Zu de phytopharmazeutesche Produite gehéieren och Pestiziden, Herbiziden an Nitrater.
Zanter 2017 ass den Asaz vu sougenannte Big Movers – dat sinn déi schiedlechst Produiten an der Landwirtschaft – ëm 47 Prozent zeréckgaangen.
Déi Chifferen publizéiert d‘Landwirtschaftsministerin Martine Hansen an enger parlamentarescher Fro vun der grénger Deputéiert Joëlle Welfring. An awer ginn nach ëmmer iwwer 12 Tonnen d‘Joer där sougenannte Big Movers an der Landwirtschaft agesat. Awer och déi Quantitéit ass an de leschte Joren zeréckgaangen ëm 27 Prozent. Haaptsächlech duerch ekologesch Mesuren am Agrarsecteur, sou d‘Ministerin.