Enseignement Si fir d'Rentrée genuch Enseignanten do?

Fir d'Rentrée feelen an der Grondschoul Enseignanten, kritiséieren d'Gewerkschaften. Just "e Grapp voll" Poste wier op, äntwert de Minister. Hie wier optimistesch, datt dës e Freideg all besat wieren.

Françoise Keller / ys

Claude Meisch.JPG
Claude Meisch

Fir d'Rentrée dëse Freideg géifen an der Grondschoul eng ganz Partie Posten opstoen, kritiséiert de Patrick Remakel. De President vun der Enseignants-Gewerkschaft SNE-CGFP nennt d'Beispill vun enger Gemeng, an där bal 100 Stonnen - dat heescht véier Posten - net besat wieren.

D'Gewerkschaft hätt vill Maile kritt vu Schoulmeeschteren, déi sech géife beschwéieren, seet de Patrick Remakel. Si hätte gesot kritt, si missten intern eng Léisung fannen. Et wier net akzeptabel fir Enseignanten, déi ee volle Kader hunn, unzehalen Iwwerstonnen ze maachen. Oppe Posten kéinten donieft net duerch Iwwerstonnen ausgeglach ginn, seet de Gewerkschaftler.

D'Situatioun wier "sécherlech net sou dramatesch", seet de Claude Meisch. Den Educatiounsminister ass optimistesch, datt fir d'Rentrée dëse Freideg an der Grondschoul de "Grapp voll" Posten, déi nach op wieren, besat géife ginn.

"Eng Hand mat upaken"

"Kloer ass, datt kee wäert forcéiert ginn, Iwwerstonnen ze maachen." Wann awer Enseignante bereet wieren "déi eng oder aner Iwwerstonn ze maachen", géif de Ministère dat begréissen.

Momentan géif ee probéieren, Leit ze mobiliséieren, déi schonn ersat hätten oder am Enseignement geschafft hätten, "fir eng Hand mat unzepaken". Op Pensionäre géif een zu dësem Zäitpunkt nach net zeréckgräifen, seet de Claude Meisch. Hie schléisst awer net aus, datt dat an Zukunft kéint de Fall sinn.

Beim leschte Concours am Enseignement hätt net déi Zuel vun Enseignante kéinte rekrutéiert ginn, déi néideg wier fir all d'Schoule mat qualifizéiertem Personal opzestellen, seet de Claude Meisch. "Et gëtt nun ebe mol net méi Kandidate momentan, aus ganz ënnerschiddlechen Ursaachen." Et géif een d'Situatioun analyséiere fir Léisungen ze fannen. Eng Erausfuerderung wieren d'Remplacementer, "déi awer relativ heefeg sinn an der Education Nationale. Virun allem och am Fondamental."

Interview mam Claude Meisch

Méi zum Thema

Programm

Dossieren

  • CinÉast 2017

    Schonn déi zéngten Editioun vum Lëtzebuerger Filmfestival, deen e breede Panorama vum "Art et essai"-Kino aus Mëttel- an Osteuropa bitt. Eng 100 Projektioune vu Wierker aus 19 europäesche Länner.

  • Gemengewahlen 2017

    Den 8. Oktober kënnen d'Bierger aus de 105 Gemengen am Land hir lokal Vertrieder nei bestëmmen.

Communiquéen

  • Offre d'emploi

    L'Etablissement de Radiodiffusion Socioculturelle recrute un technicien radio (m/f).

  • radio 100,7 renforce sa rédaction

    Mme Christina Heidt et M. Maurice Molitor rejoignent la rédaction d'actualités de la radio de service public.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen