en neien Internetsite, de Cahier de Charges wier an der Finalisatiounsphas, sou de Fernand Etgen. De Chambersite soll an Zukunft a méi Sproochen accessibel sinn, weider Detailer dozou wollt de Fernand Etgen nach net ginn. Den neie Site soll och inklusiv ginn, dat heescht, datt zum Beispill och héiergeschiedegt an daf Persounen "eng Partie vun den Informatioune solle kënnen ofruffen".

Wéini genee den neie Chambersite soll operationell sinn, konnt de Chamberpresident nach net soen.

De Chamberpresident soll demnächst eng offiziell Stellungnahm zu der Affär Chamberleak ofginn, schreiwt den Onlinemedium reporter.lu.


De Bäitrag vum Chris Zeien:

Lauschteren

Méi zum Thema

Gebai vum radio 100,7
Chamberleak

De radio 100,7 begréisst ausdrécklech, datt de Parquet d'Affär Chamberleak zougemaach huet an déi zwee Journaliste Jean-Claude Franck a Claude Biver net inculpéiert goufen.

Chamber
#Chamberleak

Ee Joer no de Chamberleaks ass d'Enquête vun der Justiz nach net ganz ofgeschloss. Dat sot eis de Justizspriecher Henri Eippers op Nofro hin. Virun engem Joer hat dëse Radio op Sécherheetsproblemer um Internetsite vun der Chamber opmierksam gemaach.

Gebai vum radio 100,7
Chamberleak

Beim radio 100,7 gouf et um Dënschdeg eng Perquisitioun vun der Police Judiciaire wéinst der Affär ëm Dokumenter, déi um Site vun der Chamber accessibel waren. Et goufe keng Dokumenter saiséiert.

Franck a Biver
#Chamberleak

De radio 100,7 wäert weider op den Dokumenter schaffen, déi ëffentlech um Chambersite waren. Wa si d'Interêt public sinn, wäerte se der Ëffentlechkeet matgedeelt ginn. Wéi ass den 100,7 op de Problem gestouss?

Mars di Bartolomeo
#Chamberleak

No der Sécherheetspann op chamber.lu huet de Chamberbureau de Mëtteg unanime decidéiert, d'Informatiounen un de Parquet weiderzeleeden. Dat annoncéiert de Chamberpresident Mars Di Bartolomeo.

Net verpassen

  • Offre d'emploi: Redakter/Redactrice Web

    radio 100,7

    Den Média de service public 100,7, deen de radio 100,7 bedreift, sicht en/eng neie/nei Redakter/Redactrice fir d'Onlineredaktioun mat engem Aarbechtskontrakt op onbestëmmten Dauer (CDI) fir 40 Stonnen d'Woch.

Programm

Dossieren

  • Chamberwalen 2023

    Am November gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen